Punkara mintalashkamanta sakirishka kullkita hapinata kamana rikuranata, Mamallaktachiy chayachinata, punchan puncha mirachinata, Mamallaktapak Llamkaykullkita yachanapak, hampinapak paktachichun rikuranka, kaytami Código de Planificación y Finanzas Públicas para el Uso Adecuado de Ingresos Excedentarios Provenientes de la Explotación y Comercialización de Recursos Naturales no Renovables kamachiy mushukyachinawanka mashkakun, Mamallakta Tantanakuymi shukniki rimanakuypi riksirkakuna.
77 ari apushitaywanmi, Mamallakta Tantanakuyka Guadalupe Llori kamachi killkakta llamkaymanta llukshichinapak mañayta kutin kallarinapak yuyarirkakuna, kayshina paktanapakka Bruno Segovia kamachiy killkakmi Mamallakta Tantanakuyta pushakushpa llaktapi llamkanapak mañakushka nishpa huchachiyta chayachirka.
Mamallakta Tantanakuypimi ishkayniki rimanakuypi Ley para la Planificación Integral de la Circunscripción Territorial Especial Amazónica kamachiy mushukyachina killkata riksirkakuna. Kay kamachiy allichinaka Biodiversidad Minkarishkamanmi puchukay apushitaypak chayana killkata allichinapak chayanka.
Rumpawan alli pukllashkata riksishpa, Mamallakta Tantanakuyka Sociedad Deportiva Aucas wankuriman Vicente Rocafuerte unanchata kay 2022 watapi rumpawan pukllashpa mishashkamanta kararka, tukuy wiñaykawsaymanta kay kutinmi, 77 watakuna kawsashka kipami riksirin. Kayshinallatak, rumpawan pukllak tukuy ayllukunamanmi Mamallakta Tantanakuy yuyarinakushka killkata chayachirka.
Mamallakta Tantanakuy kay shamuk awkarik punchaka kimsa rimanakuytami charinka, kallaripika Mamakamachiypak 158 niki killka mushukyachinatami shukniki rimanakuypi riksinka, kaypika llaktapi llakikunata Fuerzas Armadas tantanakuy yanapachun; kipaka, Ley Amazónica kamachiy mushukyachinata ashtawanka “El Gran Padrino” taripay katinapak wakichishka willayta paktanapak yuyarinakushka killkata arininka.
Portoviejo kiti wiñarishka 488 watakuna paktashkamanta, Manabí markapi, Mamallakta Tantanakuy kay kitiman chayashpa rimanakurkakuna, kay kitika Ecuador yunka llaktapak ashtawan ñawpamanta tiyak llaktami, kay 12 puncha pawkar killa 1535 watami Nueva Villa de San Gregorio de Portoviejo shutiwan wiñarirka.
Kay Mamallakta Tantanakuypak Nela Martínez wasi ukupi, Ecuador llaktapi kallari warmi kamachi killkakta yuyarishpa shutichishkapimi, Grupo Parlamentario por los Derechos de las Mujeres Wankurishkakuna kay 8 puncha Pawkar killa, Día Internacional de la Mujer punchata yuyarirkakuna, kaypika llaktaypi, llaktay llakichiypi warmikunata wakllichishkamanta rimanakunami kan.
126 ari apushitaywanmi, Mamallakta Tantanakuyka Código de Ordenamiento Territorial, Autonomía y Descentralización (Cootad) kamachiy mushukyachina killkata arinirka, kaypika Marlon Cadena, Yeseña Guamaní, Ronny Aleaga, Peter Calo kamachi killkakkuna antapywpi purinaman kayachinapak yuyay chayachishkatami tantachishka; chikanyashpa llakta pushakkuna paktarinata allikachinkapak, llaktayuk kasiklla kawsayta willachinkapak; shinallatak, kitipi kawsak wiwakunata charishpa katinapakpash.
Mamallakta Tantanakuyka chusku Minkarishkamanmi kay 2022 watapi llaktapak llamkaywasi pushakkuna llamkashkata ñawirishka llamkaywillayta riksinapak minkarka, kayshina ñawiriyka yallik 17 shinallatak 18 punchakuna kulla killami paktarirka.
Mamallakta Tantanakuyka kay kullka puncha, 12h00 sayllamantami Manabí markapi, Portoviejo kiti wiñarishka 488 wata paktashkamanta unanchashpa llamkanka.
