Mamallakta Tantanakuyta pushak, Virgilio Saquicela kamachi killkakka, Fiscalía Tantanakuypimi shuk huchachiyta kay voto electrónico llikapi 28 puncha raymi killapi llakikuna tiyashka nishkata taripay kallarichun chayachirkani, nirkami.
Mamallakta Tantanakuyka, Virgilio Saquicela kamachi killkak pushakukwan, llankay kallarishka punchakmanta Ecuador llaktayuk allikachun llankay kallarirkakuna. Chaypakka, Kay Kamachiy Awlli wasipi kamachiy rurana killkakuna harkarishkatami chaypachallatak allichinata kallarirkakuna.
99 ari shinallatak 10 mana apushitashkawanmi, Mamallakta Tantanakuyka kay Instituto Ecuatoriano de Seguridad Social (IESS) tantanakuy pushakkunata, shinallatak Salud, Finanzas llankaywasi pushakkunatapash Salud Minkarishkaman ñawirichun kayachinapak arinirkakuna, paykunaka 20 punchakuna ukupimi, Llaktapak Sistema Nacional de Salud Pública Llikapi llakikuna tiyashkata allichinapak imalla llankaykunawan paktashkata riksichinkakuna.
Kay Ley para la Garantía, Promoción y Protección de la Libertad de Prensa, de Opinión, de Expresión y de la Comunicación kamachiy rurana killkamanta ishkayniki rimanakuyta; shinallatak, Ecuador llakta Turquía llaktawan makipuranapak shuk yuyarinakushka killkatapashmi Mamallakta Tantanakuypi kay shamuk kullka puncha, 10H30 pacha tutamanka rimanakunkakuna.
Awkarik 5 puncha sitwa killa 2022 wata, 10H00 saylla tutamantami, Mamallakta Tantanakuyman Ximena Garzón, ministra de Salud pushak; Consejo Directivo tantanakuyta pushak, rimarikkuna shinallatak Instituto Ecuatoriano de Seguridad Social (IESS) tantanakuyta hatun pushakkuna, Servicio Nacional de Contratación Pública tantanakuyta pushak, Contralor General del Estado shinallatak Ministro de Finanzas llankaywasita pushakkunapash chayamunkakuna. Paykunaka llaktapi hampina wasikuna llakipi paktarikushkata, shinallatak llankay pushaypi wakllirishkata shinallatak hampina wasikuna pushay llaki kashkatami riksichinkakuna.
Kay Consejo de Administración Legislativa wankuriy, inti puncha rimanakuypi, Virgilio Saquicela pushakuywan, kamachiy rurana pichka killkatami akllarkakuna, kay kamachiy rurana killkakunaka seguridad social, llaktawan yuyarinakuna, tisiku runakunatapash rikunapimi yanapanka kay killkakunataka minkarishkakunamanmi allichiy kallarichun chayachirkakuna.
Kay Código de Organización Territorial, Autonomía y Descentralización kamachiy mushukyachina killkawanka, markapi llakta pushakkunaman mushuk paktariwan llankaykullkita chayachinapak llakta allpa kilómetros tupukunata, llaktapi mashna ñankuna ruranapak rikuchishkata shinallatak maykama paktarinatapashmi kimichishkakuna kay yuyaykunatami Mamallakta Tantanakuy shukniki rimanakuypi riksirkakuna.
Mamallakta Tantanakuypi kamachiy rurana killkata tawka kamachiykunata mushukyachinapika Llaktata chikanyachishpa pushakkunaman (GAD) utkashpa llankaykullkita chayachinapakmi rikurankakuna nirkami.
Kay Código Orgánico de Organización Territorial, Autonomía y Descentralización kamachiy mushukyachina killkawanka, Chinkayashpa markapi pushakkunaman mashna kilómetros llakta allpa charishkata, imalla llankaypak churashkata, ñankuna ruranapak munakushkata rikurashpak llankaykullkita chayachinapak kamachiy rurana killkatami Mamallakta Tantakuypi kamachi killkakkunaka rikriskakuna.
Sinchiyta rimanakushka kipa, kimsa puncha ukupi, 109 kamachi killkakuna rimarishka washami, Mamallakta Tantanakuyka Llakta pushak, Guillermo Lasso Mendoza, runata llaktapi ancha llakikunata hatun atirinakuykuna tiyan nishpa Mamakamachiypak 130 niki, 2 yupay killkapi shinallatak Ley Orgánica de la Función Legislativa (LOFL) kamachiypak 51 niki killkapi rikuchishkata katishpa llankaymanta llukshichinapak mañashkata mana arinirkakunachu.
