Kay Ley de Transparencia y Acceso a la Información Pública kamachiy kay Kipu Kamaypi shamuk punchakuna riksishka kanka, Llakta pushak, Guillermo Lasso, allichinaman kachashkata Mamallakta Tantanakuy riksishka kipa.
Shuk llamkakpak tixi killakullki hapikushkata mana uriyachishpa ranti llamkakman chayachina, kay hatun yuyaymi Defensa y Garantía de los Derechos Individuales y Colectivos de los Trabajadores kamachiy mushukyachinapak tawka mushukyaykunata paktachinka, kay arinishka kamachiytaka Kamachiy Kipupimi LLakta pushak allichinaman kachashkata Mamallakta Tantanakuy riksishpa arinishka kipa willachishka kanka.
Kay Corte Nacional de Justicia Tantanakuyta pushak, Iván Saquicela Rodas ruami Mamallakta Tantanakuy pushak, Virgilio Saquicela Espinoza kamachi killkakman Ley Orgánica Reformatoria para Descriminalizar ciertas Infracciones de Tránsito kamachiy mushukyachina killkata chayachirka.
Kay awkarik, 24 puncha kulla killa, Mamallakta Tantanakuyka ishkay rimanakuy llamkaytami charinka, kaypika kamachiy rurana kimsa killkata shinallatak kamachiy rurana killkawan kamachiy mushukyachinapak Leyes para la Defensa y Garantía de los Derechos Individuales y Colectivos de los Trabajadores tawka kamachiykuna mushukyachinata riksinkakuna.
Kamachi awlli shinallatak llaktayukkuna chaypikashkata rimanakunapak shinallatak allita riksinkapak yuyaywanmi, shamuk 27, 28 puncha panchi killa shinallatak 1 puncha pawkar killa kay 2023 wata, Mamallakta Tantanakuy, Instituto Ecuatoriano de Estudios Legislativos (IEEL) tantanakuywan Primer Congreso Ecuatoriano de Derecho Parlamentario hatun rimanakuyta, kay Mamallakta Tantanakuypak wasi uku, Quito llaktapi paktarinka.
Kay Javier Loyola kitilli, Azogues Markapimi, kitillipi tantarishka ayllukunawan, Mamallakta Tantanakuyta pushak, Virgilio Saquicela Espinoza, Consejo Nacional de Gobiernos Parroquiales Rurales del Ecuador (Conagopare) tantanakuyta pushak, Lorena Brito warmiman, llamkay kullkita Zirma mintalashkamanta (Ley 047) Azuay, Cañar, Morona Santiago, Tungurahua markakunaman chayachik kamachiyta kurka, kay kamachiytaka Mamallakta Tantanakuymi 12 puncha kulla killa 2023 watapi tukuy kamachi killkakkuna arinirka.
94 kamachi killkakkuna arinishkawanmi, Mamallakta Tantanakuyka Especializada Ocasional por la Verdad, Justicia y la Lucha contra la Corrupción Minkarishkata wiñachirka, paykunami “El Gran Padrino” huchachishkata taripankakuna, kay willaytaka La Posta llikapankapimi willachirka, kaypika llaktapak llamkawasikunapi llakikuna tiyashka nishpa huchachishkata riksichirka.
Kay Ley Orgánica de la Función Legislativa Kamachiypak 47 niki killkapi mañashkata paktashpa, Función de Transparencia tantanakuyta pushak, César Córdova shinallatak Consejo de la Judicatura tantanakuyta pushak, Fausto Murillo, kipamanka Defensor Público, Angel Torres Machuca runa shinallatak Fiscal General del Estado, Diana Salazar pushakkunami, Mamallakta Tantanakuypi kay 2022 watapi paktashka llamkaykunata riksichirka.
Mamallakta Tantanakuy, kay hunkaypak awkarik shinallatak chillay punchami, Mamallaktachiypak llamkaywasikuna kay 2022 watapi paktashka llamkaywillay riksichishkata uyankakuna, kay paktaykunaka Ley Orgánica de la Función Legislativa (LOFL) kamachiy rikuchishkamantami.
120 ari apushitaywanmi, Mamallakta Tantanakuyka Transparencia, Participación Ciudadana y Control Social Minkarishkapi allichishka llamkaywillayta hapirka, kay VIII Censo Nacional de Población, VII de Vivienda y I de Comunidades, Lanuy paktashka ñawinchiypi, kaypika willaykunata alli apanata, yachaykuna mana pakta kashkata shinallatak kay llamkay achka kullkipi paktarishktami rikunapak riksichin.
