Mamallakta Tantanakuyt pushak, Virgilio Saquicela Espinoza kamachi killkakka, rikuy sumaychay shinami Llaktakuna makipurashpa yuyarinakuy killkanapi chayarka, kay yuyarinakushka killkawanka Celica, Zapotillo, Paquisha, Yanzatza, Nangaritza, Huaquillas kitikuna Loja, Zamora, El Oro markakunapi, Ecuador llakta ukupi, shinallatak marka kitikuna, Perú llaktapak chinchay suyumanta: Tumbes, Marcavelica, Talara, Lancones, Huancabamba, Máncora llaktakunami makipurashpa yanaparinakuna .
Mamallakta Tantanakuy, Virgilio Saquicela Espinoza pushakukwan, kay Garantías Constitucionales shinallatak Derecho a la Salud Minkarishakunata, kay raymi killa atirinakuypi imalla llakikuna rikurishkata, shinallatak ancha unkuy charik, mana riksishka unkushkakunapak hampikuna illashkata taripanapak pachakunata mirachinapak arinirkakuna.
Mamallakta Tantanakuypi 10 puncha karway killa 1809 wata Shukniki Atirinakushpa Kaparinakuy 2013 watakuna paktashkata yuyarishpami sumaycharka. Pabel Muñoz kamachi killkak, Pichincha markamanta, kay puncha wiñaykawsaypak hatun yuyarina kashkatami hatunyachishpa willarka, Ecuador llaktapi, Abya Yala Suyu llaktapipash kari warmi kishpirishpa kawsak ayllukunapak hatun punchami, kay hatun yuyaykunaka watan watanmi wiñarishpa 24 puncha aymuray killa 1822 wataman chayachirka, kay punchami Real Audiencia de Quito pushaymanta kishpirishpa, kuna Ecuador llaktaman chayachirka nirkami.
Mamallakta Tantanakuy, Virgilio Saquicela Espinoza pushakukwan, 10 puncha karway killa 1809 watamanta 113 watakuna atirinakushka paktashkamanta sumaycharka, kay atirinakuyka Abya Yala llakta kishpirinapak Shukniki Kaparinakuymi karka. Raymika Mamallaktapak wipala yaykushkawan kallarirka, kipaka Ecuador mamallatapak Hayllitatami kay Wasi ukuman chayamukkunaka takirkakuna.
Mamallakta Tantanakuyta pushak, Virgilio Saquicela Espinoza, Llakta kishpirinapak Shukniki Atirinakuyta 213 watakuna paktashka yuyarina raymiman chayarka.
Llaktayuk kasiklla kawsanata rikuk shinallatak runakunata yachachinapak yuyaywan, llaktapak llamkaywasita, chikanyashka llamkaywasilunata shinallatak yanapay ruraykunata rikukkunapak yuyaywan, ashtawankarin kasiklla kawsanapi yachachinapakmi churashkami kay Ley de creación de la Universidad de Seguridad Ciudadana y Ciencias Policiales kamachiy rurana killkapi churashkata hatun yuyaykunata Mamallakta Tantanakuy shukniki rimanakuypi riksinkunkuna.
96 ari apushitaywan, Mamallakta Tantanakuy kallaripi killkashka kamuta kutinpash arinirkakuna, kay kamuka 15 niki killkata shinallatak pichka mushukyachinapak mañaytami kay Ley Orgánica que Regula el Uso Legítimo de la Fuerza kamachiymanta Llakta pushak, Guillermo Lasso Mendoza, allichinaman kachashka karka.
Kay kullka 4 puncha, karway killami, Mamallakta Tantanakuypi kay Ley que Regula el Uso Legítimo de la Fuerza kamachiy killkata allichinaman kachashkata riksishpa kallarin, kay kamachiywanka hayñikunata, kacharishka paktarinata, mamakamachiypi rikuchishkatami ukllanata mashkakun, shinallatak Ecuador llaktapi kawsak ayllukunata ukllanapash mashkakun.
Mamallakta Tantanakuypak 776 niki rimanakuy kutin kallaripi, 123 ari apushitaywanmi, Ley de Carrera Sanitaria kamachiy rurana killkata ishkayniki rimanakuypi arinirka, kay kamachiyka llaktapi hampishpa llamkak ayllukunapak hayñitami sumaychanka, paykuna pakta hampishpa llamkayta llaktayukman alli chayachichun.
Llaktayukkuna rikukukpi, Kamachi Awlli wasipak Juan Montalvo kanchapampapi, Mamallakta Tantanakuyta pushak, Virgilio Saquicela Espinoza, Llaktayukkuna, Llaktamanta tantanakuykuna, chawpi yachay tukuchik wamrakuna, llamkakun samakuk chapakkuna chayamushkawanmi, Universidad de Seguridad Ciudadana y Ciencias Policiales Sumak Yachanawasi wiñachinapak yanapayta chayachirkakuna, llaktapak hatun yachana wasika Ecaudor tukuy llaktayukkunami kasiklla kawsanapi chaparanapak yanapanapak yachachinata mashkakun.
