Mamallakta Tantanakuymi kay kullka puncha Wilman Terán kamak runata kay Consejo de la Judicatura (CJ) tantanakuypi rimarikta llamkaypi kallarichirka, payka yallik 13 puncha panchi killami Consejo de Participación Ciudadana y Control Social (CPCCS) tantanakuy kay Corte Nacional de Justicia (CNJ) tantanakuy kimsa shutikuna chayachishkamanta akllashka karka, chaymantami kay tantanakuyta pushana paktarin.
Mamallakta Tantanakuyta pushak, Virgilio Saquicela kamachi killkak, No. 844 niki rimanakuyman kay awkarin 14 puncha panchi killa, 10H00 pacha tutamantapak, kaypika exministra de Salud Pública, Ximena Garzón runatami llaktay ñawinchiy kallarinka, hampikuna rantinapi mana pakta llamkashka nishpa huchachishkamanta.
90 ari apushitaywanmi, Mamallakta Tantanakuyka Carlos Zavala, Silvia Alexandra Santi runakuna, pushak shinallatak killkakamayukpash kay Consejo de Planificación y Desarrollo de la Circunscripción Amazónica (CTEA) tantanakuymanta kay Derecho a la Salud Minkarishkaman kayachirkakuna. paykunaka kay suyu llaktapi ancha unkushka ayllukunata yanapanapak ruraykuna paktashkatami willankakuna.
Mamallakta Tantanakuymi kay kullka 9 puncha panchi killa, Graciela Mora, Marlene Molestinos, Catalina Pérez; shinallatak, Mauricio Gallardo, Carlos Figueroa, Aland Molestina, Teddy Tama runakunata Consejo de Participación Ciudadana y Control Social Tantanakuy kati kunak runakunata, Ley Orgánica de la Función Legislativa kamachiypak 12 yupay, 9 niki killkapi rikuchishkata paktashpa llamkaypi kallarichirka.
Mamallakta Tantanakuykapi, chaypikak 126 kamachi killkakkuna apushitashkawanmi, kay Ley de Incentivos a la Pesca Artesanal kamachiy rurana killkata arininkuna, kaywanka chalawata makiwan hapishpa llamkakkuna kullkita mañachun, shinallatak ashalla wawakullkita chayachishpa llaktapak llamkakkuna sinchiyachunmi yanapanka.
Mamallakta Tantanakuyka churashkata paktachina yuyaywanmi Seguridad Integral; Justicia; shinallatak Garantías Constitucionales Minkarishkakunaka ñawinchiyta, llaktay chaparayta ruranapak rikuchik pushak killkata arinirkakuna, kaypika Policía Nacional, las Fuerzas Armadas, el Cuerpo de Seguridad y Vigilancia Penitenciaria; shinallatak, Función Judicial tantanakuykunata akllanapak, kutin wallpanapak, sinchiyachinapakpash mashkakun.
Mamallakta Tantanakuymi Kay Ley de Régimen Jurídico del Derecho al Cuidado Humano Kamachiy rurana killkata kay Derecho al Trabajo Minkarishkaman tikrchun yuyarirkakuna, kaypika 8 punchakuna ukupimi, kay ishkayniki rimanakuypi chayachishka yuyaykunata kimichishpa shuk mushuk llamkaywillay killkata allinkakuna.
Mamallakta Tantanakuyka Llaktapi Hampinata ñawpa pushak, Ximena Garzón runata, llaktay ñawinchiyman kayachinapak yuyarinakurka, Mamakamachiyta shinallatak kamachiykunata mana pakta katishkamanta, kay mañaytaka Ricardo Vanegas shinallatak Nathalie Viteri kamachi killkakkunami mañayta chayachirka, llaktapak hampina wasikunapak mawkayashka hampikunata shinallatak charinakunapash rantishkamanta, kay mañayka Ley Orgánica de la Función Legislativa kamachiypak 83 niki killka, 2 yupay killkapi rikuchishkata katishkami kan.
129 ari apushitaywan, Mamallakta Tantanakuypi Llakta pushak kay Transformación Digital y Audiovisual kamachiy rurana killkata allichinaman kachashkata riksishpa arinirkakuna. Kaywanka, kamachiyka Kipu Kamaypi riksishka willachishka kankapakmi rinka kipaka paktarinaman yaykunka.
Kay Ley de Transparencia y Acceso a la Información Pública kamachiy kay Kipu Kamaypi shamuk punchakuna riksishka kanka, Llakta pushak, Guillermo Lasso, allichinaman kachashkata Mamallakta Tantanakuy riksishka kipa.
