Allpapi tiyashka charinakunamana paktanata sumaychanapi shinallatak allpapi llamkak ayllukuna kikinpak, paykunapak wasi ayllukunapash mikunata unanchanapak llamkayta sumaychanapimi, Mamallakta Tantanakuypak hatun yuyayka churashka, kay yuyaykunatami Defensa y Desarrollo de la Economía Familiar Campesina kamachiy rurana killkapi kimichishka, kay kamachiy rurana killkami kunan puncha ishkayniki rimanakuyta yallirka.
Mamallakta Tantanakuyta pushak, Virgilio Saquicela, kullasuyu saywa llaktapi kawsak ayllukunawan, llakta tantanakuykunawan, llaktapak shukllapak pushakkunawanmi kay Ley de Desarrollo Fronterizo kamachiy mushukyachinapi yuyaypaktarirkakuna, kay kamachiywan llakta mutsushkata ruranapak yanapanapakpash llamkaykullkita pakta chayachinapak allichikun.
Kay kipuk kamachiy Nº 128, Ishkayniki Kimichishka killkapimi, 17 puncha karway killa 2022 wata willachishka rikurin, shinami Ley para Fomentar la Producción Comercialización, Industrialización, Consumo y Fijación del precio de la Leche y sus Derivados kamachiyka llaktapi paktarinaman yaykun, Mamallakta Tantanakuymi yallik 31 puncha aymuray killa arinirkakuna.
Jan Jarab, kay Abya Yala Kullasuyu llaktapi Naciones Unidas para los Derechos Humanos Hatun Tantanakuypak Minkashka, shuk killkawanmi, Virgilio Saquicela, Mamallakta Tantanakuy pushakman, shinallatak, Seguridad Integral Minkarishkata pushak, Ramiro Narváez kamachi killkakman chayarka, kay killkapika Ley del Uso Legítimo de la Fuerza kamachiypi runapak hayñikunata rikunapi istallaktapi churashka kamaywan paktami kan shinallatak Mecanismos de Derechos Humanos de la ONU tantanakuymanta rikuchishkapi ushaywan paktarinatapash katirachunmi mañan.
Mamallakta Tantanakuyta pushak, Virgilio Saquicela Espinoza, willachik antakunawan rimanakuypika, pichka llaktay wankuri pushakkunaman, Guillermo Lasso, llakta pushakman shinallatak, ministro de Gobierno llamkaywasi pushak, Francisco Jiménez runamanmi kayachiyta chayachishkanchik, kay rimanakuykunaka, awaki 22 puncha karway killa, 10H00 pacha tutamantami, Tránsito Amaguaña shuti wasi ukupimi kallarinka, kaypimi makipurashpa llamkayñanta allichishun, shinaka Ley de Inversiones kamachiy rurana killkata riksishpami llamkay kallarishun.
Esther Cuesta kamachi killkak, Kay yuyarinakushka killkata chayachikmi Mamallakta Tantanakuypak rimanakuypi Ecuador llakta wamrakuna kay llaktaman Ucrania llaktapi llakikunamanta kutimushpa llakikunapillatak kawsakushkata riksichirka, Llakta pushakmanta yanapaytami mana chaskishka shinallatak chaymantami, tawka ayllukuna Ucrania llaktamanta tikranapak yuyarishkakuna, paykunaka kay makanakuy llakikuna llaktapi kawsanapak yuyarishka kay ñukanchik llaktapi mana yanapay tiyashkamanta.
Kay 92 ari apushitaywanmi, Mamallakta Tantanakuypi, Carola Ríos Michaud warmita, Servicio Nacional de Aduana del Ecuador (SENAE) tantanakuyta pushanapak imashina shutichiy paktashakta ñawinchiy kallarinapak yuyaypaktarirkakuna.
Kay Consejo de Administración Legislativa /CAL) wankuriy, Virgilio Saquicela Espinoza, pushakushka, pichka ari apushitaywanmi, Reglamento Operativo para la Implementación de la Consulta Prelegislativa uchilla kamachiyta arinirkakuna, Ley Orgánica de la Función Legislativa (LOFL) kamachiy rikuchishkata katishpami paktarirkakuna. Kay Uchilla kamachiywanka runa ayllu llaktakunapi, runa llaktakunapi, afroecuatoriano runa llaktakunapi, yunka llakta ayllukunapipash Mamakamachiypi riksishkata katishpa llaktay taripayta paktachinatami achikyachinka.
Mamallakta Tantanakuy kay awkarik 16 puncha karway killa kimsa rimanakuyta charinka, kashnami Mamallakta Tantanakuyta pushak, Virgilio Saquicela Espinoza, kayachishkapi rikurin. Llaktay chaparay paktanapak sukta yuyaykunami tiyakun shinallatak kamachiy ruranapak shuk killkatami ishkayniki rimanakuypak churashka.
Mamallakta Tantanakuyta pushak, Virgilio Saquicela Espinoza, Catamayo kitiman chayashpa, Armando Figueroa runa, kiti pushakwan rimanakuyta charirka, pushak runaka kay kitipi tawka ruraykuna paktarichun mañay killkakunata chayachichunmi mañarka, kay mañaykunapika Virgen de El Cisne apunchik wasi llaktaman pakta chayana ñan mañaypashmi tiyakun.
