Mamallakta Tantanakuyta pushak, Virgilio Saquicela Espinoza, kay shamuk kullka puncha, 09h30 saylla tutamantapakmi, No. 787 niki rimanakuyman kayachirka, kay rimanakuypimi Mamallakta Tantanakuypak shukniki, ishkayniki kipapushakkunata akllanka.
Kamachiy rurana killkakuna allichina imashinalla katikushkatami 15 Minkarishkakunaka kay 2022 -2023 watakunapak llamkayñan allichinapak riksichirkakuna, rimanakuytaka Mamallakta Tantanakuyta pushak
Mamallakta Tantanakuytapi, chayamuk tukuy kamachi killkakunami, Estados Unidos llakta pushak, Ecuador llakta pushakwan manu kullki willayta makipuranapak shuk yuyarinakushka killkata arinirkakuna, kay kamachiyka istallaktakunawan mintalashkata pakta yachakapakmi yanapan.
Mamallakta Tantanakuypi, 83 ari apushitaywan, Yeseña Guamaní Vásquez kamachi killkakta, Ishkayniki Kipapushaymanta, Ley Orgánica de la Función Legislativa kamachiypak, 14, 56 niki killkata mana pakta katishpa llamkashka nishpa llukshichirkakuna, kamachiykuna ruranapak akllanamanta, kayshina paktarinamanka Comisión Pluripartidista Ad hoc Minkarishka allichishka llankaywillayta katishpa.
Kay kullka puncha, 09h30 sayllata tutamanta, Mamallakta Tantanakuyta pushak, Virgilio Saquicela Espinoza, kayachishkamanta, tukuy kamachi killkakuna rimanakuymanmi Comisión Pluripartidista Ad Hoc Minkarishkapi allichishka llankaywillayta rinksinkakuna, kaypika Yeseña Guamaní kamachi killkakta Mamallakta Tantanakuypak Ishkayniki Kipa pushaymanta llukshichinapakmi rikuchin.
Mamallakta Tantanakuyta pushak, Virgilio Saquicela Espinoza kayachishkamanta, kay awkarin 12 puncha sitwa killa 2022 wata, 10H00 pacha tutamanta rimanakushpa llankanka. Kallaripika kullkimanta, llankaymanta, kasiklla kawsanamanta yuyaykunami rimanakunapak churashka tiyakun .
Mamallakta Tantanakuyta pushak, Virgilio Saquicela, UNES, Izquierda Democrática, Pachakutik, BAN wankuri pushakkunawanmi rimanakurka paykunaka llankapak imallata kallaripi churanatami riksichirkakuna.
Mamallakta Tantanakuyta pushak, Virgilio Saquicela Espinoza, kay 11 puncha sitwa killa, 09H30 saylla tutamantapakmi, 15 minkarishkakunapak pushakkunata shuk rimanakuyman kayachirka, kaypika kamachiy rurana killkakunapak llankaywillay killka shukniki, ishkayniki rimanakuypak imashinalla ñawpakushkata riksinapakmi kan, kay willaykunata pakta riksishpami kay 2022-2023 wata llankanapak killkañanta allichinkakuna.
Mamallakta Tantanakuypi kay Ley Orgánica para la Garantía, Promoción y Protección de la Libertad de Prensa, de Opinión, de Expresión y de la Comunicación kamachiy rurana killkata ishkayniki rimanakuypi riksishpa kallarirkakuna, kay kamachiywanka llaktayukkuna kacharishpa rimanata shinallatak ayllukunata millashpa rimanata, wakllichinata shinallatak wawakunapak kikin ukun kawsayta wakllichinata ukllanka ashtawanka willachik antakunapi llankakkunapak hayñitapash ukllanka.
Kay Tecnologías de la Información y Comunicación Llikapanka pushakkuna allichishka llankaywillayta uyashka kipa, kay 782 niki rikurishkamanta, Guillermo Lasso, Llakta pushak llukshichinapak mañayta rimanakuy ukupi rikurishkamanta, Mamallakta Tantanakuyta pushak, Virgilio Saquicela Espinoza kamachi killkakka, fiscal General, Diana Salazar, pushaktami apushitayta kanchamanta wakllichishka nishkata taripachun, shinallatak Mamallakta Tantanakuypak curul electrónica llikatapash taripachunmi huchachiyta chayachishkani nishpa willarka.
