Mamallakta Tantanakuypi, tukuy chayamuk kamachi killkakkuna, 118 ari apushitaywan kay Ley de Movilidad Humana kamachiy mushukyachina killkata arinirka, istallaktaman rinata shinallatak ayllukuna alli, pakta, chaparashka, sumaychashka purinakuy charinapak yanapanka; ashtawankarin, istallaktaman rinapak llaktaykunata pakta allichishpa mañanakushkpapish.
Ecuador Mamallaktachiymanta ruraykunawan tukuypak llaktayta paktachishpa mikuna unanchayta charinkapak hayñikunata sinchiyachinapak, kaymi tukuymanta shuk hatun yuyay kay Ley para la Defensa y Desarrollo de la Economía Familiar Campesina kamachiy rurana killkatami Kamay Kipukman willachinapak chayachinka, Mamallakta Tantanakuypi Llakta pushak alichinaman kachashkata rikushka kipa.
Mamallakta Tantanakuy rimanakushpa, 114 ari apushitaywanmi, kay Ley de Compañías para la Optimización e Impulso Empresarial y para el Fomento del Gobierno Corporativo kamachiy mushukyachik killkata arinirka, kaypika Ecuador llaktapi llamkaytantanakuytami rikuranapak maruta wiñachin, tawka wallpakunata mushukyachishpa, rikurana uktashka paktarinaklla kachun shinallatak kay llaktapi llamkayta ama harkachunpash ashtawanka llamkaywasikunapi uchilla llamkakkunapak hayñikunata ukllankapakpash.
Tukuy kamachi killkakkunami, Mamallakta Tantanakuypi Llakta Pushak, Guillermo Lasso, kay Código Orgánico de Organización Territorial, Autonomía y Descentralización (Cootad) kamachiy mushukyachinapak killkata allichinaman kachashkata tukuy arinirkakuna, shinaka ñami Kamachiy Kipukpi willachishka kanka.
Mamallakta Tantanakuy kay No. 819 niki rimanakuypi, Esther Cuesta kamachi killkak, Grupo Parlamentario por los Derechos de las Personas en Movilidad Humana Wankurimanta, Ecuador llakta ayllukuna istallaktamanta mamallaktapak llamkaykullkiwan, kawsaytarpuywan, ayllukuna kawsaywanpash yanapashkamanta riksirini nirka.
Mamallakta Tantanakuypak Salón José Mejía Lequerica wasi ukupimi, ‘Estrategias Europeas en el Ámbito de Seguridad Ciudadana’ Rimayachay paktarka, kaywanka Mamallakta Tantanakuymi Universidad Internacional de la Rioja (Unir) Sumak Yachana Wasiwan makipurashpa ñawpakman pushakun, kay rimanakuypika istallaktamanta yachak ayllukunami pushay llaktayta Ecuador llaktapi, allpapachapipash llakita chimpapuranapak rimanakurkakuna.
Kay awkarik 22 puncha sasi killa 2022 watami, Mamallakta Tantanakuy ishkay kutin llamkay rimanakuyta charinka. Kallaripika 10:15 pachaka, kay kulla - raymi killakuna 2022 watapi Llaktapak Llamkaykullki paktarishka llamkaywillaymanta rimarinkakuna.
Iskun pachakuna rimanakushka kipa, Mamallakta Tantanakuymi, 85 arinishka apushitaywan, Ibeth Estupiñán, María Fernanda Rivadeneira, Francisco Bravo shinallatak Hernán Ulloa, kay Consejo de Participación Ciudadana y Control Social (CPCCS) tantanakuypi runakunak runakunata ñawinchishkapa llamkaymanta llukshichirkakuna, paykunataka Contralor pushakta akllanapak uchilla kamachiy mushukyachinata mana paktashkamanta shinallatak Superintendente de Ordenamiento Territorial pushakta akllaypash mana achiklla rikurikushkamanta.
Mamallakta Tantanakuy por la Verdad, Justicia y Reparación en el caso María Belén Bernal Otavalo Minkarishkapi allichishka llamkaywillayta arinirka; kay yuyarinakushka killkata María Belén Bernal Otavalo runapak, Elizabeth Otavalo Paredes mama warmiman, Killkakamayuk chayachichun mañan; shinallatak, Mamallakta Tantanakuypak llikapankapi llamkaywillayta riksichichuna mañan.
Mamallakta Tantanakuyta pushak, Virgilio Saquicela, tukuy kamachi killkakkunata No.812 niki rimanakuyman kay kullka 17 puncha sasi killa 10H30 pacha tutamantapak kayachirka, kaypimi tisiku runakunapak shinallatak ancha unkuy, mana riksishka unkuy charik ayllukunapak hampikunata charishka shinallatak hampina wasikunapi yanapay chaskishka shinallatak llaktapak Sistema Nacional de Salud hampina wasikuna hampikuna charishka llamkaywillaytami riksinkakuna.
