Mamallakta Tantanakuyta pushak, Virgilio Saquicela Espinoza, tukuy kamachi killkakunatami No.783 niki rimanakuyman kayachirka, kaypika diabetes unkuyta rikuk kamachiy rurana killkata shinallatak llaktapi chikanyashpa pushakkukknaman kullki chayachinapak kamachiy rurana killaktami shuk niki rimanakypi riksinkakuna.
Kay awaki punchami mushuk rimanakuyman Mamallakta Tantanakuyta pushak, Virgilio Saquicela kamachi killkakka, Llakta pushakkunata, Conaie tantanakuy pushakkunata shinallatak llaktapi tantanakuy pushakkunatapash, kay atirinakuyta harkachinapak kayachirka.
Tawka wankurikunamanta 71 kamachi killkak ayllukuna rimarishka kipami Mamallakta Tantanakuyta pushak, Virgilio Saquicela, rimanakuyta harkachirka, kay rimanakuypika Llakta pushak Guillermo Lasso Mendoza runata pushaymanta llukshichinatami rimanakukunkuna, kay mañay paktarikunaka Ley Orgánica de la Función Legislativa kamachiypi shinallatak Mamakamachiypipash rikuchishka pachakuna ukupimi kan.
Mamallakta Tantanakuypak kay 781 niki rimanaman, awaki 27 puncha raymi killa 2022 wata, 17H30 pacha chishipakmi kayachirkakuna, kay rimanakuymanka ministro de el Interior, Patricio Carrillo Rosero shinallatak de Defensa Nacional, Luis Lara Jaramillo, llankaywasi pushakunami kay punchakuna llaktayuk atirinakuypi Policia shinallatak Fuerzas Armadas tantankuy imashinalla llankaywan paktashkata willanaman ñawirinkakuna .
Kay Basílica del Voto Nacional apunchikwasi, Quito kitipimi, CONAIE tantanakuyta pushak, Leonidas Iza, Llakta pushakpak minkashka ayllukunawan, Mamallakta Tantanakuyta pushak, Virgilio Saquicela, kayachishkamanta rimanakuy paktarka, llakinamanta llukshinapakka rimanakuyllami ancha mutsurin, nirkami .
Mamallakta Tantanakuyta pushak, Virgilio Saquicela, kamachi killkakmi Istallakta tantanakuymanta, wankurikunamanta, llaktayukkunamantapash minkashka ayllukunata shinallatak kamachik killkakkunata wankuri pushakkunata, Llakta pushakwan, Conaie wankuriywan shuktak tantanakuykunawanpash llakikunata ashayachinapak rimanakuyta kallarinapak kayachirkakuna.
"Ecuador llaktaka llakimanta llukshinapak kunantak rimanakuytami shuyakun", kashanami Mamallakta Tantanakuyta pushak, Virgilio Saquicela Espinoza, kutinpash Llakta pushakta shinallatak CONAIE tantanakuy pushaktapash rimanakuyman kayachishpa, nirka.
Mamallakta Tantanakuypi, kay 780 niki rimanakuy ukupimi Ley Orgánica de Incentivos a la Pesca Artesanal kamachiy rurana killkata shuk niki rimanakuypimi riksirkakuna, tawka kamachiykunatami chalwata makiwan hapishpa llankakta shinchiyachinapakka mushukyachinka, ashtawankarin llankanapak kullkita utkashpa mañachinapak, chalwata hapishpa llankakkuna llakipi kawsakukta yanapanapakmi.
Mamallakta Tantanakuyka ministros del Interior, Patricio Carrillo shinallatak de Defensa llankaywasi pushak, Luis Lara Jaramillo runakunatami Mamallakta Tantanakuyman ñawirinaman kayachinapak arinirkakuna, paykunaka 48 sayllakuna ukupimi, llaktapi atirinakuy punchakuna ukupu imashinalla Policia shinallatak Fuerzas Armadas tantanakuy chimpapuray paktashkatami riksichikakuna.
Mamallakta Tantanakuyta pushak, Virgilio Saquicela Espinoza, kamachi killkakmi llaktapak tantanakuykunawan, istallakta tantanakuykunawan, Pachakutik, Partido Socialcristiano, Izquierda Democrática, Unión por la Esperanza shinallatak Acuerdo Nacional, kamachi killkak wankuri pushakkunawanpash, Llakta pushak, Guillermo Lasso, Conaie tantanakuykuna, llaktayuk shuktak pushakkunawanpash utkashpa rimanakuyta kallarichun munaytami riksichin.
