Kay Salud e Higiene Menstrual kamachiy rurana killkata Mamallakta Tantanakuy No.773 niki rimanakuypi riksirkakuna; Marco Molina, Derecho a la Salud Minkarishkata pushakmi kay kamachiy imalla yuyaykunata charishkata riksichirka shinallatak warmikuna killa unkuypi kashpa tukuy chuyaklla yanapayman paktarichunmi rikuranka, ashtawankarin pakta alli kawsayta charichunka chikayachishpami ashtawan wakllirinalla ayllukunata yanapanka, nirkami.
Mamallakta Tantanakuy shukniki rimanakuypi Ley de Seguridad Social kamachi rurana killkata riksirkakuna, kay kamachiyka chalwata makiwan hapishpa llankakkuna, shinallatak ayllu llakta allpapi llankakkunapash seguridad social shinallata hampina yanapaymanpash yaykuchunmi sumaycha.
Mamallakta Tantanakuypak No. 773 niki rimanakuypimi Superintendente de Compañías, Valores y Seguros tantanakuy mushuk pushak, Ing. Marco Giovanny López Narváez runata llankaypi kallarichirka, kayshina paktayka Mamakamachiypak 120 niki, 11 yupay killkapi shinallatak Consejo de Participación Ciudadana y Control Social Tantanakuypak No. CPCCS-PLE-SG-017-E-2022-901 yuyarinakushka killkata katishpami paktarkakuna.
Mamallakta Tantanakuyta pushak, Guadalupe Llori Abarca shinallatak Unicef tantanakuyta kay Ecuador llaktapi pushak, Angela Melo pushakwan wawakunata yanapanapak kullki paktarishkamanta chaparanapak yuyarinakushka killkata arinirkakuna.
"Kunan puncha ñuka kuyashka Francisco de Orellana kiti 53 watakuna kitiyashka. Kari warmi atirik, sinchi, makanakuk runakunapak kitimi. Kikinkuna ñukanchikpak wiñaykawsayta, llakta mushukyachinapi llankakkunatapash riksinkichikmi", kashnami Mamallakta Tantanakuyta pushak, Guadalupe LLori Abarca rimarishpa kallarirka, payka llaktakuykkunapak yanapayta chaskirka, shinallatak Ley Amazónica kamachi mushukyachinapi, Suyu llakta sumak yachay wasi wiñachinapi, charinakunata shinallatak llakta riksichishpa llankaytapash ñawpakman pushashkamantami napayta chayachirka.
Kay Defensa y Desarrollo de la Economía Familiar Campesina kamachi rurana killkata Mamallakta Tantanakuypi riksirkakuna. Kay kamachiy rurana killkawanka Ecuador Llaktamanta pakta yanapaykunata chayachinapakmi mashkakun, shinami mikunata sumaychanapakka alli llaktayta sinchiyachinaman chayankakuna.
Kay 22 puncha ayriwa killa 2022 watami, Mamallakta Tantanakuyka Corte Constitucional (CC) tantanakuytami, Llakta pushak, Guillermo Lasso Mendoza, kay Ley Orgánica de Educación Intercultural (LOEI) kamachiypak killkakunata chayllapitak sakinamanta nakashpaka churashkata shuktakyachinamantapash mamakamachiywan waktarikushkata riksichichuna mañarka.
Mamallakta Tantanakuypi 131 ari apushitaywanmi, Ley de la Contraloría kamachiy mushukyachina killkata arinirkakuna, kay kamachiywanka llakichiykunata chimpapuranapak Llaktapak kullkita alli paktarinapak shinallakta kay llankaywasipak llakikunata chimpapuranapakmi yanapanka, kunanpi paktarikuk kamachiyka wakin chushaklla kamayta charishkamanta, nirkami.
Mamallakta Tantanakuypi 92 ari, 28 mana, 14 mana apushitaywanmi, Procurador General del Estado, Iñigo Salvador kamak runata Llaktay Ñawinchiyman mañashkata, Fiscalización y Control Político Minkarishkaman tikrachinapak arinirkakuna, kaypimi tukuy kamayta rikurashpa, Ley Orgánica de la Función Legislativa (LOFL) kamachiypak shikniki millka 81 killkata katishpa, Mamakamachiypak 131 niki killkapi mañashkata paktakpi, mana tukuy mutsurishkata paktakpika wakichishkami kanka.
Mamallakta Tantanakuypak rimanakuypi, 107 ari apushitaywanmi, Ministerio del Ambiente, Agua y Transición Ecológica, de Agricultura y Ganadería y el Servicio Nacional de Gestión de Riesgos tantanakuy pushakkunata kayachinapak yuyarirkakuna, paykunaka llaktaman yanapayta utkashpa llaktaykunawan chayachinata, tarpunapak yakuta chayanata, yaku wiñachinapi, yaku larkakuna ruranapi, mayu huntaypi, allpa suchuriypi shinallatak usya pachakuna yaku huntaykunapipash chimpapuranpaka llankaykuna paktashkata, pachamama shuktakyashkata chimpapurankapak, pachakunaka achka llakikunami mirarishkata ashayachinapak llankaykuna paktashkatami willankakuna.
