Llaktapi puncha llakichiy mirarikushkata shinallatak wichkana wasikunapi llakikuna rikurishkatami Mamallakta Tantanakuyka allichinapak shustarishpa kay llakikunata chimpapuranapak kamachiyta arinirkakuna. Kay Ley que Regula el Uso Legítimo de la Fuerza y la Ley de Personal y Disciplina de las Fuerzas Armadas kamachiykunami. Ashtawanka, ishkayniki rimanakunapak Fortalecimiento de las Capacidades Institucionales y la Seguridad Integral tawka kamachiykunata mushukyachik kamachiytami allichikun.
Kunanpi Mamallakta Tantanakuyta pushakukkunapak hatun llamkayka yachachikkuna mutsushkapi yanapanami karka. Chaymantami, Kay Ley Orgánica de Educación Intercultural kamachiy mushukyachinata kallari llamkaypi churashpa Kipu Kamaypi riksichirka, kay kamachiyka 160 waranka yalli yachachikkunatami yanapanka.
Mamallakta Tantanakuy, Virgilio Saquicela Espinoza pushakuywan, kanchik killakuna llamkaypi, 29 kamachiy rurana killkatami, tawka mutsushka yuyaykunamanta, ashtawankarin llaktayukta yanapana yuyaywan, kullki llamkayta shinallatak ruraykunata, ashtawanka llaktapi kasiklla kawsanapak, alli kawsayta charinapa shinallatak llaktayukpura kawsayta sumaychanapak chapakkuna pakta llamkaywan llakta wiñarichun arinirkakuna.
Mamallakta Tantanakuyta pushak, Virgilio Saquicela, kay “En los Hechos” rimanakuy TV Legislativa karu rikuchiypi rimarishpa, nirkami, Mamallakta Tantanakuyta kanchis killakuna pushaypi, rimanakuymi kallaripi kashka chaymantami 29 kamachiykunata llaktata shinallatak llaktayuktapash yanapanapak arinishkanchik, nirkami.
Kay Ley Orgánica para la Transformación Digital y Audiovisual kamachiy rurana killkata Mamallakta Tantanakuyman chayamuk tukuy kamachi killkakunami arinirkakuna shinallatak Llakta pushakman arinichun mana kashpaka allichinapak rikuchichunpash chayachinka, kashnami Mamakamachiy shinallatak Ley Orgánica de la Función Legislativa kamachiy rikuchishkata katishpa. Kamachiy rurana killkawanka kullkiwan llamkanata, istallaktakunawan chimpapuranata shinallatak rikuna shuyukuyuriktapash ruranapakmi yanapanka.
Mamallakta Tantanakuypi, tukuy chayamuk kamachi killkakkuna, 118 ari apushitaywan kay Ley de Movilidad Humana kamachiy mushukyachina killkata arinirka, istallaktaman rinata shinallatak ayllukuna alli, pakta, chaparashka, sumaychashka purinakuy charinapak yanapanka; ashtawankarin, istallaktaman rinapak llaktaykunata pakta allichishpa mañanakushkpapish.
Ecuador Mamallaktachiymanta ruraykunawan tukuypak llaktayta paktachishpa mikuna unanchayta charinkapak hayñikunata sinchiyachinapak, kaymi tukuymanta shuk hatun yuyay kay Ley para la Defensa y Desarrollo de la Economía Familiar Campesina kamachiy rurana killkatami Kamay Kipukman willachinapak chayachinka, Mamallakta Tantanakuypi Llakta pushak alichinaman kachashkata rikushka kipa.
Mamallakta Tantanakuy rimanakushpa, 114 ari apushitaywanmi, kay Ley de Compañías para la Optimización e Impulso Empresarial y para el Fomento del Gobierno Corporativo kamachiy mushukyachik killkata arinirka, kaypika Ecuador llaktapi llamkaytantanakuytami rikuranapak maruta wiñachin, tawka wallpakunata mushukyachishpa, rikurana uktashka paktarinaklla kachun shinallatak kay llaktapi llamkayta ama harkachunpash ashtawanka llamkaywasikunapi uchilla llamkakkunapak hayñikunata ukllankapakpash.
Tukuy kamachi killkakkunami, Mamallakta Tantanakuypi Llakta Pushak, Guillermo Lasso, kay Código Orgánico de Organización Territorial, Autonomía y Descentralización (Cootad) kamachiy mushukyachinapak killkata allichinaman kachashkata tukuy arinirkakuna, shinaka ñami Kamachiy Kipukpi willachishka kanka.
Mamallakta Tantanakuy kay No. 819 niki rimanakuypi, Esther Cuesta kamachi killkak, Grupo Parlamentario por los Derechos de las Personas en Movilidad Humana Wankurimanta, Ecuador llakta ayllukuna istallaktamanta mamallaktapak llamkaykullkiwan, kawsaytarpuywan, ayllukuna kawsaywanpash yanapashkamanta riksirini nirka.
