120 kamachi killkakkuna arinishkawanmi Mamallakta Tantanakuyka kay Ley Orgánica contra la Trata de Personas y Tráfico Ilícito de Migrantes kamachiyta arinirkakuna, kay kamachiywanka kay llakipi urmashka ayllukunata ukllankapak, kuyuchiykunata, paktariykunata shinalaltak llaktamanta rikuykunatapash pakachishpa yanapankapakmi kan.
Llamkayka No. 834 niki rimanakuywanmi Mamallakta Tantanakuypi, Virgilio Saquicela, pushak kamachi killkak 10h00 pacha awkarik puncha 10 puncha kulla killapak rimanakunaman kayachirka, kaypimi fomento del empleo, la seguridad y la defensa de los derechos de los trabajadores kamachiy allichinaman kachashka killkata riksishpa allichinkakuna, kay killkakunaka Kupi kamachiypi willachishpa riksichinkapak shinallatak paktarinaman yaykuchunpash.
Mamallakta Tantanakuymi bizcochos tantata, panka makinchuta shinallata ñuñu mishkita, llamkayta wiñachinapak, ruranapak, shinallatak llakta riksichinapak llamkashkamanta riksishpa unancharka. Chaymantami, pushak, Virgilio Saquicela, tawka kamachi killkakkunawan, mikunata wiñay pachakunata wakichishpa llamka Cayamabe kiti llakta ayllukunaman kushiyashpa chayachirkakuna.
Mamallakta Tantanakuyta pushak, Virgilio Saquicela, Mamallakta Tantanakuy llaktapi llakikunata chimpapuranapak shinallatak kasiklla kawsay allichinapak llamkakushkata riksichirka, chaymantami kay kullka puncha ishkayniki rimanakuypi Kamachiy rurana killkata riksinkakuna kay kamachiyka tawka kamachiykunatami llaktapak llamkaywasita sinchiyachinkapak shinallatak kasiklla kawsay tiyachunpash yanapanka, chaypakka llakikunata chimpapuranapak shinallatak wichka ayllukuna alliman tikrachunpash mamakamachiyta paktashpa yanapachun mañan, ninmi.
Kamachiykunata allichinapak arininapakpash rimanakuymi ancha mutsuriy kan, chaymantami Mamallakta Tantanakuy, Virgilio Saquicela kamachi killkak pushakuypika hatun yuyayuna kan.
Sumak yachana wasikuna, escuelas politécnicas yachana wasikuna shinallatak mushuk yuyay mashkay wasikunapash istallaktamanta llamkaypi yanapayta shinallatak mana kutichina kullkitapash chaskiy ushanmi, kay yanapaytaka Ecuador llaktapi hatun pushakwanmi paktay ushanka.
Chikanyashpa pushakkunaman llamkaykullkita runa ayllukuna mutsushkapi yanapachun chayachinami, kay Código Orgánico de Organización Territorial, Autonomía y Descentralización (Cootad) kamachiy mushukyachinapak yuyayka kan, kaytami Mamallakta Tantanakuy, Virgilio Saquicela kamachi killkak pushakuk ukupi arinirkakuna.
Istallaktaman alli nikichishka, ukllashka, rikurayashka shinallatak sumaychashkata yallichinkapak ashtawanka Ecuador llakta ayllukunata istallaktapi wañukpi wasi ayllukunaman wañushkata chayachinapakmi kay Ley de Movilidad Humana kamachiy rurana killkapi ishkay hatun paktana yuyaykunaka kan, kaytami Mamallakta Tantanakuypi kunan pushakkunawan arinirkakuna.
Mikuna unanchayta paktanapak alli llaktayta chayachinata sinchiyachinapak ruraykunata kallarichinami, kay Ley para la Defensa y Desarrollo de la Economía Familiar Campesina kamachiy ruranapak shuk hatun yuyay churashka, Mamallakta Tantanakuymi ishkayniki rimanakuypi Virgilio Saquicela kamachiy killkak pushakuywan arinirkakuna.
Kay Ley Orgánica de Pago en Plazos Justos, Primero las MYPES kamachiy, Mamallakta Tantanakuypi tawka kamachi killkak wankurishkawan makipurashpa arinishka killkawanka Llaktapak kullkillamkayta ruraytapashmi kutin wiñachinka.
