Mamallakta Tantanakuyka, Virgilio Saquicela Espinoza, pushakuywan kay sitwa killapika, chusku hatun yuyaykunapimi llamkarka: rurashka paktanapak kamachiy llamkaypi; utkashpa llaktay chapayta paktachinapi; mushuk pushakkunata akllanapi; shinallatak Mamallakta Tantanakuypak 2022-2023 llamkayñanta allichinapipash. Kay ruraykuna Llakta pushakta shuk kacharishka rimanakuyman kayachirka, shinaka imashinalla llamkaykuna paktanapak churashka ñanta katinapak shinallatak llaktapak ishkay llamkaywasipura makipuranapakmi llamkarka.
Kay rimanakuypika kamachi killkakkunaka tikramuk yachakukkuna paykunapak yachakushkawan Ecuador llaktapi yachayta katinapak manarak paktarikun nirkakunami, chaymantami Llaktapushakta kayshina mutsurikunapi utkashpa yanapachun mañarka.
Mamallakta Tantanakuymanta yachachikkuna mañashkata kutichin. 160.906 yachachikkunami Ley Orgánica de Educación Intercultural (LOEI) kamachiy mushukyachishkawan yanaparinka, llamkay kullki hapinamanta shinallatak llamkay paktarinamantapash, kamachiy kipukpi willachishka kipa.
Mamallakta Tantanakuyta pushak, Virgilio Saquicela Espinoza, kay 25 puncha Sitwa killa, tawka raymikunapi shinallatak llaktayukkunawanmi, Santiago de Guayaquil kiti wiñarishika 487 watakuna paktashkamanta shinallatak 81 watakuna kay Jambelí awkanakuymanta paktashka yuyarinakuypi karkakuna.
Mamallakta Tantanakuyta pushak, Virgilio Saquicela Espinoza, Guayaquil llaktapi willachikkunawan rimanakuypika, Guillermo Lasso Mendoza, Llakta pushakman, shuk killkata chayachirkani nirkami, kay killkapika Mamallakta Tantanakuy imallapi llamkanapak yuyaypaktarinapak shuk tawkayashka minkarishkata wiñachinapak kayachirka, Llakta pushakmanta shinallatak Mamallakta Tantanakuymantapash kimirichun, kayshina yuyaypaktarishpa llaktayukkuna mutsushka hayñikunata rikunapak rurashka kamachiyta ama tukuytak allichinaman kachachunpash, ninmi,
.
Mamallakta Tantanakuy pushak, Virgilio Saquicela Espinoza, mañashkamanta kay 25 puncha sitwa killa 2022 wata, Guayaquil llaktapimi rimanakushpa llamkankakuna shinami kiti wiñarishka 478 watakuna paktashkatya unanchanka. Kay rimanakuyka Centro de Convenciones José Joaquín de Olmedo, tantanakuna ukupimi 12H00 pacha sayllamanta paktanka, Avenida de las Américas kuskapi sakirin .
Mamallakta Tantanakuypi Marcela Holguín Naranjo (UNES), Shukniki kipapushak; Darwin Pereira (PK), Ishkayniki Kipapushak; shinallatak Esteban Torres Cobo (PSC), Consejo de Administración Legislativa (CAL) wankuripak Shukniki rimarikmi aymuray killa 2023 watakama llamkayta puchukanapak akllarirkakuna.
Mamallakta Tantanakuypika kay Ley para la Igualdad Salarial entre Mujeres y Hombres kamachiy rurana killkatami shukniki rimanakuypi riksishpa kallarirkakuna, kamachiywanka llamkaykunapi kari warmikunapash chayllatatak rurakpi pakta pakta mana chikanayachishpa kullkita chayachinapakmi, kayshina llamkaypi tukuykunami chayshinallatak kan nishkata paktachinapak.
Mamallakta Tantanakuy ukupími Asociación Ecuatoriana de Radiodifusión (AER) tantanakuyta pushak, Kléver Chica runaka, kay Ley para la Garantía, Promoción y Protección de la Libertad de Prensa, de Opinión, de Expresión y de la Comunicación
kamachiy rurana killkapi paykuna mutsushkata churachun riksichirka.
Kay awkarik punchaka Mamallakta Tantanakuy kimsa kutinmi tantanakunka. Kallaripika 10H30 pacha tutamantaka Garantía, Promoción y Protección de la Libertad de Prensade Opinión, de Expresión y de la Comunicación kamachiy rurana killkatami ishkayniki rimanakuypi riksishpa katinka, kay kamachiywanka llaktayukkuna pakta kacharishpa rimanata shinallatak llaktayukkunata millashkata, wakllichishkata, wawakunapak kikin ukun aycha wakllichiytapashmi harkashpa ukllanka, shinallatak willachina antakunapi llamkakpak hayñikunatapash ukllanka.
