Chaypikak tukuy 122 kamachi killkakkuna arinishkawanmi, Mamallakta Tantanakuyka, Guillermo Lasso Mendoza Llakta pushakta, Calvas kiti, Loja marka llaktata kay punchakuna ancha tamyapi wakllirishkamanta yanapachun shuk yuyarinakushka killkawanmi llakta llakipimi nishpa shutichichun kayachirkakuna.
Mamallakta Tantanakuypi chaypi kak tukuy 120 kamachi killkakkunapak ari apushitaywan, kay Ley Orgánica de Incentivos a la Pesca Artesanal kamachiy rurana killkapak 1, 2 niki killkata kallaripi killkashkata shinallatak arinirkakuna, Llakta pushakmi allichinami nishpa rikuchishka karka, kay kamachiytami Kamachiy Kipukman willachishka kachun chayachinka.
Kay chaska puncha Consejo de Administración Legislativa wankurishkakuna Fiscalización y Control Político Minkarishkatami utkashpa pakta ruraykunawan Llakta pushakta llaktay ñawinchiy mana harkarishpa katichun shuk mañayta chayachinapak yuyarirkakuna kay mañayka Capítulo VIII, Sección IV de la Ley Orgánica de la Función Legislativa kamachiypi churashkata katinapak, kaypika Llakta pushakta shinalla llakta kipa pushakta llaktay ñawinchiyman chayachinamantami riman".
Mamallakta Tantanakuyta pushak, Virgilio Saquicela, kay Comisión de la Niñez Minkarishkata pushak, Pierina Correa kamachi killkakwanmi, kari warmi wawakunata shinallatak 16 watayukkama wamrakunatapash istallaktamanta kutichinata rikurak kamachiy rurana killkata chaskirkakuna.
Chinkarishka Sumak yachanawasikuna kullki kutichina shinallatak chaskinatapash paktarichun shinallatak sakirishkata kullkiwan llaktapak Sistema de Educación Superior yachana wasikunata sinchiyachinapak, kay yuyaykunami Ley de Extinción de las Universidades y Escuelas Politécnicas Suspendidas por el Consejo de Evaluación, Acreditación y Aseguramiento de la Calidad de la Educación Superior kamachiy mushukyachina killkapika rikurin, shamuk punchakunami Kamachi Kipukpi willarishka kanka.
Kay Día Internacional de la Eliminación de la Discriminación Racial riksishka punchapi, 21 puncha pawkar killa paktarin, Mamallakta Tantanakuyka afrodescendiente, runa ayllukuna, yunka runakunata tukuyshina llakichiyta, shinallatak millashpa rimaytapash runa kawsayta, runakayta, wiñaykawsaytapash llaktapak shukllapak ayllukuna tantanakuypi wakllichinalla rikuriktami shitarirka.
Mamakamachiypi shinallatak Istallakta hillaykillkapi runapak hayñikunata riksik sapsi hayñikunata sinchiyachinapak wiñachinkapakpash; shinallatak, ukllayta mashkanapak, kawkapura kashkata, kawkapura kawsayta shinallatak kari warmi kashkata riksichinkapak willachinatapash mashkak Código para la Protección y Garantía de los Derechos Colectivos de Comunas, Comunidades, Pueblos y Nacionalidades kamachiy rurana killka Mamallakta Tantanakuypi shukniki rimanakuyta yallirka.
Kamachiy Awlli wasipi ñawpakman katichun munaywan sinchita llamkashkamanta, Mamallakta Tantanakuyka 19 llamkak ayllukunatami, 40 watakuna yallita llamkashka kipa, hayñi samanaman paktarishkamanta yupaychayta chayachirkakuna.
Pichka arinishka apushitaywanmi, Consejo de Administración Legislativa (CAL) wankuriyka Llakta pushak, Guillermo Lasso Mendoza runata llaktay ñawinchiyta kallarichun mañayta arininkuna, kay mañayka Mamakamachiypak 129 niki, 2 yupay killkapi rikuchishkaman llamkayta mana paktarishkamanta, kayka concusión shinallatak peculado llakichiymi kan, ninmi.
Mamallakta Tantanakuyka kay awkarik 21 puncha pawkar killapi ishkay rimanakuypimi llamkanka, kaypika mikunata ama shitanapak yanapak, shinallatak runa ayllukuna, llaktakunapak kamay pushaypi llakikunata allichinapak yuyaykunapimi llamkankakuna.
