Mamallakta Tantanakuypi, kay 780 niki rimanakuy ukupimi Ley Orgánica de Incentivos a la Pesca Artesanal kamachiy rurana killkata shuk niki rimanakuypimi riksirkakuna, tawka kamachiykunatami chalwata makiwan hapishpa llankakta shinchiyachinapakka mushukyachinka, ashtawankarin llankanapak kullkita utkashpa mañachinapak, chalwata hapishpa llankakkuna llakipi kawsakukta yanapanapakmi.
Mamallakta Tantanakuyka ministros del Interior, Patricio Carrillo shinallatak de Defensa llankaywasi pushak, Luis Lara Jaramillo runakunatami Mamallakta Tantanakuyman ñawirinaman kayachinapak arinirkakuna, paykunaka 48 sayllakuna ukupimi, llaktapi atirinakuy punchakuna ukupu imashinalla Policia shinallatak Fuerzas Armadas tantanakuy chimpapuray paktashkatami riksichikakuna.
Mamallakta Tantanakuyta pushak, Virgilio Saquicela Espinoza, kamachi killkakmi llaktapak tantanakuykunawan, istallakta tantanakuykunawan, Pachakutik, Partido Socialcristiano, Izquierda Democrática, Unión por la Esperanza shinallatak Acuerdo Nacional, kamachi killkak wankuri pushakkunawanpash, Llakta pushak, Guillermo Lasso, Conaie tantanakuykuna, llaktayuk shuktak pushakkunawanpash utkashpa rimanakuyta kallarichun munaytami riksichin.
Kay CNN en Español llika willachikwan rimanakushpa, Mamallakta Tantanakuyta pushak, Virgilio Saquicela, tantanakuykunata, llaktayukkunatami chimpapura tiyarishpa utka, achikllata tukuy llaktayuk chaypikanamanta, llaktapi llankaywasikuna kikin llankay charinamanta rimanakunaman kayachirka.
Kay llaktapushak kimsa markakunapi estado de excepción chapayta allichishkata rikunapak shinallatak Llakta pushakta, llaktayuk tantanakuykunata shinallatak Mamallaktapak tukuy llankaywasikunatapash chimpapura tiyarishpa rimanakunaman kayachinatami rimanakunkakuna.
Kay wacha 18 puncha raymi killami Consejo de Administración Legislativa wankurishka, Mamallakta Tantanakuyta pushak, Virgilia Saquicelaa Espinoza, pushakushka, kamachiy rurana kimsa kamukunatami akllashpa Minkarishkakunaman chayachishka shinallatak pichka willaykuna mañashkata kutin kallarin.
Mamallakta Tantanakuyta pushak, Virgilio Saquicela Espinoza, kutinpashmi, llaktayuk chaypikanata llankaywasikunatapash sinchiyachinapakka rimanakuymi paktana kan nirka. Mamallakta Tantanakuy pushaymanta tukuy llakta ayllukunata, tantanakuykunata, llaktaypi paktarikunata; shinallatak, Llaktapak kayshuk llankaywasi pushakkunatapash, Ecuador llakta sinchiy, alli kawsayyuk, llaki illaklla, llaytaywan paktarinatapash charinapakka rimanakuymi tiyana kan, nirkami.
Kay kullka 16 puncha raymi killa 2022 wata, Mamallakta Tantanakuyka shuktak rimanakuy llankaytami charinka, kay rimanakuymanka pushak, Virgilio Saquicela Espinoza kamachi killkak kayachirka, kaypika Ley de Creación de la Universidad de Seguridad Ciudadana y Ciencias Policiales kamachiy rurana killkatami shikniki rimanakuypi riksinkakuna.
Kay No. 777 niki rimanakuypimi, Mamallakta Tantanakuyka Código Orgánico de Organización Territorial, Autonomía y Descentralización (COOTAD) kamachiy mushukyachina killkata shukniki rimanakuypi riksinkakuna, kay kamachiyka chikanyachishka pushakkuna (GAD) paykuna paktana llankayta allichichun hillaymi kan, shinallatak shina llankashpa alli pushayta charichunmi mashkakun.
Mamallakta Tantanakuy, Virgilio Saquicela Espinoza pushakuywan, 107 ari apushitaywanmi, Fiscalía General del Estado tantanakuyman ñawpa llankaywasi pushak, 2020 watapi taripashpa llankaymanta anchuchishka, María Paula Romo runata ñawinchiyman kayachishka killkata chayachinapak arinirkakuna, kay ñawinchiypika imalla llakikuna tiyashkata riksinapak kay llankaypi mana pakta kashka nishpa rikuchishpa kallarichun, ninmi.
