Mamallakta Tantanakuypi, 131 ari apushitaywan, kay Ley de Vivienda de Interés Social kamachiy rurana killkata arinirkakuna, kamachiytaka Gobiernos Autónomos,Descentralización, Competencias y Organización del Territorio Minkarishka allichishka killkatami riksirkakuna, kay kamachiyka llaktayuk mutsushka kawsana wasikuna charinatami yanapanka shinallatak wasichinapak tukuy mañaykunatapashmi ashayachinka.
Biodiversidad Minkarishkata pushak, Washington Varela, kay 07 puncha kullka killami 08h30 pacha tutamanta, antisuyu llaktamanta 14 kamachi killkakkunawan llankay rimanakuyta charikrinchik nirkami, kaypika Ley Orgánica para la Planificación Integral de la Circunscripción Territorial Especial Amazónica kamachi mushukyachina killkapak 15 niki killkakunata alli riksinkapak. Shinami tukuy yuyaykunata tantachishpa shuk killkata apukkuna shuk niki rimanakuypi riksichun allichishun, nirka.
Kunan puncha 09h30 pacha tutamanta, Mamallakta Tantanakuypi kay Ley de Vivienda de Interés Social kamachi rurana killkata ishkay niki rimanakuypi riksinkakuna, kay kamachiywanka punchanta kawsanapak wasikuna illashkata, wasikunapi achka pura kawsakuy ashayachinata, hawalla wasichishkata, kawsana wasikunapi yanapay illashkata shinallatak mana rikushka kawsaykuna mirakushkata allichinapak yanapanka.
Kay Colegio de Contadores del Guayas wankurishka ayllukunapak acción de protección kamay imashina paktanata riksinkapak, Derecho de los Trabajadores Minkarishkapi, Andrea Montalvo, Paola Yánez runatapash chakirka, paykunaka Secretaría de Educación Superior, Ciencia, Tecnología e Innovación (Senescyt) tantanakuypak killkakamayuk katipushak shinallatak kamak pushayta ñawpakmi kankuna.
131 ari apushitaywan, Mamallakta Tantanakuypi kay Mamakuchapi Llankanapak 2006 yuyarinakushka killkata kutinpash arinirkakuna, shinallatak paktanapakka alli llankay charinata, pakta pakta llankaypi chayanata, purikushpa llankaypash alli alli kanata, mamakuchapi llankakkunapak kawsay ukllanatapashmi churashkakan.
Ley de Mineria kamachiy mushukyachina paktayka ayllukunapak, pachamamapak kawsayta shinallatak yaku wiñaytami rikunami kan, pakalla chukita llukshichikta wanachinpash, Zaruma llaktapi llakikuna kutinpash ama rikurichun.
Kay Ley de Vivienda de Interés Social kamachiy rurana killkatami ishkay niki rimanakuypi kay kullka puncha, 09h30 pacha tutamanta Mamallakta Tantanakuypi riksinkakuna. Kay kamachiy rurana kilkami Kamachiy Awlli llankanapak ishkay niki hatun yuyay ukupi "Kullkillankaymanta, ruray llankaymanta, llankay wiñachinamanta, llankakpak hayñikunamanta shinallatak seguridad social yanapaymantapash" rikunapak churashka kan.
Mamallakta Tantanakuyta pushak, Guadalupe Llori Abarca, Consejo de Administración Legislativa (CAL) tantanakuy pushakkunawan, Llaktaywankuri pushakkunawanpash rimanakushpa, Mamallakta Tantanakuypak killkakakamayukta, pushakkunatapashmi, kay Resoluciones del Consejo de Administración Legislativa CAL-2021-2023-011 de 20 de junio de 2021 y CAL-2021-2023-0129 de 04 de octubre de 2021 yuyarinakushka killkata katishpa, ashalla pachakunapak, Llaktapak COE tantanakuy mañashkamanta kay yuyarinakushta katichun mañarka, kay wasipika tukuykuna paktanamanta 50% paktsaklla chayanapak, shinami kamachi ayllikunapak, kamachi killkakkunapak, shinallatak Mamallakta Tantanakuyman chayakkunapakpash kawsay ukllanata sumaychanka.
Kay wanay shinapash chukikamay mana alli llankayta paktachishkakuna, runahayllikuna chashnallatak Pachamamata kamanapak, shina shuktak hatun paktaykuna ñawpak yuyay Chukikamay Kamachik mushukyachinapak, shuk niki chimpapuray Hunta rimanakuy Mamallakta Tantanakuypi rikunka, maypika paktalla kay 746 rimanakuypak shamuk wanra puncha 09h00 saylla pachapi rikunapak kayankuna.
Kamachiy killkak Amada Ortiz shuk ñawpak yuyay Código Orgánico Administrativo kamachik (COA) mushukyachinapak chayachirka, tukuy llaktayukkunapak hayñikuna kay tukuypak mitachikunata allitay shinallatak may alli chaskishpa yanapay tiyachun hatun paktaykunata charin nirkakuna.
