Régimen Económico Minkashka tantanakuy paktalla llankaywan katinapak, 2022 Mamallaktapak Hatunkullki wata llankaypak shinallatak 2022-2025 chusku watakunapak hatunkullki ruray katichiy llankaykunawan kallarirka. Kamachiy tantanakuy tukuymanta wankurishpa iskun apuchikunawan arinirka Kullkiyay Kamay Wasita mañankuna shuk satallichak llankayta paktachichun tukuy minkashka tantanakuykunapi milkapankata rimanakuypi, chashnallatak satallichakpak yanapaykunata chaskinapak, kay mañaykunata chayachishka kan Byron Maldonado kamachiy killkak; shinallatak, llankayñankunata llankaywillayta killkanapak arinirkakuna.
Desarrollo Económico, Productivo y la Microempresa Minkashka, kay chishipi Covid-19 hatun llakichi unkuykunamanta ñawpak yuyay Desarrollo Económico y Sostenibilidad Fiscal Kamachik riksichiyashkakunawan kallarirka, Guillermo Lasso, Mamallakta pushak utka kullki llukchi chanishkakuna. Kay rayku, chakipakuna chayshina machaykamay katukkunapak tantanakuymanta minkashkakuna Mamallakta pushak manukullkita mushukyachinamanta paykunapak yuyaykunata chayachirkakuna.
Régimen Económico Minkashka kay chaska puncha, 10h00 saylla pachapi tantanakunka, ñawpak yuyaykunata kay Kullkiyachik Paktakay Kamachik shinapash Ista Kullki mañachiy wasita paskanapak yuyaykunata mañankuna, kamachiy killkak Darwin Pereira tikrachishkakuna, ashtawanpash Ecuador Mamallakta Kullki Llankayta Sinchiyachishpa mushukyachinapak, mushuk yuyaykuna kamachiy killkak Carlos Falquez churashka, maypika ashtawan Consejo de Administración Legislativa (CAL) tantanakuymanta chanirkakuna.
Mamakamachiy Paktachikuna Minkashka tantanakuy pushak, Fernando Cabascango riksichirka, kay shamuk chaska puncha 5 sisa killapi, 08h00 saylla pachamanta, kamachiy tantankuy “Pandora Papers”, urmachi llankaywillay taripaykunata hamutankakuna, kay rikuykunata Hunta rimanakuy Mamallakta Tantanakuypi churankakuna.
Relaciones Internacionales Minkashka tantanakuy pushak, Juan Fernando Flores, shuk hatun tantanakuyta Indonesia Mamallakta Tantanakuymanta kamachiy killkakkuna Ecuador Mamallakta Tantanakuy Kamachiy killkakkunawan charishkata paktachirkakuna, ishkay mamallaktakunamanta ranti ranti alli llankayta paktachinapak rimankuna, kamachiy llankaykunata ishkantimanta rakinapak, runahayñikunapak tiksikunawan.
Sumakta pacha alli llankaykunata sinchiyachinapak paktalla wankurishpa saywa llaktayay kawsaykuna Ecuador chayshina Colombia mamallaktakunapak Antisuyu shinapash Yunka Kasilla Kawsaksuyu, llakta may llakipi yaykuy tiyanakuna kay San Miguel shinallatak Mataje hatun yakukuna, Hunta rimanakuy Mamallakta Tantanakuy 130 arinishka apuchikunawan llankaywillayta llaktayukkuna llamkayñankunawan yalli ushachun saywa ñankunata Ecuador shinallatak Colombia ishkanti mamallaktakunaman tukuy llakikunata uriyachinapak arinishpa llankakuna.
Awkikay, Yaykunakuy shinapash Tukuypak Ikay Minkashka tantanakuy yapalla punchakunata mutsurishkata killkamañay pankata churashkata, 132 arinishka apuchikunawan, Hunta rimanakuy Mamallakta Tantanakuy arinirkakuna, llankaywillayta taripaykunamanta kay wichkana wasi shinapash mamallaktapi llaktayukkunapak ikaykuna llakipi yallikushkamanta kipaman yallichinapak.
Sukta arinishka apuchikunawan, Desarrollo Económico, Productivo shinapash Uchilla Katuy ranti wasi minkashka tantanakuy, Wilma Andrade minkashka pushak, llankaywillayta ishkay niki chimpapuraykunapak kay ñawpak yuyay Código Orgánico de Planificación y Finanzas Públicas Kamachik llankayta mushukyachinapak arinirkakuna.
“Kay mushuk Mamallakta Tantanakuypi tukuy Ecuador mamallaktapi kawsakkuna alli kawsaypak aripaktachiwan kamachinchik”, Guadalupe Llori Abarca, Mamallakta Tantanakuy pushak rimarkakuna, Consejo de Administración Legislativa (CAL) 036 tantanakuy kallarikunapi, kay wanra puncha 2 sisa killapi, CAL tantanakuypi minkashkakuna 2022 Kullkillankay riksichik panka 2022-2025 chusku watanatakunapak ruray katichikunata pakacthirkakuna, Mamallakta pushkamanta chayachishkakuna; shinapash, Régimen Económico y Tributario y su Regulación y Control Minkashkaman chayachirkakuna, paykuna washtawan llankaykunata rikchiyachishpa katichun (LOFL) Kamachiy Awlli Kamachik killkaypi rikushpa allichichun.
Kay punchakuna minkashka kamachiy tantanakuykuna pakta pakta ñawpak yuyay kamachikkunawa, chayshina taripay shinapash ñawinchikunawan katinkakuna. Chay tantanakuykunapi ñami “Pandora Papers” urmachi llankaywillay mana wankuri llankaykunata paktalla rikuykunawan ashtawan llika tantalla suyu kullkita paktachinapak, tukuy llaktayukkunapak mutsurikuna llankaywillayta rikushpa arininakuypak katinkuna.
