“Mamallakta Tantanakuy llakta ushaymi kan, maypika kikinkuna mañashkata shinapash rikuchikunata riksichinapak wasimi kan”, tukuy tantanakuykunamanta mushuk Llankay Kamachik ñawpak yuyay chayachi pachakunapi, Guadalupe Llori Abarca, Mamallakta Tantanakuy pushakpak alli shamuyta kurkakuna.
Mamakamachiy Paktachiy Minkashka pushak, Fernando Cabascango, kutinpash Guillermo Lasso, Mamallakta pushakta, shamuk chaska 22 wayru killa, 18h00 saylla pacha chishipi ñawirikuchichun kayankuna.
Mamallakta Tantanakuy pushak, Guadalupe Llori Abarca, shukpaklla tantanakuyta Anthony J. Blinken Estados Unidos Mamallakta killkamayuk, maypika ñukanchik mamallaktapak maymutsuri iñukunata rimarkakuna, imashina llakta ushay iñukunata paktalla sinchiyachinapak, anchawaklliykunata makanapak, llaki kawsaykamay shinapash llaktamantallukshiriy iñukunamanta rimaykunata paktachirka. “Kay iñukuna hatun kakunamakimi kunan pachakunapi, tukuylla wankurishpa chayshina yanapay atikuk yuyarinakuy tiyachun” Mamallakta Tantanakuy pushak, nirka
Kamachiy Killkak Angel Maita, kay ñawpak yuyay covid-19 unkuyta hampina wasipi hampishpa llankakkunapak hayñikunata yanapachun, tukuy llaktayukkunata kamarkakuna. Kay Mamakamachiy Rikukwasi kay 25 niki Apoyo Humanitario Kamachikta mana alli kan nishpa willashkata riksichirkakuna, 15 aymuray killa 2020 watapi, ñawpa Mamallakta Tantanakuykuna arinishkakuna.
Hunta rimanakuy Mamallakta Tantanakuy kallari chimpapuraypi kay ñawpak yuyay wamrakunapak kamachikta chikan chikan tantanakuy ayninakuywan katirkakuna, maypika ayninakushpa churashkata ñawpak yuyayta rimankuna, shinapash chunka wata yallishka kamachikta mushukyachinapak maskakuna.
Awkikay shinapash Tupuypak Kamay Minkashka wankurishpa kay Instituto de Altos Estudios Nacional, shamuk kullka puncha shinapash chaska puncha “Tukuylla kamay wasikunawan shinapash may alli tukuypak llaktay kamay” ista tantanakuyta paktachinkakuna. Tantanakuyka chimpapurayta rurashpa ushankakuna.
Mamallakta Tantanakuy chayshina Esquel Wallpachi rantimanta kamaywasikuna makichuranapak arininakuy pankata aspirkakuna, kamachiy killkak warmikunapak pushakayta shinallatak kamachiy wankuri warmikunapak hayñikunata sinchiyachinapak.
Mamallakta tantanakuy pushak, Guadalupe Llori Abarca, Alemania Mamallaktamanta embajador Philipp Schauer Ecuador Mamallaktapi llankayta paktachikta chaskirka, kay mamallaktapi llankayta chayshina wakita sinchiyachishpa llankaykunata wankurishpa makichuranapak arinirkakuna.
Awkikay, Tantarinakuy shinapash Tukuypak Kamay minkashka Mamallakta tantanakuymanta, paktachi rikuy Mamallakta kamay wasikunapi llankakkuna kawsay achka llakipi rikurimukpi kamanapak shinapash harkanapak rimankakuna.
Kay pakta pakta tantanakuykunapi rurashpa llankaywillay kallari chimpapuraykunapak ñawpak yuyaykunata Chukikamay Kamachikta mushukyachinapak, Tawkasami Kawsay Pachamamapi Tiyak Minkashka, kay awaky puncha wayru killa tantanakurka, kay pacha imakuna yallikushka llamkaywillay chayshina katinapak imashina kay Kamachiy Awlli Kamachik paktachikunapi katishpa yallinkuna.
