Soberanía Alimentaria Minkashka, awaky puncha chusku wayru killapi chaskirka, Juan Javier García, Taripay Yachachikwasi Yakupi Llankay chayshina Challwa (Ipiap) Hatun pushakta chaskirka, pakta Yakupi Llankay shinapash Challwa Wiñariy Kamachikta mushukyachinapak hamutaykunata paktachinkuna. Llankay wasi pushak may ushashkama apuykunata arinishpa paktachinkuna nirka. Mana yapalla kullkikuna tiyanchun rimankuna.
“Kikinyay yachay wasi yanapay shinallatak aripaktachikkunata pushankakuna”, Yachay, Kawsay, Amawtay, Sumakllankay, mushukyachi, shinapash Kallarimanta Yachay pushak, Manuel Medina, rikuy kati Hatun Yachana Wasi mushukyachinapak rikushpa katikushkata rimankuna.
Kamachiy Killkakkunapak Tantanakuy kay Movimiento Unión por la Esperanza (Unes), Mamallakta Kamachiy Yanapakta llaktay ñawinchi mañay killkayta churarkakuna, Íñigo Salvador, paypak awllikunata mana alli paktachishakamanta, Mamakachik chayshina shuktak kamachikkunapi rikushpa rimankuna.
Awkikay, Yaykunakuy chayshina Tukuypak Kamay Minkashka iskun apuchikunawan arinirkakuna, yachayñankunawan taripaykunata wichiman mirachishpa sinchiyuyari paktachinapak Hunta rimanakuy Mamallakta Tantanakuy arinishkakunata, yallishka 30 kuski killapi, chunka kimsa manu punchakunapi kamachiy tantanakuy tukuy mamallakta kamay wasikunapi llankkakuna imashina paktachishkata rikunapak taripaykunata rurachun rimankuna, wichkana wasikunapi llaki tiyashkata allichinapak chayshina tukuy tikikunami llaktayukkuna kawsaypi llaki rikurikushkamantash allichinapak katinkuna.
Biodiversidad y Recursos Naturales minkashka kunan tukuy punchakuna ayllullaktakunapi llankaykunawan katinkuna, Nueva Loja kiti, Sucumbíos Markamanta. Kay yuyaykunaka kanmi ñawpak yuyay Chukikamay Kamachikta mushukyachinapak shinapash Circunscripción Especial Amazónica Kamachiktapash mushukyachunapak llankankuna.
Mamallakta Pushak mushuk riksichiy 2021 milkapankata kurishpa allichishpa tikrachichun nishka hawa mana puncha paktaykunapi kutin chayachirkakuna, kay chunka manu punchakunapi, shinapash kayna chaska puncha 1 Wayru killa 2021 watapi, 295 niki Mamakamachik chayshina 103 niki Kamachiy Awlli Kamachik paktachishpa katishkakuna.
Hunta rimanakuy Mamallakta Tantanakuy, patsak shun apuchikunawan arinirkakuna, Alexandra Vela, Mamallakta pushakpak kamay wasiyuk; Mamallakta mitachi tukuyta chaskik wasi tawka llakichikunamanta wichkashka runakuna chayshina wamrakunatapash pushak, Hatun Chapak pushak, Tannya Varela chayshina Awkakunapak Kamay Wasi pushak Jorge Cabrera, Mamallaktapi tukuy llaktayukkunapak kamaykunata riksichichun arinirkakuna, shinallatak wichkana wasikunakunamanta shinapash yallishka kimsa killakunapi hatun llakikuna tiyashkamanta willachun kayankuna.
Hatun Llakta Aynikuy Tantanakuy tantalla Yachay Kamachiy Mamallakta Tantanakuy, wankurishpa Sumak Yachana Ista de la Rioja Wasi (Unir), tantanakuykunapi yachaykunata chayshina yuyaykunata mushukyachishpa kamachiy wasipi llankakkunaman, tantanakuyta kamayku ruray katichiy shinapash Tukuypak llaktaykuna allikay llakta ushaypi yachachirkakuna.
Justicia y Estructura del Estado Minkashka, manarak llankaywillayta killkashpa kay ñawpak yuyay millayyumay chichuchimanta alli shunku urmachi hayñikunata kamanapak kallari chimpapuraykunapi paktachinapak, hampik yachakkunapak yuyaykunata chaskirkakuna.
Garantías Constitucionales Minkashka tantanakuypi, Azuay markamanta ayllullaktakuna chayshina kiti ukumanta llaktakunamanta minkashkakuna, yakuzirma soldados yanuncay rurashkamanta llakichishkamanta riksichirka, mushuk samana pampa Cuenca kitipi, chaymanta kamachiy killkakkunata ñawpak yuyayta rikuchun mañankuna. Kamachiy tantanakuy llaktakunaman llankayñankunata killkashpa yallishpa rikunapak chayshina llaktayukkuna ima mtsurikunata charishkata rikunapak arinirkakuna.
