Kay awaki puncha, 20 kuski killapi, Garantías Constitucionales, Derechos Humanos, Derechos Colectivos y la Interculturalidad Minkarishka tantanakuy, ñawpak yuyay Wamrakunapak Kamachik allichinapak rimaykunawan katinkuna. Kay pachapi, kay 26 nikimanta 64 nikikama manarak llankaywillayta kallari chimpapurayman yallishpa shuktak rimaykunawan katinkuna.
Ñawpak yuyay Chukikamay Kamachik shinallatak Antisuyu Sayway Allpa ayllullaktamanta mushukyachishpa paktachinapak llankakuna, chikan chikan tantanakuykunamanta yuyaykunata uyarkakuna. Kay pacha Macas kitimanta, Morona Santiago Markapi, kawsaymanta pacha, Tawkasami Kawsay Pachamama Minkarishka tantanakuymanta llaktakunamanta, Kawsa marka runakunamanta tukuy mutsurikunata chaskirkakuna.
"Runa ayllu llaktamantami kani, may sumak llaktami, allpa pachaman wayrata karak "Ecuador Antisuyu" llaktamantami shamuni", punkarata charik llaktami, shinapash kay llaktaka achka wakchayashka ayllukunayukmi kan"
Achikllay Llaktayuk Chaypikay Runakuna Rikurayay Minkarishka tantanakuy pushak, Ferdinan Álvarez Zambrano, shamuk chunka pichka puncha kuski killa, Siembra EP Llankakwasi wichkarishkamanta llankaykatiy rukuykunawan katinkakuna, yachay wiñari ñawpak yuyay, amawta rurachikwasi, Imbabura marka, Urcuquí kitipi tiyashkata rikushpa katinamanta rimankuna.
Ista Puraiy ashtawan Runatikray Minkarishka tantanakuy pushak, Juan Fernando Flores, kay chillay chunka, pichka puncha kuski killapi, Ecuador shinapash Italia Mamallaktapi wichkarishka runakunata tikrachinapak chimpapuraykunata paktachirkakuna, ishkay mamallaktakuna mutsurikunapi rikushpa yuyaykachayta paktachinapak rimankuna, chay pachapi, chikan chikan llakichikunamanta wichkashka wasikunapak kawsakkunata ranti ranti tikrachikunapak rimankuna.
Tukuy tantanakuyta asha asha llankay willay kallari chimpapuraypak, ñawpak yuyay Chukimakay Kamachik mushukyachinapak, Tawkasami Kawsay shinapash Pachamama Minkarishka tantanakuy, Imbabura Markamanta tukuy llakta pushakkunapak chayshina kamaywasi pushakkunapak rimaykunata chaskirkakuna.
Desarrollo Económico Minkarishka tantanakuy Hunta rimanakuyta Mamallakta Kamaywasimanta Kallari llankay, mushukyachi, wamrakunaman alli llankaykuna paktachiy Kamachikta mushukyachinapak, shuktak yuyaykunata churashkapi rikushpa chakikatishpa allichinapak rimankuna, kay kamachikta shuktak yuyaykunata killkaypi churashpa paktachichun rimankuna.
Mamallakta Tantanakuy Hunta rimankuypi, kanchis chunka apunchi arinishkakunawan, Freddy Carrión Runapak Kamakta llaktaywanachiy shinapash llankaymanta llukchirkakuna, mana alli paypak llankayta Mamakamachikpi katishpa paktachishkamanta. Shinapash, Kamachiy killkakkuna Mamallakta Hatun Rikurayak kamay wasiman shinallatak Mamallakta Llankayta Rikuk kamay wasimanpash allichishka pankakunata tikrachichun mañankuna, kamay wasikunapak mishanakuypi taripaykunata shinapash kati rikuykunata rurashpa katichun mañankuna.
Garantías Constitucionales Minkarishka, ñawpak yuyay Apoyo Humanitario Kamachik mushukyachinapak kay Covid-19 llaki unkuykunata makanakunapak yachaytakunata willashpa shamunkuna, kamachik ukku ayñikunata llakichishkakunata masyanapak, runapak kamak, Cedocut, UNE tantanakuymanta kamachik katikkunapak rikuriyaykunata chaskinkakuna.
Karupi Kikinllatak Mishanakuy Llaktapak Wankuri kamachik Minkarishka tantanakuy Mamallakta kitikunapak mayta imashina saywakuna sakirishkakaunata mana paktalla allichishkakunamanta rikuywan katinkakuna.
