Régimen Económico Minkashka, Mireya Pazmiño Kamachiy killkak apakushka, llankaywillayta ishkay niki chimpapuraypak kay ñawpak yuyay kamachik shuktak nikikunata shukshinalla rurashpa, rantishpa kawsakkunapak kawsayta kullki charikunata kamanapak shinapash yalli kullkita surkuyta uriyachinapak chayshina hillayta mana mañashkata arinirkakuna.
Makipurashpa pushay, Hatun yachay Wasimanta tukuy yachakukkuna aynikuy, Sumak Hatun Yachay wasikunapi llankakkunapak hayñi chayshina tukuy kamay wasikunkunamanta kullkiwan yanapay, kay awaky puncha, 15h00 saylla pachamanta, Yachay, Kawsay, Amawtay, Sumakllankay, Mushukyachi shinapash Kallarimanta Yachay Minkashka shuktak iñukunata rimankuna.
Soberanía Alimentaria Minkashka, Mariano Curicama makipi apakushkamanta, llaktakunapi llankaykunata sinchiyachinkuna. Chay wankuri paktanakuywan, El Oro Markaman yallirkakuna, ñawpak yuyay Yakupi Tarpuy chayshina Challwa Kamachikta mushukyachinapak yuyaykunata chaskinapak yallirkakuna.
Mamakamachiy Paktachiy Minkashka arinirka pachapuriy pankata “Pandora Papers” urmachi taripaykunata paktachinapak. Chaypak ñami pankapi killkashpa charin shutikunata chimpapuraykunaman chayamuchun, yachaymanta tukuypak kamay wasi, mamallakta chayshina ista yachayuk, istamamallakta, Consorcio Internacional de Periodistas de Investigación (ICIJ) Ecuador mamallaktapi minkashkakuna chayankakuna. Minkashkakuna ista yachayukkunawan kay taripaykunapi yanapachun chayshina paktachinapak chaskinata rimankuna. Tukuy willay yachayta hapishka hawa Mamallakta pushak Guillermo Lasso, tukuy maymutsurikunata shinapash kutishuk yachaykunata charishkata tikrachichun rikuykunapak chayachinkakuna.
Chikan chikan Willak Hillaykunapi willachikkunata riksichishkamanta kay llankaypak yallinapak maskak Kamachiy Awllimanta tukuykunata mushukyachinapak Mamakamachiy Rikukwasita, Mamallakta Tantankuy riksichirka:
Hunta rimanakuy Mamallakta Tantanakuy kimsa yaykukkunata Mamakamachik, kamachik chayshina kallari niki 10 niki uchilla kamachikunapi killkakatishpa kay Mamakamachiy Rikukwasita tukuyta mushukyachinapak.
Tukuypak Ikay Minkashka pushak, Ramiro Narváez, kay chaska puncha 15 wayru killa, 09h00 saylla pacha, kamachiy killkakkuna kay wichkarishpa tiyakkuna llaki kawsaypta hapishpa tiyakushkamanta shinapash tukuypak nasinchiray llaktayukmanta pakta pakta taripaykunawan katinkakuna, mamallakta hatun llakikunata shwakunata wichakana wasikunapi kawsakushkamanta tukuy kamay mishay wasikunapi llankakkuna imashina llakikunata allichishpa yallikushkata rikchichun chaskinkakuna.
Yachay, Kawsay, Amawtay, Pakchiruray, Mushukyachi chayshina Kallarimanta yachay Minkashka, Manuel Medina, Kamachiy killkakmanta apak, kay chaska puncha 15 wayru killa, 15h00 saylla pachamanta Zamora Chinchipe Markapi llakta pachapurita paktachinkakuna.
Tukuy tantanakuy aynikuywan, Colombia, Chile, Bolivia shinapash Ecuador pushakkuna chayshina willakkunawan, ista tantanakuy “AMÉRICA LATINA RUNAHAYÑI KAKUNAMAKIKUNATA: Llakta Ushay, Neoliberalismo, Runahayñikuna”, Kamachiy Tantanakuykuna kay rimaykunata paktachirka, ñawparikuy, taripay shinapash Mamallakta chayshina llaktayuk millaykunata allichinapak.
Desarrollo Económico Minkashka Sumak Kuskakamay Wasikamayuk pushakkunata chaskinkakuna, maypika kay kunan Sumak Kuskakamay Kamachikta rikuchikunata mushukyachinapak riksichirkakuna. Kay llankay, kamachiy tantanakuy Daniel Noboa kamachiy killkak kay tantanakuy apankuna, shinapash mamallakta kamaymanta shinapash mamallakta tantanakuymantapash wankurishpa llanakykunata paktachinkuna.
Mamakamachiy Paktachiy Minkashka arinirka, tukuymanta, pachapuriy llankaywan “Pandora Papers” urmachiy taripaykunata ruranapak, maypika tukuy yachay wasikunamanta chimpapurayman kayankakuna, tukuypak kamay wasikunamanta minkashka, mamallakta shinapash ista yachachyuk, shuktak ista mamallaktakuna, Consorcio Internacional de Periodistas de Investigación (ICIJ) Mamallaktapi minkashka yuyaykunata paktachinapak chayankakuna. Kipaman Guillermo Lasso, Mamallakta pushakta shuktak willaykunata chaskinapak kayankakuna, maymutsuri willaykunata shinallatak rikunapak pankakunata chayachichun mañankakuna.
