Kamachik Tantanakuy rimayta charikkuna Paktachay Minkarishka tantanakuyman yallirkakuna, maypika Mamakamachiy Rikukwasimanta inconstitucionalidad parcial 304 niki Paktakay Awlli makachiy paktachin wanay killkayta churashkamanta rikunkuna.
Mamallakta Tantanakuypak hatun tantanakuy, Luis Alberto Fernández shinapash Medardo Oleas Rodríguez rurakunata akllarkakuna, paykunapak rantichakukkunawan minkashrishka chanipi tantarishpa Mamakamachiy Rikukwasipi llankak Kamak Runakunata mushukyachinapak.
Awkiyay, Yaykunakuy shinapash Tukuypak Kawsaykamay minkarishka, kamachiy killkak, Ramiro Narváez tantanakuyta apak, tantalla Diana Salazar, Mamallakta Hatun Rikurayak; Fabián Fuel Revelo, Awkakunapak Hatun Kamaypaktachi ashtawan Brúmel Vázquez Bermúdez, Hatun Kamaypaktachi Ayni Mamallaktamanta shamuk chaska puncha tikuykunawan tantanakuyta charinkakuna.
Desarrollo Económico minkarishka tantanakuy, kamachiy killkak, Daniel Noboa Azin, ñawpak yuyay Pagos en Plazos Justos kamachiyta riksirka, kallari Mipymes. Kay mushuk yuyayta Wilma Andrade kamachiy killkakmi churashka, chikan runata chayshina kamachiy runatapash llankayta rurashpa paktachishkamanta tikrachina punchapi mana ukta yallichishka, chay killakuna tiyashkamanta runakunapak piñarikunata allichinapak paktay ruraykunawan katin.
Alli kawsay shinapash pukllay hayñi minkarishka tantanakuypi, Pukllay Kamaywasiyuk, Sebastián Palacios shinallatak Comité Olímpico Ecuatoriano pushak, Augusto Morán, kay hillay mutsurikuna, yachachikkuna shinapash pukllakkuna Juegos Olímpicos Tokio 2020 pukllaypi mana alli yanapaykuna tiyashkamanta rimaypi rimanapak, kutichinapakpash huchachishka chayamurka.
Kay Consejo de Administración Legislativa (CAL) tantanakuy, tawka kamachiy ñawpak yuyaykunata yachaywapi alli kawsay yuyaypak chanirka, warmikunapak hayñikuna, cáncer cérvico uterino ñawparikuy unkuy, ciclismo kashpay ñawpachiy, kawsaykamay shinapash tukuylla niki chay iñukunami chikan chikan uniman kamachiy minkashkakunapi rimankakuna.
Guillermo Lasso Mendoza, Mamallakta Pushak, Guadalupe Llori Abarca, Mamallakta Tantanakuy pushakman kurka, Sumak Hatun Yachay ñawpak yuyaywan mushukyachinapak. Chay yuyaykunami rikuchin kimsa shinakaykunapi: kishpiykay shinapash kikinyaykunapi arininkapak, shuktak yachayta mirachinapak ashtawanpash paktalla chaskikunapi allichinapak, chaykunawan Ecuador llakta hunu wamrakuna yachayman yaykunapash katichun yanapanka, Mamallakta Pushak arinirka.
Mamallakta Tantanakuypak hunta tantanakuy, tukuykuna arinishpa, Pablo Celi de la Torre, Mamallakta Llankayta Ñawpa Rikuk, llaki llankaykunata rikuchishkamanta, pakpak llankayta apakushka watakunapi, Mamakamachik allichikunapi rikushpa kay patsak kimsa chunka shuk nikipi, tantachishpa Kamachiy Awlli kanchis chunka pusak shinallatak pusak chunka pichka nikikunapi killkakatishpa yuyayta paktarka.
Mamallakta Tantanakuypi pachapuriy kamachiy “Ecuador mamallaktaman makichuray” llankayta charin, kashna tukuy sinchitakuk llaktallikunawan llankashka kan, shinami kay kamachikkunapak llankayta achikyachishpa katina, wankurishpa shinallatak tantarishpa, rimanakuypi tawkasamiyashkakunta, riksichirka kikinpa pushak, Guadalupe Llori.
Mamallakta Tantanakuypak pushak nishkamanta, Guadalupe Llori Abarca, kay awaki chunka sukta puncha, karwa killa, 08h30 pachamanta, hunta rimanakuypi kamachiy killkakkuna kay pakiy Pablo Santiago Celi de la Torre, Mamallakta Llankayta Ñawpa Rikuk runata juicio político ñawinchiywan kallarinka.
