Mamallakta Tantanakuyta pushak, Guadalupe Llori Abarca, willachikkunawan rimashpaka nirkami, Fiscalización y Control Político Minkarishkatami, ishkay puncha ukupi, shuk llankaywillay killkapi Pablo Celi, excontralor subrogante runata ñawinchiypi tukuy kamachi killkakkuna yuyashkata shinallatak rimanakuykunapi riksishkata killkashpa chayachichun mañashkani, kay llankaywillayta riksichinapak pachakunami puchukarka shinallatak chayachinapak pachakunata mirachichun mañashkapash karupimi kan, nirkami.
Kay excontralor Pablo Celi De La Torre runata ñawinchiy paktakushkamanta, Mamallakta Tantanakuy kaytami willachin:
Mamallakta tantanakuyta pushak, Magali Llori, kayan tukuy kamachi killkakkunata N 720 niki rimanakuyta paktachinapak kayachirka, shamuk pichka kullka puncha, karwa killa, chunka ishkay pacha chishipi, maypimi yuyashka kay ishkay niki tantanakuykunata rurankapak código civil ñawpak yuyaykunata mushukyachishpa ashtawan achiklla llankaykuna tiyachun, chay 14 niki shinapash 408 niki mamakamachiy shinallatak shuktak hatun kamachiy Naciones Unidas yakukuchamanta rikuk; Mamallakta Awkiyayta ama llakichinkapak tukuy pachamamapi tiyakkuna alli pacha rikushpa yanapashka kachun.
kay awaki ishkay puncha, karway killapi, hatun tantanakuypi yanapaykunata allichishpa katikkuna, ishkay shimipi yachaymanta hatun kamachi (LOEI), pankakunata arinishpa aspirkakuna shinallatak shuktak iñukunatapash paktachirkakuna, maypimi kay Unión Nacional Educadores (UNE) kaparikunata rurakushkamanta amalla shuktak llaktakunapi yapalla mirachishpa katichun kay yachachikkunapak yarikay llankayshayay llakikunami shamun ishkay chunka ishkay punchakunmanta washa, pusak chunka yachachikkuna, tayta mamakuna shinallatak yachakukkuna chunka shuk markakuna kay mamallaktapi ukupi.
Kay Consejo de Administración Legislativa (CAL) wankuri, Guadalupe Llori Abarca pushakushka, Recinto Ferial de Francisco de Orellana kuskapimi, kullka 29 puncha sitwa killa, tukuy kamachi killkakunawan, Plan de Evaluación de la Ley Orgánica para la Planificación Integral de la Circunscripción Territorial Amazónica killkata arinirkakuna, kaywanmi llankaykuna tukuy paktashka mana paktashkatapash yachay ushanka.
Mamallakta Tantanakuyta pushak, Guadalupe Llori Abarca, kay Secretaría de Educación, Superior, Ciencia, Tecnología e Innovación (Senescyt) tantanakuyta pushak Alejandro Rivadeneira runawan rimanakurka. Hatun yuyaypika AntiSuyu llaktapi Sumak Yachana Wasita, ashtawankarin Orellana markapi wiñachinamantami rimanakurka.
Mamallakta Tantanakuyta pushak, Guadalupe Llori Abarca, tukuy kamachi kay 718 niki rimanakuyman awkarik 20 puncha, sitwa killa, 10h05 pacha tutamantapak kayachirka, kaypika Transporte Terrestre, Tránsito y Seguridad Vial kamachiy rurana killka mamakamachiywan mana paktarinchi nishka llankaywillaytami riksinkakuna, shinallatak llakta pushakta kay 2% manu kullkita microempresas llankay wasikuna mintalashkapi mañakushkata anchuchichunmi shuk yuyarinakushka killkawan mañankakuna.
Mamallakta Tantanakuypi kay Ley Orgánica para la Reactivación Económica de las provincias de Esmeraldas y Manabí kamachiy ruranapak killkata ishkay niki rimanakuypi riksirkakuna, kamachika kay llaktakunapi kullki llankay sinchiyachun hillaykunata chayachinka, kay 16 puncha ayriwa killa 2016 wata allpa chukchuypi llakitukurka.
Kay Armenia shinallatak Kullpa llaktakunapi ancha llakikuna allpa suchurishkamanta, ka´kayashkamanta, mayupash harkarishpa kuchayashkamanta rikurikukpi, Mamallakta Tantanakuyka llakta pushak, Guillermo Lasso runata Chunchi kitipi Estado de excepción paktayta kallarichichun mañan.
Mamallakta Tantanakuy kay awkarik punchami ishkay kutin tantanakunka. Mamallakta Tantanakuyta pushak, Guadalupe Llori, 174 niki rimanakuyman, 09h00 pacha tutamantapak kayachishka, kaypika Ley de Creación de la Universidad Intercultural de las Nacionalidades y Pueblos Indígenas, Amawtay Wasi kamachiy mushukyachina killkatami riksinkakuna. Kay rimanakuyka Educación, Cultura, Ciencia, Tecnología y Saberes Ancestrales Minkarishka allichishka killkapi kimirishpami paktarinka.
