Mamallakta Tantanakuyta pushak, Guadalupe Llori Abarca kayachishkawan, kay chaska puncha kamachi killkakkunaka llakta pushak kay Código Orgánico Integral Penal, para Prevenir y Combatir la Violencia Sexual Digital y Fortalecer la Lucha contra los Delitos Informáticos kamachiy mushukyachinata allichinaman kachashka killkata riksinkakuna , kay rimanakuyka Justicia y Estructura de Estado Minkarishka allichishka killkata katishpami paktarinka.
Mamallakta Tantanakuyta pushak, Guadalupe Llori Abarca kamachi killkak, Llaktapi Yachayta pushak, María Brown warmita chaskirka, payka imalla kamachiykuna mutsurishkata shinallatak llaktapi yachay sinchiyachun imalla ruraykuna paktarina illashkatami riksichirka.
Mamallakta Tantanakuyta pushak, Guadalupe Llori kamachi killkak, Carlos Zabala, Consejo de Planificación de la Circunscripción Territorial Amazónica (CTA) tantanakuy pushakwan kunan punchami kay suyu llakta ayllukunata yanapanapak yuyaykunamanta rimanakurka. Kaypika sumak yachana wasi wiñachinapak ñan katinata rimanakurkakuna.
Mamallakta Tantanakuyta pushak kay awkarik punchami Llakta pushak, Guillermo Lasso runa kay Ley de Seguridad Social, Ley de Seguridad Social de las Fuerzas Armadas shinallatak Ley de Seguridad Social de la Policía Nacional kamachiy mushukyachinapak killkata allichinaman kachashkata rimanakunkakuna; shinallatak, Llankak ayllukunapak kikin hayñita, tantanakushkapak hayñitapash mitsarinapak tawka kamachiykuna mushukyachinapak shuk niki rimanakuyta katinkakuna.
Mamallakta Tantanakuy, llakta ushaywan katishpa Energía y Recursos Naturales no Renovables, René Ortiz kamachik wanachiyna kashkata tukuy kamachiy killkakkuna apuchiwan washaman churarka.
Mamallakta Tantanakuyta pushak, Guadalupe Llori Abarca, Sucumbios markapak, Amado Chávez, kamachik rimashkata uyarka, payka Antisuyu llaktakunata yachanawasikunata, tarpuykunata yapa tamyashpa llakichirka, kay llaktakunapash Mamallaktapak ukupi kan nirka.
Mamallakta Tantakuyta pushak, Guadalupe Llori Abarca, kay Procurador General, Íñigo Salvador kamachikpak makimanta, Mushuk Repetición Hatun Kamachiyta chaskirka, chay kamachiyka Mamallakta shupaychashkamanta chay Tribunales Nacionales e Internacionales kamaywasikunaman kushka kullkita tikrachimunkapa yanapanka.
Kay Régimen Económico Tantarita pushak, Mireya Pazmiño, minkashkaman yaykurishka kamachiy killkakkunata situwakilla, 2 punchapak kayarka, chaymanta 10h00 sayllamanta rimanakuy kallarinka, Lenín Moreno, yallik Mamallakta Pushak kachashka kamachiyta allichina kallarinka, kipaman Mamallakta Tantanakuy atinakuchun kachanka.
Kay Ecuador llaktapak 17 hunu runakunapak shutipi Mamallakta Tantanakuy kamachiy killkaywan, llankayta katinawan arinishpa paktarka, Mamallakta Mamakamachiypak, Función Legislativa kamachiypak nikikunata sumaychashpa mana pantashpalla paktan.
Kay Comisión de Protección Integral de Niñas, Niños y Adolescentes tantari, kay Código Orgánico para la Protección Integral de Niñas, Niños y Adolescentes (Copinna) kamachiy rikuna llankayñata, killkana nipakunata, willaykunata mañarka.
