Soberanía Alimentaria minkarishka tantanakuypi, Ecuador Mamallakta uchilla shinapash chawpiyamuk wiwakamayuk tantanakuymanta minkarishkakuna, Mamallakta Tantanakuyta yanapaykuna tiyachun mañankuna, Acuerdos Ministeriales 177 y 394 kamachikunapi rikushpa churashka kachun mañankuna, chani ñuñukunata alli katuyta pakachichun llankayta sinchiyachinkuna.
Mamallakta Tantanakuymanta Guillermo Lasso Mamallakta pushakmanta chaskirka, llankaywan kullki wiñachi Esmeraldas shinapash Manabí kamachiy ñawpak yuyay chawpi rikuykunata tikrachirkakuna, maypika arinishkakunata, yallishka 27 sitwa killa 2021 watapi, hunta rimanakuypi 132 apuchikunawan Mamallakta Tantanakuy arinirkakuna. Kay kamachikunawan ishkay markakunapi chikan chikan tiyak llaktakunapi llankakkunapak pukuyta alli pacha rikushpa wiñachinapak, 2016 watapi allpapukuy yallikunamanta, tukuylla llaktakunamanta llankakwasikunawan makichuraywan paktachinapak.
Mamallakta Tantanakuy hunta rimanakuypi, patsak kimsa chunka apuchikunawan, Ista tantanakuy tukuy willay apamuy satélite hillaykunata chaskishpa llankaykunapi rikushpa paktachinapak, wampukawkay llankaypi tukuy willaykunata allichinapak, mamakuchapi llankakkunapak ima mutsurikuna tiyashkapi paykunapak kawsaytapash willi willikunapi rimanakushpa makichuranapak, hatunwampuk anta llankaykunawan paktachi, tukuy mitachi wampukawkaykunawan anki uyachikwan wankurishpa llankayta apanapak.
Kamachi killkak, Diego Esparza, Zamora Chinchipe markamanta minkashka, Emprendimiento para Fomentar el Consumo y Promoción de la Producción Local kamachi ñawpak yuyayta mushuk yachinapak chayachirka, wamrakunapak llankayta wiñachishpa chashnallatak mamallaktapi chuktak katuy rantikunata yanapanapak, wamrakunaman kullkita urilla mañachinaman ashtawanpash Antisuyu saywashkapi kawsakkunaman shinapash llaktapi kawsak runakunaman makichuranapak nirka.
Llankaykatiy minkarishka tantanakuy mushuk mallikunata Yeseña Guamaní, kamachi killkak churashkata rikunkuna, kay juicio político ñawinchikunawan runapak kamak, Freddy Carrión Intriago, mana alli paypak llankayta paktachishkamanta nirka.
Kay Mamakamachiy mushukyachinapak minkarishka tantanakuy, Washington Paredes, ñawpa kamachi killkakta chaskirka, ñawpak yuyay Mamakamachita allichinapak kay Galápagos Marka mushuk pushakkunata akllanapak chay mutsuri yuyata churakmi kan.
Chakrakamay wasiyuk, Tanlly Vera, Mamallakta Tantanakuy Hunta Rimanakuyman chunka pichka hunkay punchapi tantanakuyman kayanka, mamallaktapi tukuy tarpuy murukunata ashtawan wiwakunapak chanimarukuna churashkata rikushpa yallikushkamanta riksichichun; shinapash, chakrawiwakamay llaktaykuna ashtawan paktay yanapaykunata chakrakamayukkuna ashka llakipi kawsakushkamanta tiyachun, tantanakuykunawan alli pakta pakta yanapaykuna, makichuray, sumaychay, mamakamachik hayñikunawan paktachinapak llankay kamay wasiyukkunawan paktay tiyachun. Kamachi killkak, Darwin Pereira, yuyayta churashkata patsak pusak apuchiwan yanapaykuna tiyarka.
Kay Kamachiy Organización Territorial, Autonomía y Descentralización shinapash Kamachiy Transporte Terrestre, Tránsito y Seguridad Vial, ñawpak yuyay rimaykunatami Gobiernos Autónomos minkarishpa tantanakuypi mushukyachinapak rikunkakuna, kamachi killkak, minkarishka tantanakuyta pushak Celestino Chumpi, shamuk chillay puncha, 08h45 pachaman kayankuna.
Carlos Sánchez shinapash Jinson Calderón, Líder Soberano kuyurimuy tantanakuyta pushak ashtawan Tukuy Antisuyu tantanakuyta pushak, unancha killkamanta, Guadalupe Llori Abarca kushiyarin, Mamallakta Tantanakuyta wichiman apakushkamanta nirka. Minkashka llankayta alli rikushpa paktachichun shuyan, chaymanta tukuy wakcha kunkashka runakunapi yanapakushkamanta yupaycharkakuna.
Kay Consejo de Administración Legislativa (CAL) tantanakuy, chayamuk 6 kamachi killkakkuna arinishkawanmi, Rosa Elizabeth Cerda Cerda kamachi killkakta, pusak puncha llankaykullkita anchuchishpa wanachinata yuyaypaktarirkakuna, kayshina yuyarimanka Eitel Zambrano kamachi killkak huchachishkawan mana alli llankayta paktashka nishpa ñawinchiypi rikuchishkawanmi yuyaypaktarikakuna.
