Obras Públicas Kamaywasiyuk, Marcelo Cabrera, Guaranda Kitipi llaktayukkuna taktina chakakunatamanta kay Gobiernos Autónomos Descentralizados Minkarishka tantanakuypi rikushpa paktachinapak llankakushkata willarka.
Manarak llankay willayta killkashpa kay wamrakunapak kamachiy ñawpak yuyay kallari chimpapurayta paktachinapak, Garantías Constitucionales minkarishka tantanakuy chikan chikan llakta tantanakuykunamanta yuyaykunata chaskirikakuna. Kay llankaypi, shamuk pusak chillay puncha kuski killapi, 09h00 pachapi, Confederación de Nacionalidades Indígenas del Ecuador (Conaie), Wamrakuna, Kawsay shinapash Pukllay apukmanta riksinkakuna, paykunami shuktak yuyaykunata chayachinkakuna.
Mamallatak tantanakuy hunta rimanakuyman Chakrawiwakamay wasiyuk, Tanlly Vera chayashkamanta, kamachiy killkakkuna kay kamaywasiyuk chakrakamayukkuna mana paykunapak chikan kawsaypi rikushpa rimanchu, tukuy llaktakunapi chakrakunawan kawsakkunaman rikushpa yanapayta mañankuna.
Lucia Placencia kamachiy killkak apakushkamanta, Ecuador mana yarihaywan minkarishka tantanakuymanta, ñawpak yuyay Prevenir y Erradicar la Malnutrición Adulta e Infantil kamachiy paktachishpa katikushkata riksinkuna. Kay kamachik hatun paktay llaktaykunata awkichiy, ama murukunata hampishka kachun chayshina alli mikuykunawan alli kawsaypak hayñikuna paktachinapak kan nishpa willarkakuna.
Garantías Constitucionales minkarishka tantanakuy, runahayñi, sapsi hayñikuna shinapash shukllakawsaypura mushuk rikuykunata ashtawan rikuchikunata ESQUEL tantanakuymanta Ministerio de Inclusión Económica y Social paktalla Wamrakunapak kamachiy rimaymanta ñawpak yuyayta chaskirkakuna.
Mamallakta Tantanakuy Hunta rimanakuyta shamuk chunka shuk puncha, kuski killa, Riobamba kitipi Ecuador Mamallakta wiñarishkata yuyarishpa tantanakunkakuna, 1830 watapi, kallari Mamakamachik killkaykunata paktachishkakunamanta kay yuyarikunata rurankakuna.
Llankaykatiy Minkarishka tantankuypi, kimsa pachakunata, Runapak Kamak, Freddy Carrión, juicio político ñawinchikuna paypak shuktipi wiñarishpa katimukpi paypak hayñipi katishpa kishpichirka. Chaypi, 15 puncha aymuray killa, Mauro Falconí, ñawpak Hampi Kamaywasiyuk wasipi kay llakikuna paktashkamanta Lenín Moreno Mamallakta pushakpak makipi hayñikunata llakichikpi huchachishkamanta shinapash llankaypi anchawakllikunamanta piñarishpa kay llakichikunapi churan nishpa kutichirka.
Mamallakta Tantanakuy pushak, Guadalupe Llori Abarca Neisi Dajomes shinapash Tamara Salazar, pukllaypi mishashkakuna, Christian Sánchez Glorias del Deporte Ecuatoriano (GLODEC) minkarishka, José Llerena Pesas de Pichincha Tantanakuyta pushakkunwan tantanakurka; alli ñankunata tukuykuna rikuchiykunata rurashpa ñawpak yuyaykunaman kawsaypaklla pitapash mana llakichishpa ashtawan llankaykunata paktachishpa tukuy pukllaywan katikkunata makichuranapak, kay Tantanakuypi llankakkunawan yuyankuna shuk hatun tantanakuyta wiñachishpa llankaywan katichun, pukllaypi mishashkakuna shinapash minkarishka, tukuy iñukunapi makichuraykunawan paktalla katinapak.
Tawkasami Kawsay Minkarishka tantankuyta pushak, Washington Varela, kay wacha chusku puncha kuski killa, chunka pachapi, Yantzaza kiti, Zamora Chinchipe markapi tantanakuyta paktachinkakuna, tukuy pushakkunapak, shuktak llaktakunapak tantanakuymanta shinapash ihskay niki wankurimanta rimaykunata chaskinapak willarkakuna, ñawpak yuyaykunapak Minería, Planificación Integral de la Circunscripción Territorial Especial Amazónica, Llankay shinapash Hatun Kamaywasi kamachik mushukyachinapak, manarak kay llankay willaykunata killkashka kipa rimaykunata tantanachinapak rimankuna.
Kay Mamallakta Wiñariy Paktay Yuyay (MWPY) 2021-2025, hatun alli paktachi llaktalli shinapash kamachiy kamay tukuy shuyuy ashtawan tukuypak kapakamaykunata allichik, Mamallakta pushak tukuy marka umallikuy rikuchita churashkata paktachinapak nirka. 2021-2025 watakunapak, kay mushuk MWPY mamallakta hayñikunapi maskashpa llakta ushaykunapi wiñachishpa katinapak, tukuy kamay wasikuna llankay paktachi tiyachun shinapash kishpiykayta sumaychashka tiyachun.
