Garantías Constitucionales minkashka pushak, Fernando Cabascango, kay chaska puncha, 10h30 saylla pachapi, ñawpak yuyay Apoyo Humanitario Kamachik mushukyachinapak chikan chikan llaktakunamanta minkashkakunata paykunapak yuyaykunata uyanapak chaskinkakuna, Covid 19 wakllichishpa yallishkamanta makashpa harkanapak, kallari chimpapuraykunaman llankaywillayta killkanapak kay tantanakuyta paktachinkakuna.
Llankaykatiy shinapash Umachik Rikurayak Minkashka Unanchashka Sumak Hatun Yachana Wasikunata tarapaykunawan katinkuna. Llakiruraymanta, llankakkunata, ñawpa llankakkunata shinapash llaktayukkunatapash kay hatun Yachay wasiman minkarishka nishpa chaskirkakuna, Uniartes chayshina Ikiam.
Hampi chayshina Pukllay Hayñimanta Minkashka kay ñawpak yuyay Carrera Sanitaria Kamachik rimaykunawan kallarirka shinapash Panamericana de Salud Regional Tantanakuymanta (OPS) Normatización runapak yuyayhunta Tukuypak Hampina Kamay Wasi pushakkunapak rimayta chaskirkakuna, maymutsuri kawsakuykunamanta rimarkakuna.
Kay ñawpak yuyay Hakay Mitachi Tukuywillayapamuy Kamachik paktachishpa kati, Mamallaktapi tiyak ayllullaktakunapi paktachinapak rikushpa, Karupi Kikinllatak Kamachik Minkashka, ishkay niki tantanakuypi chaskirkakuna, Pedro López, Tukuywillayapamuy Ruray Katichiy Yachayyukta; Mario Crespo, Asociación de Prestadores de Servicio de Internet del Ecuador pushak; shinapash, Milton Pérez, Federación Nacional de Ingenieros Eléctricos y Electrónicos tantanakuymanta, chay kamachikpi katishpa shuktak hillaykunamanta yuyaykunata hapirkakuna.
Kamachiy Killkak Alejandro Jaramillo, paymanta huchayachishka, llakikunamanta yallishka 21 karwa killa churashkata paktachirka, Bella Jiménez Kamachiy Killkakpak shuktipi churashkata; chayllapi, Allikak Minkashka. Tukuy kamachikkunapi rikushpa alli pacha paktachikuna tiyachun mañan, harkapak hayñikunata kamachun ashtawan kamachikpi katishpa allichishka tiyachun mañankuna.
Karupi Kikinllatak Kamachik Mishanakuy shinapash Llakta Tantanakuy Minkashka, shamuk chillay puncha kuski killa tantanakuyta paktachinkakuna, ishkay pachakunapi. 09h00 saylla pacha punchamanta, ishkay niki chimpapuraypak rimaykunata charinkakuna, ñawpak yuyay Orgánica de Vivienda de Interés Social Kamachikmanta.
Yachay, Kawsay, Amawtay, Sumakllankay, Mushukyachi ashtawan Unancha Yachaykuna Minkashkakuna, llankaywillay killkashpa kallari tantanakuy chimpapuranapak kay ñawpak yuyay Orgánica de Educación Superior (LOES) Kamachikta mushukyachinapak, tukuykunapi sikchishkakunamanta, tukuy iñukunata chashkishkakunata ashtawan shuktak ñawpak yuyaykunata rikushpa paktalla rimaykunawan katinkuna.
Kunan, Mamallakta Tantanakuy Esmeraldas shinallatak Manabí markakunapi kawsak mashikunaman arinishkata paktachirkakuna, ishkay marka llaktayukkunaman alli kawsakypi yuyashpa kay Hunta rimanakuypi ñawpak yuyay Kullki Llankay Kutin Sinchiyachinapak Kamachik Esmeraldas ashtawan Manabí Markakunaman yanapankapak arinirkakuna, maypika Mamallakta pushakpak wankurishkakuna yanapashkawan. Shamuk punchakuna kaya arinishka Kamachiy Kipuk ashtawan Mamallaktapak kamachikmi tukunka.
Kay awaki puncha ishkay chunka kuski killapi, Llankaykatiy shinapash Umachik Rikurayak Minkashka, Yachaymanta rimarkakuna, may alli unancha yachay riksishka wasi.
Awkichiy Allimikuy shinapash Llakta Chakrawiwakamay ashtawan Challwakamay Minkashka pushak, Mariano Curicama, Manabí chayshina El Oro markakunapak challwallankaymanta tantanakuy minkashkakunapak yuyaykunata chaskirkakuna, kay ñawpak yuyay Desarrollo de la Acuicultura y Pesca Kamachik mushukyachinapak, kamachiy wasimanta paktachinkuna.
