Allikak Minkashka tantanakuy kay llankaywillayta José Chimbo, pushakmanta chayachishkata, maypika kay Eckenner Recalde, kamachiy killkakta shitaypak minkashkata arinirka, amatay paktachishkakunapi yallishka kay 127 niki, chusku yupay Ecuador Mamakamachik chayshina 163 niki, chusku yupay, Kamachiy Awlli Kamachikpi tukuyta killkashka tiyan, llankayta yallichinapak kullkita chaski mañaymashkayta rurashkamanta willachinkuna.
Consejo de Administración Legislativa (CAL) tantanakuy, Guadalupe Llori Abarca apaywan, malli tiyashka mañashka paktalla astita rukuywan yachayrurak chayshina paktachiwan kallarirka, Mónica Palacios Kamachiy Killkak rikuchikunata kay Diego Ordóñez, kamachiy killkakpak shutipi churashkata, kay paktalla asti rikuykunawan 11 niki, 3, 13, 14 yupaykuna kay uchilla kamachiy paktalla katinapak kamachiy kamay mutsurikunapi maypika kamachiy killkakkuna wanaykunapi yallikpi allichichun katinkuna
Tawkasami Kawsay Tantanakuy, kamachiy killkak Washington Varela apak, Mamallatak kamaywasiyuk, Alexandra Vela, mamallaktapi chuckikamay mana alli tiyashkamanta paktalla llankaykatikunapi rikuypi kutinpash kayankuna.
Mamallakta Tantanakuy kay 143° Tantanakuy Interparlamentaria wankuri rimaykunapi wankurikunapi ayninkakuna, maypika 25 punchamanta 30 punchakama, sisa killa 2021 watapi rurankakuna, Madrid España Mamallaktapi, kay hatun paktay kan tukuy pachamama kamachiy killkakkunawan chimpapuranapak rakikunata wichiman apanapak chayshina kay pacha llakta ushay tinkichirikunata sinchiyachinapak.
Hunta rimanakuy Mamallakta Tantanakuypi, 100 arinishka apuchikunawan, Lenin Moreno Mamallakta ñawpa pushakpak shuktak mamallaktapi sakirishpa katina yallishka 18 sisa killa 2021 watapi manu punchakunapi tukurishkamanta nishpa willarirka.
Hunta rimanakuy Mamallakta Tantanakuypi kallari shuk niki chimpapuraypak kay ñawpak yuyay Kawsay kamachik mushukyachinapak, kawsay charimushka chaskipak, mamallakta takikkunata makichurashpa yanapay, Registro Único de Artistas y Gestores Culturales (Ruac); chayshina, ista mamallaktapi mushuk Kawsay Kamay Wasi wiñachiy rimaywan kallarinkuna.
Chunka kimsa kamachiy killkakkuna rimarirshka hawa kay ñawpak yuyay Runakunata Yanapay Kamachik mushukyachinapak, Covid-19 hatun unkuy llaki tiyashkata makanapak, tukuy kallipi runakunapak kawsay wakllichishkata yuyaykachaykunata churashpa hatarinapak rikunkuna, maypika mana utka allichikuna tiyashkata ashtawanpash kullki llankay kutin sinchiyachikunata Ecuador mamallaktapak tarpushpa pukuchikunata mirachinapak katinapak rikunkuna.
Kamachiy killkak, José Chimbo, Allikak Minkashka pushak, Johanna Moreira kamachiy killkakmanta chayachishkata, kay Eckenner Recalde, kamachiy killkakta huchachishpa taripaykunata kallaripi killkashkalla llankaywillayta chayachirka.
Achikllay shinapash Llakta Ayninakuy Minkashka tantanakuypi, iskun apuchikunawan arinirka, kay llankaywillayta Zirma Ushay mitachi karay llakichikuna tiyashkakuna, Molleturo kitilli chinchay llaktayuk, Azuay Markamanta, Mamallakta Zirma Ushay Kamay Wasi (CNEL EP), Marcos Vásquez Freire Hatun Pushak, riksichishpa shamurkakuna.
Mamallakta Tantanakuy killkakamayuk willachiy pankata chayachishkata kay Kullki Kamachichishka Minkashka tantanakuy riksirka, paktalla kay ñawpak yuyay Hamutay sukta churay Kamachik shinapash Kullki Llankay kutin Sinchiyachi Kamachik, Dolarización Sinchiyachi chayshina Kullkiyachik Mañaymashkayta mushukyachinapak, ashtawan alli kamachikta kutichishpa paktachinapak ama washaman taktichishpa shukshinalla llankayta apanapak.
