Hunta rimanakuy Mamallakta Tantanakuypi 105 apuchi arinishkakunawan Especializada Permanente de Garantías Constitucionales, Derechos Humanos, Derechos Colectivos y la Interculturalidad Minkashka llankaywan, “Pandora Papers” urmayachi taripaykunawan katichun mañarkuna.
Hunta rimanakuy Mamallakta Tantanakuy tukuy mamallaktapak kamay wasikunawan wichkana wasikunapi shwakuna paypura llakikunata yallishkamanta shinallatak runakunapak kamayta alli pachapi llankayta sinchiyachishpa paktachinapak arinirkakuna.
Allikak Minkashka pushak, José Chimbo, Hatun Killkakamayuk ukuman, kay kullka punchapi tikrachirka, Kamachiy killkak Bella Jiménez huchachishka llankaywillayta paktalla taripaykunapi katishkata, Allikak Minkashka tantanakuy kay sukta punchapa wayru killapi tukuylla wankurishpa arinishkakuna.
Allikak Minkashka tantanakuypi tukuylla llankaywillayta Kamachiy Killkak Bella Jiménez llankaymanta llukchinapak umpashka llankaywillayta arininkuna, maypika rikurkakuna shinapash kamaykuta rurarka tukuy chayachishka pankakunata rikuypi paktalla katikunapi allichishkakuna.
Tawkasami Kawsay Minkashka challwa washa llankay yurakuchuy llankay kallari llankaymanta willayta chaskirkakuna. Gustavo Manrique, Kawsaypacha Kamaywasiyuk kay llankayta paktachik wasi challwa asha llankakkunapak manupitikunata karkashpa sakichun mañarka, Kawsaypacha Kamachik mushukyachipi anchuchirkakuna nishpa riksichirka.
“Yallishpa rikushka kipa, kay 15 karwa killa 2021 watapi rurarkani,rikuyta ushankichi muyunti kay 3.000 hunu ayllukuna 22 de Flor de Bastión tantanakuymanta; Mushuk Guayaquil shinapash Las Delicias, uchilla wallpa hatun llaki mayallapi kawsankuna chaymanta utkalla shuk manyaman yallichinaman mutsurin”. Kamachiy killkak Patricia Sánchez shina riksichirka, chay rimayta nishpa kay llankaywillayta maypika rikushpa shuktak pampakunaman yallichinapak yuyashkata, Hunta rimanakuypi Karupi Kikinllatak Kamachik Minkashkaman chayachishka.
Kay chillay puncha, sukta wayru killapi, Hampi chayshina Pukllay Hayñi Minkashka, ñawpak yuyay kamachik Hampiri Yachay Kallpaymanta rimaykunawan katinkakuna, katishpa rikuy llankay willayta ishkay niki tantanakuypi chimpapuranapak.
Tawkasami Kawsay Minkashka Pushak, Washington Varela, mamallakta chikan chikan kamay wasiyukkunata chayshina llankakkunatapash kayankakuna kay chukikamay manapaktay, challwa llankay, yurakuchuy shinapash llaki kawsaypacha iñumanta rikushpa hamutankakuna. Kay chillay puncha, sukta wayru killa, 08h30 saylla pachamanta tantanakuyta paktachinkakuna.
Mamallakta Tantanakuy kay kullka puncha kanchis wayru killa 2021 watapi, 09h00 sayta pachapi tantanakunkakuna, mamallakta kamay wasikunamanta pushakkuna wichkashka wasikunapi llaki tiyashkamanta llaki kawsaykamay tukuy mamallaktakunapi tiyashkamanta llankaykunata paktachikushkata riksichichun kayankuna.
Allikak Minkashka pushak, José Chimbo, tukuy pankakunata chaskishpa rikuykunata shinallatak ishkantimanta ñawinchikunata Bella Jiménez kamachiy killkakpak shitipi katikuy taripaykunata paktachishka hawa, kamachiy killkakkuna Alejandro Jaramillo tantalla Victoria Desintonio huchachikunata chayachishkamanta ñawpak yuyay llankay willayta rikuchirkakuna.
