Nela Martínez hatun ukupi, Mamallakta Tantanakuy ishkay niki kipa pushak, Yeseña Guamaní, pushakkuna, chapak llankakkuna, yachakukkuna chayshina kamachiy killkakkuna alli shamuyta chuyachirka, kay Sumak Hatun Yachana Wasi Llakta Kamay chayshina Amawtay Chapak Kamachik ñawpak yuyayta tikrachirka, Rocío Guanoluisa, Yachay Minkashka kipa pushak yuyayta paktachishka.
Kay Consejo de Administración Legislativa (CAL) Tantanakuy, Guadalupe Llori Abarca apak, Kullki Wiñariy Minkashkaman kay 27 sisa killa minkashka yachayta chayachirka, Guillermo Lasso Mendoza, Mamallakta pushak arnishka pankata, maypika Mamallakta pushak kallari tikrachishka Mamallakta Hatunkullki Milkapanka 2022 watapak, chayshina Mamallakta Hatunkullki chusku watapak Milkapanka 2022-2025 paktachishkata chayachinkuna.
Kamachik Tantanakuy Paktallamanta, llaktayukkunata Yanapay wankuri, shuk tantanakuyta “Tukuy Runakuna Chinkashka shinapash Llakichishka Urmachi tiyashkamanta Paktachi Kamachik llaktayuk taripaykunata rurarka”, kashna Asociación de Familiares y Amigos de Personas Desaparecidas en Ecuador (Asfadec) minkashka ayninakurka; Suyu Wallpachi Tantanakuy Hayñi Yanapay; shinapash ayllullaktakunamanta minkashkakuna chayarka.
Mamallakta Tantanakuy pushak, Guadalupe Llori Abarca, Morona Santiago sukta chunka pusak watakunata wiñachishka paktakpi llakta Raymi tantankuypi aynirka, Maypika kullki llankay kutin sinchiyachi, tiksiyay mutsuykuna mirachi, yachay shinapash alli kawsayta allichi, llankay ashtawanpash Antisuyu mutsurikunapi rikushpa paktachinapak Mamallakta Tantanakuymanta kutinpash arinirkakuna llankaykunata paktachishpa katinapak.
Kay hunkay puncha 29 sisa killa, uniman kamachiy minkashka shinapash chay pachakunapi shuk hatun llankaypi tawka ñawpak yuyay kamachikkuna hamutaypi katinkuna, shuk chayshina ishkay niki chimpapuraypak llankaywillayta rikushpa allichinkakuna.
Hunta rimanakuy Mamallakta Tantanakuyta, Guadalupe Llori Abarca apak, kay chaska puncha, 27 sisa killa, kay Orgánica para el Desarrollo Económico y Sostenibilidad Fiscal tras la Pandemia Covid-19 Kamachik ñawpak yuyayta ishkay niki chimpapuraykunapi tukuchirka, utka wisnu kullkipi Mamallakta pushak chanirka, kimsa yuyaykunata chayachishkapi. Nimapak yuyaykunata chayachishka mana arinishpa paktachishka llukshirka.
José Mejía Lequerica hatun uku, Mamallakta Tantanakuy Ista Hatun tantanakuyta Warmikunapak makaykunata llakichikuna tiyashkamanta uriyachinapak hatun rimakuyta rurarkakuna, Warmikunapak Hayñikunamanta Kamachik Tantanakuy rurarkakuna, mamallakta chayshina ista mamallaktakunamanta warmikunapak wanayta katikkuna aynirkakuna.
Solanda Goyes, Mamallakta Kamachik tantanakuymanta Mitachi Yanapay pushak, satallichak-kamachik yuyaykunata riksichirka, shinapash Código Orgánico para la Protección Integral de Niñas, Niños y Adolescentes (Copinna) Kamachik ñawpak yuyayta kamay wasimanta shuktak yuyaykunata chayachishka.
Kay Karupi Kikinllatak Kamachik Daule kiti hatun tantanakuy ukupi, Yachay, Kawsay, Amawtay chayshina sumakllankay, mushukyachi ashtawanpash Kallarimanta Yachay Minkashka tantanakuy, kay chaska puncha 26 sisa killa, 15h00 saylla pachapi tantankunka.
Mushuk Ukku Kamachiypi llankankakuna, pichka ñawpak yuyaykunata tantachishpa kay Paktachiy, Riksichiy chayshina Kamay kay Kishpiyri Ñitik, Yuyayni, Rimay chayshina Willaymanta Kamachik, Ista Purariykuna chayshina Runa Yallikuna Minkashka tantanakuy sinchiyuyarikunata hapirka.
