Fiscalización y Control Político minkarishka, tukuy iskun tantanakukkuna, alli panka mañaykunata rikushpa Juicio político ñawinchikunapak, Freddy Carrión, Tukuypak Ukllak runata katinapak pachapuriy llankaykunata kilkashpa arinirkakuna, chay rimaykunapi chayashpa paykunapak yuyayta katikkuna riksichinkami, Yesseña Guamaní shinapash Ricardo Vanegas, paykuna rikushpa tantanchishka panka minkashka yachay mañashkata rikunka tantanakuy mañak ukumanta.
Gobiernos Autónomos minkarishka, llankaywillay killkaykunata rurashpa inshkay niki tantanakuypak, ñawpak yuyay Vivienda de Interés Social kamachiy llankaypi katinmi. Chaypak mushuk rikuchiykunata shuktak tantanakuykunapak rimaykunata uyashpa chaskin. Kullka puncha mamallakta tantanakuypi yachayyukkuna producción social del hábitat y mejoramiento barrial kamachi rurana killkamanta yuyaykunata riksichirkakuna.
Educación Intercultural (LOEI) Kamachiy ishkay shimi yachaymanta, Mamakamachiy Rikukwasi rikushpa rimarishka kipa, Guadalupe Llori Abarca, Mamallakta Tantanakuypak pushak, yachachikkuna yarikay llankayshayaykunata rurashkamanta kimsa chunka puncha washamanta shamushka kamachichishkayta uriyachichun nirka, chay kipaman ukta hatun tanatanakuywan kallarinapak, Mamakamachiy Rikukwasi kishpiychik nikikuna kutin rikushpa allichina nirka.
Mamallakta Tantanakuyta pushak, Guadalupe Llori Abarca mañashkamanta, shinallatak Ley Orgánica de la Función Legislativa kamachiy rikuchishkata paktashpami, kullka 12 puncha karwa killa, cárcel 4 wichkana wasipi, excontralor subrogante, Pablo Celi de la Torre runamana, kay juicio político ñawinchiy kallarishkata riksichirka, kashnami Mamallakta Tantanakuypak rimanakuypi yuyarinakushka killkata paktachinkuna, kayshina paktarinamanta Fiscalización y Control Político Minkarishkapi llankak kamachi killkamanta 134 kamachi killkakkunapura sinchiyta rimanakushpa yuyaypaktarishka kipami paktarirkakuna.
Kay mushuk mamallakta tantanakuypak alli llankaykunata apankapak mamallaktawan nishpa hapimni, mana alli wichiman llankaykunata alli pacha apashpa rikuchikpika kamachiy kamayta apakpika mana sakirinkachu, chaymanta juicio político ñawinchiy Pablo Celi runata mamallakta llankayta ñawpa rikukta llaki llankayta rikuchishkamanta. Chaymantami Mamallakta Tantanakuy hunta rimanakuypi, chunka ishkay pachapi Sesión No. 721, tantanakuypi patsak kimsa chunka chusku apushitay kamachi killkakkuna juicio político Celi runapak shutipi kayanapak, ruraykunata rikushpa paktachin 83 niki, 2 yupay, Función Legislativa kamachiypi rikushpa paktachin.
Tukuy wiñaypak yachak minkarishka pushakkuna, chikan chikan Mamallakta Tantanakuypak awkik pushakkuna shinallatak llaktaypura tantakuyta pushakkunaman, imashina ñawpak yuyayta rikushpa, achikyachishpa chashnallatak tantachishpa antirimak pachapuriypi “Ecuador mamallaktamanta yanapay” paktachikunata apakushkata riksichirka, chay llankaykunami riksichikunapi pakta, ñawipuraykunapi shinapash llankaywillaykunata asha asha killkashpa katikun.
Primer Grito de la Independencia aknay punchapi, Mamallakta Tantanakuypak pushak Guadalupe Llori Abarca, kay kishpiykay unanchata Ecuador Mamallaktapi paktachinmi kay kallari wiñarimuypi waktanakuykuyta nirka. Ima rayku kay sinchi makaykunata runapa hayñipi shinapash tikuypak kishpikaypi llankaykuna apakuchik nirna.
Kay mamallakta tantanakuy Ecuador mamallaktapak llaktakaykunata shinapash kawsaymarkakunata, kay llaktakay kawsa runakunapak ista puncha kashkamanta rayku, kay Naciones Unidas tukuy iskun puncha, karway killapi yuyarishka kachun napayta chayachin.
Tawkasami kawsay chayshina pachamamapi tiyakkunamanta, minkarishka CAL yanapaykunawan yallinkapak mushuk ñawpak yuyay allichinaman antisuyu kamachiy mutsurikunapi rikushpa churashkakuna mamallakta tantanakuy pushak, Guadalupe Llori, shinallatak kamachiy killkak Elías Jachero, yuyayta churashkakunata chaskishpa rimaykunata paktachishpa arinirkakuna tantachishpa uktalla allichishpa yanapankapak antisuyu llaktapi kawsakkunata.
Mamallakta tantanakuypak ishkay niki rimaynakuypi uyachishpa kay reformas al Código Civil kamachiy allita pacha yanapachun hapinkuna, tinkirishpa kay mamakucha allpa ukupi tiyakkunata alli llankaypi yallichun Convemar arinishpa sitarkakunami, mashnalla kay rimanakuykunapi sumakyachishpa kay mamallakta kamachiyta sinchiyachinaman tantalla shuktak mamallakta kamachikunawan.
