Kaya 29 puncha, Soberanía tantari 2020 wata kallari sukta killapak katikillata ruranka, kay Comisión de Soberanía y Relaciones Internacionales tantari 2020 wata kallari sukta killapak katikillata ruranka, 08h45 sayllata kallarinka, chaypimi Plan General de Trabajo del Primer Semestre del 2020 watapak llankayñanta ruranka. Shinallatak mushuk Kamachiyta, Ista Kamachiyta ruranka, Llankayta katinata ruranka.
Kay Silvia Salgado kamachiy killkak churashka Turismo Comunitario kamachiyta riksinarayku Comisión de Desarrollo Económico tantari, kaya puncha, 09:00 sayllata rimanakunka, chaypi kamachiy killkkakuna paykunapak yuyayta churanka.
Shinami llankay, apukyachi; yaykuchi, hayñi; llaktayukkunata kamay; kamaywasita mushukyachina, Shuwayta takashpa ñakarina kan. Kaykunami Mamallakta Tantanakuy 2020 watapi chusku tiksi llankaykunata charinka. Shinami César Litardo Caicedo, Mamallakta Tantanakuypak chusku llankayta kan nishpa llaktay tantarita pushakwan, minkashkata pushakkunawan rimanakuypi riksichirka, kaykunata shamuk sukta killapi paktachinamanta rimarka.
Kay Cañar llaktamanta, Segundo Yugsi kitipushakta César Litardo, Mamallkata Tantanakuy pushakta kayashkamanta kawsaytarpuy purinapi payka karka. Chay Capital de la Arqueología y la Cultura del Ecuador shutita 19 watay raymiman kayarka.
Chay Soberanía y Relaciones Internacionales tantari Exembajador de Ecuador en Washington, Francisco Carrión kamachikta chaskirka, payka imamanta llankaymanta anchurishkata willarka, Ecuador llaktapak mamakucha hawapi Estados Unidos antanka pawachun shuk yuyari tiyana kan nirka.
Kay Grupo Parlamentario por el Bienestar Animal pushak, Washington Paredes, kay Sanidad Agropecuaria (Losa) kamachiyta mushukyachina paktakun nishpa willarka. Shuktak willayka Ecuador llaktapi Delfín chalwata hapina kishpiyrishka kachun mañarka.
Mamallakta Pushak allichishka Código de la Democracia kamachiyta Mamallakta Tantanakuy, kamachiy killkakkunapak chusku apuchikunawan kayna chishi arinirka.
Kay Código Orgánico de Salud kamachiy; Discapacidades Kamachiy; Deporte Kamachiy; Reformas a la Ley que Regula a las Compañías kamachiy, kay 2020 watapi Comisión de la Salud tantaripak makipi kanka, paypak kallari llankay tukunka.
Kay Norman Wray, Consejo de Gobierno de Galápagos pushak; Eduardo Espinosa, del Parque Nacional Galápagos, Marilyn Cruz kamachik, Comisión de Biodiversidad, Mamallakta Tantanakuypak wasiman shamurka, Especial de Galápagos kamachiyta mushukyachinarayku shamurka.
Kay Ecuador llakta muspachik hampita harkana mana tiyan, shinami Para Prevenir y Erradicar el Microtráfico de Sustancias Estupefacientes y Psicotrópicas kallari atinakuypi José Serrano kamachiy killkak rimarka. Shinallatak Diego Riofrío, director de Prevención de Adicciones del Municipio de Quito kamachik rimarka, shuktak kamachik killkakkunapash rimarka.
