Kay Ecuador Mamallakta wayru killa, 2019 shayarishkamanta Comisión Interamericana de Derechos Humanos (CIDH) killkashpa kachashkata Grupo de Derechos Humanos rikun, chaymanta yallik Defensor del Pueblo, Ramiro Rivadeneira kamachikta, Patricio Benalcázar, Runa Hayñi yachakta chaskirka.
Kamachik César Litardo Caicedo, Mamallakta Tantanakuyta pushak, 652 rimanakuyman kamachiy killkakkunata kaya puncha kayarka, 15:30 sayllata kallarinka, chaypimi imashina kay Código de la Democracia kamachiy allichishpa katikushkata riksinka.
Kay Comisión Ocasional de Tránsito tantariman kaya puncha pichka kamachiy killkakkuna shamunka, 07:00 sayllata chayamunka. Paykunaka Ministro de Transporte y Obras Públicas, Gabriel Martínez kamachikmanta; chay Agencia Nacional de Tránsito (ANT), Álvaro Guzmán kamachik; Servicio Nacional de Aduana del Ecuador (Senae), María Alejandra Muñoz kamachik; Consejo de Gobierno del Régimen Especial de Galápagos, Norman Wray kamachik; Transporte Terrestre y ferroviario, Fernando Alvear kipa kamachik; paykunawan kimsa iñukunata rimanka.
Mamallakta Tantakuy kaya puncha ishkay kutin rimanakuyta charinka, shinami Tayta César Litardo Caicedo, Mamallakta Tantakuyta pushak rimarka, chaypimi Fomento Productivo paktashkata riksinka; chay Desarrollo Sostenible (ODS) llankayta rikunka, shinallatak Grupo Parlamentario por la erradicación de la Pobreza llankashkata rikunka; kipaka Código Orgánico de Organización Territorial, Autonomía y Descentralización hawa rikunka; Para Prevenir y Erradicar el Microtráfico de Sustancias Estupefacientes y Psicotrópicas kamachiy paktashka, mana paktashkatapash riksinka.
Kay Comisión de Soberanía Alimentaria tantari, Lenin Plaza Castillo pushashka, Para el Desarrollo de la Acuicultura y Pesca kamachiy ishkakutin atirichun 10 apuchiwan atirichun arinirka, Mamallakta Pushak rikushka kipa arinirirka, kay kamachiyka ista llaktakuna chalwa kapukkunata katunkapa yanapanka.
Kayna chishi Comisión de Soberanía, Integración, Relaciones Internacionales y Seguridad Integral ukupi, chay José Valencia, Ministro de Relaciones Exteriores y Movilidad Humana kamachikta chaskirka, paymi imamanta Francisco Carrión Mena, Embajador de Ecuador en Washington kamachik llukshishkata riksichirka.
Kay Consejo de la Administración Legislativa (CAL) tantari, kunan tutamanta chay chusku kamachiy killkakkuna México llakta kashka hawa rimarka. Shinami César Litardo, Mamallakta Tantanakuyta pushak shuk rimanakuypi riksichirka, kay CAL tantaripak yuyayka paykunaman kullkita mana kunami kan. Shinallatak Gabriela Rivadeneira, Carlos Viteri, Soledad Buendía kamachiy killkakunapak ranti, katik akllarishkakunata llankaypi shayachina nirka.
Kayna chilla chishi Mamallakta Tantanakuy chusku sayllata chay Raúl Pérez Torres Exministro de Cultura kamachikta llaktay wanachita rurarka, chaypi kamachiy killkakkuna paykunapak rimayta churarka.
Shinami chay Tribunal Contencioso Electoral pushak, Arturo Cabrera, Defensor Público, Ángel Torres kamachik, Mamallakta Tantanakuypi paykuna llankashka willayta rikuchirka, shinami Función Legislativa kamachiypak 47 nikita paktachishpa paykuna kayna watapi llankashkata riksichirka.
Kay Comisión de Fiscalización y Control Político, tantari chay Consejo Nacional Electoral, Diana Atamaint kamachikta wanachinarayku, kay Comisión de Fiscalización tantari huchakunata chaskichun arinirka, kay wanachiytaka Fernando Flores kamachiy killkak, Jeannine Cruz kamachiy killkak churashkami kan.
