Kullki wasipi kullkita charikkunapak hayñita ama llakichinkapa, chay Sistema Financiero Nacional kamaywasiman yaykurishka kamaywasikuna ama llakichichun, César Litardo Caicedo, Mamallakta Tantanakuyta pushak, Reformatoria a diversas leyes kamachiyta kallari atinakuyta charinkapa kamachiy killkakkunata kayan, mincha kulka puncha, 09:20 sayllata atinakuy kallarinka.
Kay Comisión de Fiscalización, 2020 watapi chay Consejo Nacional Electoral (CNE), Diana Atamaint kamachikta llaktay wanachita ruranka katinka, paypak llankaypi pantarishkamanta wanachishka kanka, kay wanachiyta Jeannine Cruz, Fernando Flores kamachiy killkakkuna churashkami kan.
Mamallakta Tantanakuyta kipapushak, Comisión de Régimen Económico tantarita pushak, Patricio Donoso, 2020 watapak kallari kimsa killapi, kay Minería kamachiyta allichinkapa willayta chayachinka, shinallatak chay Sistema Nacional de Contratación Pública kamachiyta, Códigos Monetario y Financiero kamachiyta, Planificación y Finanzas Públicas kamachiyta allichinkapa atinakunka.
Mamallakta Tantanakuyta Pushak, César Litardo Caicedo, 2020 watapika Mamallakta Tantanakuy chay Emprendimiento e Innovación kamachiyta ishkaynikita atinakushpa kallarinka nirka, chaytaka kaya, 7 puncha, 09:00 sayllata, 648 yupay atinakluy ña kallarinka.
Shinami kay Biodiversidad tantari ishkaykutin manarak atinakushpa Régimen Especial de la Provincia de Galápagos kamachiyta 2020 watapak kallari kimsa killapi riksichinka. Kay tantari panchi killapi runakuwan, kamachikkunawan, llaktakunawan atinakunka. Riksishpa paykunapak yuyayta churanka.
Llaktay tantarikuna rimanakushpa, yuyarishpa 11 kamachiykunata arinichishkata César Litardo Mamallakta Tantanakuyta pushak willarka, chay kamachiykunawan llaktayukkunapak kullki llakita allichinka nirka.
Mamallakta Tantanakuyta pushak, César Litardo, kapak killa, 28 puncha chishipi, 2019 watapak tukuri atinakuyta, charinkapa kamachiy killkakkunata kayarka, chaymanta awaki, 30 puncha, 14:00 sayllata atinakuyta charirka, chaypimi Simplificación y Progresividad Tributaria kamachiyta arinirka.
Kay 71 kamachiy killkakkuna yanapashka, kapak killa, 30 punchapi Mamallakta Tantanakuypak 647 rimankuy pusharirka, chaypimi Simplificación y Progresividad Tributaria kamachiyta arinirka, chay kamachiyka kullki mirarichun utka arinina kamachiymi karka.
Kamachik César Litardo, aymuray killa, 14 punchapi, Mamallakta Tantanakuyta pushak tukurka, chay punchamanta ña kanchis killata 11 kamachiykunata llankamushka, kay kamachiykunaka llaktayukkunapak llakikunata, mutsuykunata allichishka. Mashna kamachiyta killkashkatalla mana rikuna, alli kamachiykuna kashkatami rikuna kan. Chaytami rikuna kanchik nirka.
Kay Emprendimiento e Innovación kamachiytaka chay Comisión del Desarrollo Económico killkamushka kan, 2020 watapak, kullakillapi ishkayniki atinakuy kanka, shinami César Litardo, Mamallakta Tantanakuyta pushak rimarka. Kay kamachiytaka kamachiy killkakkuna, wayru killa, 23 punchapi arinirka.
