Kay Comisión del Derecho a la Salud tantari, William Garzón pushashka, kulla killa, kaya 15 puncha, 09:00 sayllata rimanakuyta charinka.
Minkashka rimankuypi Raúl Pérez Torres, Cultura y Patrimonio yallik kamachikta llaktay wanachiyta ruranka, kay Comisión de Fiscalización 9 apuchiwan arinirka, kay wanachiyta Juan Cristóbal Lloret, Lira Villalba kamachiy killkakkuna churarka, chayta hapishpa Mamallakta Tantanakuy hunta tantari wanachinka.
Kulla killa 13 punchamanta, 17 punchakama tawka llankaykunata kamachiy, llankayta rikuy hawa chikan chikan tatkikunata ruranka. Kay tantarika llaktay wanachiyta rurankapa Consejo Nacional Electoral Diana Atamaint kamachikta 15 tapuyta ruranka. Chaymanta awaki,13 punchamanta, 16 punchakama sinchita llankanka, wanachiyna mañaytaka Jeannine Cruz kamachiy killkak, Fernando Flores kamachiy killkak churashkami kan.
Mamallakta Tantanakuyta pushak César Litardo Caicedo, kay killa 14 punchapak kamachiy killkakkunata rimanakuyman kayarka, 10:00 sayllata kallarinka, chaypi Mamallaktapak Kamaywasikuna paykuna 2019 watapi llankashkata riksichinka.
Mamallakta Tantanakuy kay 2020 watapi Consejo Nacional Electoral (CNE), Diana Atamaint kamachikta llaktay wanachiywan, mushuk kamachiy ariniwan kallarin, llaktakunapi sumakruraywan, kay kamachiywan mushuk llankay wiñarichun, kullkikuna mirarichun achkata yanapanka.
Chay 500 runakuna Mamallakta Tantanakuyman shamurka, paykunaka Seguridad Social kamachiy alli killkarichun mushuk yuyaykunata churankapa shamurka. Paykuna chay Consejo Directivo del Iess tantaripi, paykunapak pushakta charinkapa mañarka, pakllamanta runa, chalwak runakuna rimayta charichun, shuwaykuna ama tiyachun mañarka.
Kay Comisión Ocasional para Atender Temas y Normas sobre Niñez y Adolescencia tantari Código de la Niñez kamachiyta chayachinkapa atinakushpa katin, pawkar killapi chayachinka, chaypak wanra, puncha, kulka puncha, 08:00 sayllata rimanakunka, uchilla tantarikuna nikikunata, kamuta allichinka.
Kay Comisión de Biodiversidad tantari, chay Reformatoria a la Ley Orgánica del Régimen Especial de la provincia de Galápagos kamachiyta ishkaykutin atinakunkapa tukuri ñanpi charin, chaypak kayna chilla tutamanta tantarirka.
Kay Comisión de los Derechos de los Trabajadores y la Seguridad Social, Karina Arteaga Muñoz kamachiy killkak pushashka, (10 apuchiwan) Reformatoria a la Ley de Seguridad Social Para el Otorgamiento de la Libreta del Afiliado kamachiyta arinirka, kay kamachiyka achiklla willayta charichun yanapanka.
Mamallakta Tantanakuy chay Emprendimiento e Innovación kamachiyta arinirka, kay kamachiytaka 116 kamachiy killkakkuna arinshka kan, 2020 watapi kallari llankaymi kan. Shinami llaktakunapi kullki wiñarichun, mintalaykuna paskarichun, yanapay kullki tiyachun, kullkiyachik llankay mirarichun, mushuk llankaykuna tiyarichun achkata yanapanka.
