Kay Mamallakta Tantanakuy 644 yupay tantariwan, Mamakamachiypak 272 nikita allichirka, shinapash chusku nikita mirachinka, chaypak Corte Constitucional arinishkata katina, shinami alli kamachiy tiyarinka.
Kay Mamallakta Tantanakuy Simplificación y Progresividad Tributaria, utka kullki shutita charin, Mamallaktaman kullki yaykuchun, llaktakunapi llankay tiyachun, llaktakunapi kullki mirarichun yanapan. Kipa sayllakunapi Kamachiy Kipuman kilkarichun kachashka kanka.
Kay Comisión de Justicia tantari willashkawan, Mamallakta Tantanakuy, chay 640 yupay rimanakuypi Código Orgánico Integral Penal (Coip) kamachiy Mamakamachywan takarin nishpa mananirka.
Mamallakta Tantanakuy wayru killa, 02 punchamanta 13 punchakama Mamallakta llankay shayarishka willayta riksinka, chaypak kaya puncha, 15:00 sayllata rimanakuy kallarinka. Kay willayta Comisión Ocasional tantari killkashka, kay pankaka 10 tukuri yuyayta charin, 9 minkaykunata charin. Kay riksinata charik kamachikkunaman kachanka.
Kay Comisión de Gobiernos Autónomos tantari kayna hunkapi chaypilla sakirirka rimanakuyta kunan hapishpa atinakunka. Shinami kapak killa, shamuk chilla punchata 7:45 sayllata rimanakuy kallarinka, chaypimi kimsa iñukunata rimanakunka.
Kay Comisión de Régimen Económico tantari, Daniel Mendoza puachashka, kay Simplificación y Progresividad kamachiy willayta arinishka, kullkirayku utkakamachiy chanishka kan.
Kay Juzgado Multicompetente de Santa Ana (Manabí) kitpi, Mamallakta Tantanakuy arinishkata mana riksin. Chay kamachikka Mamallakta Tantanakuy Llaktay Chapayta, Llankayta rikuna ushayta charishkata washaman churan. Shinami Consejeros de Participación Ciudadana y Control Social kamaywasipak kunakkunata surkushkaka kamachiy arinishka ukupimi karka.
Kay Comisión de Fiscalización, Johanna Cedeño Zambrano pushashka, 9 apuchiwan, María Paula Romo, Ministra de Gobierno kamachikta wanachinata sakichin, chayka Lourdes Cuesta, Roberto Gómez, Amapola Naranjo kamachiy killkakkuna mañashkami karka. Huchachikkuna imamanta huchachishkata mana alli rikluchirka.
Kay Seguridad Social kamachiyta, Comisión de los Derechos de los Trabajadores tantari allichishpa katin. Kamachiyta mushukyachinka pichka watata yapa kullkita hapikushkawan llankaymanta rukuyashka kullkita hapinka.
Kay La Comisión Permanente de los Derechos de los Trabajadores y la Seguridad Social tantari, chay Servicio Público (Losep) kamachiypak 135 nikita, 136 nikita tantachishpa kallari atinakuypak willayta killkankapa pusak apuchiwan arinirka, chaypi Mamallakta yallik pushakman, kipapushakman paykuna llankashkamanta kullkita kuna hawa rimanka.
