Mamallakta Tantanakuyta pushak, César Litardo Caicedo, pay imashina kanchis killata llankashkata rikurka, paypak pakta yuyaynaman chachashkata riksichirka. Chaymi llaktakunawan, kamaywasikunawan rimanakushpaka 11 kamachiykunata arinishkata willarka, llaktay tantarikunawan yuyarishpa, llaktakunawan rimanakushpa paktarkachik nirka.
Kay Comisión de Derechos Colectivos tantari, 2020 wata kallaripi kay Comunicación kamachiyta ishkaykutin atinakunachun chayachinka, kay kamachiyka Consejo de Administración Legislativa (CAL) churashkami kan, willana hayñi kachun, ama mitachi kachun Fernando Callejas kamachiy killkak mañan. Kay kamachiywan Mamallaktapak kullkita mana yanka tukuchichun harkanka.
Kay Grupo Parlamentario para el Fenómeno Socioeconómico de las Drogas tantari, chay María Mercedes Cuesta kamachiy killkakwan, muspachik hampita runakuna ama millpuchun harkankapa llankarka, 2020 watapi mashka runakuna kay mapa hampita millpushka kipuy kamuwan, shuk watapi llankashkata riksichinka. Kunan wataka kamachiyta, llankayta rikushpa, ista llaktakunawan yachashpa llankarka.
Kay 2020 watapika Emprendimiento e Innovación kamachiyta arinishpami llankayta kallarinka, César Litardo Caicedo, Mamallakta Tantanakuyta pushak ankipi rimashpa riksichirka. Chaypillatakmi shuktak kamachiykunata apuchinatapash riksichirka, ishkayniki atinakuna kamachiytapash rimanka.
Ñami 10 puncha Reformatoria a la Ley de Compañías kamachiy llankayman yaykurishka kan, kay llankayta Comisión del Desarrollo Económico tantari pushamun, kay kamachiyta wayru killa, 21 punchata, kamachiy killkakkunapak 114 apuchiwan arinirka, kay kamachiywan Compañías llankakwasikuna sichiyanka.
Ishkay mushuk kamachiyta Mamallakta Tantanakuy arininka, chay Código Orgánico Integral Penal (COIP) kamachiyta, Actuación en Casos de Personas Desaparecidas y Extraviadas kamachiy, Kamachiy Kipuman rinka chaypi killkarishpa llankayman llukshinka.
Mamallakta Tantanakuy, Actuación en casos de Personas Desaparecidas y Extraviadas kamachiyta arinirka, kay kamachiy ayllunaman shuk samita kurka, shinami tantarikuna, kamaywasikuna, ista kamaywasikuna kay llankayta pushakushkamanta achkata yupaycharka.
Mamallakta Tantanakuypak kallari atinakuypi, Mamakamachiyta mushuyachinata rimarka, chaypi Consejo de Participación Ciudadana y Control Social (Cpccs) kamaywasipak apuyta saywarka, shinami Mamallakta Tantanakuyman apuyta kutintak tikrachirka.
Mamallakta Tantankuy 81 apuchiwan Wayru killa, 2 punchamanta, 13 punchakama Mamallakta Llankay shayarishkamanta shuk willayta arinin, chay llakimanta Comisión Ocasional minkashka Mamallakta shayari punchakuna Hatunkamachik tuputa churashkata katishka, kamashka.
Mamallakta Tantanakuypak hatun rimanakuypi achka kamachiy killkakkuna Mamakamachiyta mushuyachichun apuchichirka, Corte Constituciona kamaywasi arinishkapi hapirishpami shinarka, kunanka Consejo de Participación Ciudadana y Control Social (Cpccs) kamaywasipak apuytaka Mamallakta Tantanakuymi hapin.
