Kay puka ushutata pampapi churashpa Carolina, Juliana, Karina, Martha, Beatriz, María, Emilia, Cecilia, Mercedes warmikuna takashka wañuchishkapak shutikuna, shuk hatun pankapi killkashka rikurirka.
Kaya chilla puncha, 15:00 sayllamanta, Mamallakta Tantanakuy chay 2020 watapak hatun kullkita arininka, shinallatak 2020 watamanta, 2023 watakama hatun kullkita churanka. Kay llankaytaka Comisión del Desarrollo Económico tantarimi llankashka katin, shinami 12 tukurikunata charin, 17 rikuykunatapash charin.
Kay Comisión de Régimen Económico tantari chay Simplicidad y Progresividad Tributaria kamachiyta atinakushpa katin, Mamallaktapak kullkita charirayana hawa riman; kullkita llankakyman paktapakta rakina yuyaytami charin, kullkita kunkapa yuyarita charinata yanapan, mushuk llankayta, pukuchik uchilla llankak wasita ruranata riman.
Kaya puncha,10:00 sayllata, Mamallakta Tantanakuy chay Desarrollo de la Acuicultura y Pesca kamachiyta atinakushpa katinka. Shinallatak kamachiy killkakkuna shukatak yachay, yachik Mamallakta pushakkuna kunankama kullkita hapikushkata rimanka, chuki kamachiytapash atinakunka, chalwa kamachiyka 1974 watamanta mana mushukyachishka kanka, chaypak ranti mushuk kamachiy llankanka tiyarinka.
Kay Consejo de Administración Legislativa (CAL) tantari, kunan, 22 puncha kay Simplicidad y Progresividad Tributaria kamachiyta allichinkapa arinirka, kay kamachiyka Mamallakta pushak kachashka ñapash arinina kamachiymi kan, kaytami Comisión de Régimen Económico tantari utkashpa rimanankunata charin.
Mamallakta Pushak chay Simplicidad y Progresividad Tributaria kamachiyta Mamallakta Tantanakuyman chayachirka, kay kamachiyka Mamallaktaman kullkita, llankayta mirachinata, wakin churashka kullkita anchuchinata, mushuk llankayta apakta yanapanka.
Kay Reformatorios a la Ley del Deporte kamachiyta; Educación Física y Recreación kamachiyta mushuktachina ñami llaktakuman chayakun. Kaya chaska puncha, 09:00 sayllata, Tungurahua markapak, Ambato kitipi rimanakuy tiyanka, chayman pukllakkuna chayanka.
Kay 1989 watamanta kunankama kimsachunka wata paktan, chaymanta wawakunapak, imillakunapak hayñita tukuy allpapacha riksin. Chaymantami Mamallakta Tantanakuy yuyarita arinirka, wawakunata mana tsiknina, wawakuna rimayta charichun, hayñita charichun, alli kawsachun, wiñarichun riksirka.
Kay Comisión Multipartidista tantari pushashka Mamallakta llankay shayari hawa rimarka, chaytami Fundación Haciendo Ecuador kamaywasi yanaparka, chaypimi Mamallakta shayari imashina kashkata rikurka. Shinami “kaparina hayñi, Runapak hayñikuna, Mamallakta yanapana” hawa runakuna, yachachikkuna, kamachikkuna rimarka.
Kay Primer Encuentro Internacional sobre Sistemas Especializados Armonizados en la Política Pública hawa yuyarin, kaytaka Comisión Ocasional de la Niñez tantari pushan, Cuenca llaktapi pusharin, ista llaktamanta yachakkuna, kamachikkuna, kamaywasikuna karka, Unicef kamaywasi, Universidad de Cuenca kamaywasi chaypi karka.
