Mamallakta Tantanakuy kaya puncha, 10:00 sayllata chay Minería kamachiyta allichishpa katinkapa, 619 yupay rimanakuyta charinka.
Kamachik César Robalino, Colegio de Economistas de Pichincha pushakka, kay kullkikamachiyta allichina may allimi kan rimarka, shinami Comisión de Régimen Económico tantaripi rimarka: kullkimanta, manu kullki, hatun kullki hawa uyachirka.
Kay Comisión de Régimen Económico, Tributario, su Regulación y Control tantari, kay tantarita pushakka, Daniel Mendoza, kayna chishi, tuta kay Crecimiento Económico mushuk kamachiyta allichishpa achkata llankarka, kay kamachiytaka Mamallakta pushak kachashkami kan.
Mamallakta Tantanakuy 83 apuchiwan, chay Enmiendas Constitucionales kamachiyta killkankapa tantarirka, kay llankayta pushankapa chay Corte Constitucional arinishkawan kallarinka, paykuna chay Consejo de Participación Ciudadana y Control Social (CPCCS) kamawasipak llankayta kichkichinka.
Kay Transparencia Fiscal, Optimización del Gasto Tributario, Fomento a la Creación de Empleo, Afianzamiento de los Sistemas Monetario y Financiero, y Manejo Responsable de las Finanzas Públicas kamachiy, chay Comisión de Régimen Económico tantaripak makiman chayanka, kay kamachiywan Mamallaktapi llankay, kullki wiñarinka, wakcha runakunata yanapanka, shinami ministro de Finanzas, Richard Martínez kamachik rimarka.
Kay Comisión del Derecho a la Salud tantari Discapacidades kamachiyta allichishpa katin, kay Kamachiy paypak yuyaywan paktachun kamaykunata chayachin, tisiku runakunata riksina, chaypacha tarina, hampina, kutintak allichina llankaywan chayanka. Kay runakunapak hayñikunata paktachichun kamachiy yanapanka.
Kay Consejo de la Administración Legislativa (CAL), Mamallakta pushak kachashka manu kullki kamachiy allichinata arinirka, chay Comisión de Régimen Económico tantaripak makiman chayanka, paykuna rikunka, paykuna 30 punchakama allichinka. 10 punchapi ña willayta killkashkata charinka.
Mamallakta Tantanakuy ishkay minkashkata churanka, shukka Mamakamachiy allichinata, shukka wayru killa 02 punchamanta, 13 punchakama Mamallakta shayarita taripanka, mincha kulka puncha, 11:00 sayllata churanka.
Kay Comisión Ocasional de Tránsito tantari, Marcela Holguín, kamachiy killkak rimashkata uyarka, paymi Transporte Terrestre kamachiy allichirichun mañarka, payka tukuy antawapi purikkuna chumpirishpa purichun mañan, mana shinakpika wanachishka kanka, kay kamachiy antawa sinkukpi runakuna ama yalli wañuchun, chukririchun harkanka.
Kay Comisión de Justicia tantari Ximena Peña pushashka, Mamallakta Pushak allichishka Código Penal kamachiyta rikunka, shinami 09:30 sayllata rimanakuy kallarinka, Mamakamachiywan takarik kakpi Código Orgánico Integral Penal (COIP) kamachiyta allichinka.
