Shamuk hunkapimi, César Litardo Mamallakta Tantanakuyta pushak, Mamallakta Tantanakuypi zirma sumakrurayta allichinaka mashna kullki tiyashkata willanka, kunanpi tiyak kipikunaka yapa payayashkami kan nshpa willarka.
Mamallakta Tantanakuy sarun kuski killa, 17 puncha, Comisión de Soberanía y Relaciones Internacionales tantari, kay Ecuador llaktamanta runakunapak tiyak kipushkata taripayta kallarichun arinirka, chayta willankapa kaya puncha, 10:00 sayllata Ministra de Gobierno, María Paula Romo kamachik, Ministro de Telecomunicaciones Kamachik, Sociedad de la Información, Andrés Michelena kamachik, Rimanakuy Patakuman shamunka chaypi paykuna imashina chay huchachi kashkata riksichinka.
Mamallakta Tantanakuy chay Comisión de Régimen Económico tantari rimashka, Mamallaktapi kullki llikapi yanka kullkita hapikushkata harkana kamachiyta atinakunka, kullkiwasiman yaykurishka runakunata yanka kullkita kichushkatami rimanakunka, kaytaka kamachikkuna mana arinishkami kashka.
Mamallakta Tantanakuy kaya puncha Registro Ecuatoriano de Violadores, Abusadores y Agresores Sexuales de Niñas, Niños y Adolescentes kamachiyta kallari atinakuyta ruranka, kipaman Abusos de las Instituciones del Sistema Financiero Nacional kamachiyta atinakunka, kipaman Servicio Ecuatoriano de Capacitación Profesional (Secap) kamaywasiman Dr. Vicente Rocafuerte kamarita charichinka, kaytaka César Litardo Caicedo, Mamallakta Tantanakuuyta pushak 10:00 sayllata charichinka.
Kay llankay yuyaripi mushukyachina, Chile llakwan kamaypi yuyarikuna, chay Convención contra el Racismo yuyari, chay Alimentación Escolar kamachiy, Fortalecimiento y Desarrollo de la Palma kamachiymi Mamallaktapak hatun rimaykuna karka.
Kapak killapi Declaración de los Derechos Humanos hatun kamachiy 70 watata paktachin, chaymanta 30 nikikunata mana pakishpa runapak hayñi paktachun, llaktayukkunata ukllana, sumaychana, kamana kanchik nirka. Kay rimanakuypi Jurista Romel Jurado yanchak karka, chay General Tutelar de la Defensoría del Pueblo, Harold Burbano yachakpash karka.
Mamallakta Tantanakuyta pushak, César Litardo China, Asamblea Popular Nacional de China, Wang kamachikwan shuk tantarita charirka, chayṕimi Ecuador llaktawan, China llaktawan yachaykunata riksinakurka, shinami Asiático Mamallkatapak yachayta chaskirka.
Kay Grupo Parlamentario de Prevención y Erradicación del fenómeno de Drogas tantari, Ministerio de Salud Pública (MSP) kamaywasi, kay Mecanismo de Evaluación Multilateral hawa, Informe de Evaluación de Políticas de Drogas en el Ecuador hawa riksichirka. Kay kamaykunata rikuchikpi imashina muspachik hampi mikuy kay Mamallaktapi kakta rikuchin.
Kay República Popular China wiñarishka, 70º wata paktakpi, César Litardo Caicedo, Mamallakta Tantanakuyta pushak, tantarishka kamachiy killkakkuna, chay Beijing y Shanghái llaktapi hatun kamachikkunawan rimanakuyta charirka, chaypimi Universidad de Agricultura hawa, tarpuyruray hawa rimanakuyta charirka.
Kay Comisión de Régimen Económico tantari, kunan puncha 10:00 sayllamanta tantarirka, chaypi Katherine Argotty kamachiy killkakta, Secretario General de la Presidencia de la República por la Secretaria Técnica Planifica Ecuador kamachikta chaskirka, paymi Mamallakta allichirichun, llankayñan rurayta riksichirka.
