Kaya puncha 14h30 sayllata tantarinkapa kamachiy killkakkuna kayashka kan, kay Seguridad Social kamachiyta kallari atinakuyta charinka, chaypimi kay Instituto Ecuatoriano de Seguridad Social kamaywasiman yaykurichun arininka, paykuna kullkita churachun rimanakunka. Shinallatak, Seguridad Social de las Fuerzas Armadas kamachiyta, Seguridad Social de la Policía Nacional kamachiyta atinakunka, chay kamachiykunata Comisión de los Derechos de los Trabajadores tantaripi allichirka, kayka Roberto Gómez kamachiy killkak churashka kan.
Kay Comisión de Soberanía y Relaciones Internacionales tantari kay Acuerdo de Escazú yuyariman yachakkuna yuyayta chayachinka, chaypak América Latina llaktamanta, El Caribe llaktamanta yaykurinkapa hayñikunata yachachinka, runakuna chaypi kachun, pachamama paktakayta charichun yanapanka.
Kay Comisión de Soberanía Alimentaria chay, Acuicultura y Pesca kamachiyta allichishpa katin, Mamallakta pushak churashkami kan, kay kamachiyta llaktakunawan rimanakuyta charinka, uchilla tantari ashtawan shuktak kamachiykunapi rikushpa allichishpa katin.
Kamachiy killkak Esteban Albornoz, Comisión del Desarrollo Económico tantarita pushak ishkay nikikuna yalli tiksi kashkata rikuchirka, Mamallakta Tantanakuypak Turismo kamachiy yalli hatun kamachiy kakta rikuchirka, kay kamachiy ishkay atinakuyman yaykurinka, kay kamachiy arinirichun 100 kamachiy killkakkuna yanaparka.
Kamachiy killkakkuna llaktakuna, llaktayukkuna 11 punchata kaparishkamanta mancharishpa llakta ushayta charirayarka, Ecuador llakta llankachun shayarirka, wakcha runakuna paykunapak hayñita riksichun atirka, mañarka.
Mamallaktapi runakuna kaparishpa llakita rurashkamanta Mamallakta Tantanakuypak llakta ushay llankayka achka llaki karka. Shinami Comunidad Internacional kay killa 16 puncha riksirka, chay Unión Europea tantari César Litardo Mamallakta Tantanakuyta pushakman “DEFENSA DE LA DEMOCRACIA Y LA PAZ SOCIAL EN LA REPÚBLICA DEL ECUADOR” pankata charichirka.
Kay Comisión de Fiscalización tantari, chay Lira Villalba kamachiy killkakta llaktay wanachiyta rurana nirka, shinallatak Consejo de la Judicatura Transitorio, Marcelo Merlo Jaramillo kamachikta llaktay wanayta rurana nirka, shinaka: Zobeida Regina Aragundi Foyain, Aquiles Mario Rigail Santiestevan, Angélica Ximena Porras Velasco, Juan Pablo Albán Alencastro rimayta charikkuna mana allita llankashkamanta wanachishka kanka.
Kamachiy killkak Alberto Zambrano pushashka Comisión de Biodiversidad tantari Régimen Especial de la provincia de Galápagos kamachiyta allichishpa katin, kipaman kamachiy killkakkuna tantarishpa atinakunka.
Kamachik, César Litardo Caicedo, Mamallakta Tantanakuyta pushak, kaya puncha kamachiy killkakkunawan rimanakuyta charinka, 15:30 sayllata kallarinka, chaypi Mamallaktapak llakita rimanka, katipika Actuación en Casos de Personas Desaparecidas y Extraviadas kamachiy hawa atinakunka.
Mamallakta Tantanakuyta pushak, César Litardo Caicedo chay Santa Elena llaktaman kamachiy killkakkunata kayan, chaypi kunan, 14 puncha,14h30 sayllata rimanakuy kallarinka, shinami Universidad Estatal Península de Santa Elena (UPSE) yachana wasipi pusharinka, kay rimanakuyka: atinakuy, tukuykuna rimana, tantarinakuy kanka.
