Kay Comisión Ocasional Multipartidista tantarimi Ecuador llaktapi, Mamallakta pushak 883 kamachiyta churakpi runakuna kaparishkamanta llakikuna willayta chaskirka, kay tantaritaka; wayru killa, 16 punchapi, tantarita wiñachirka. Kay willaytaka Mamallakta Tantanakuypak rimanakuypi riksichinka.
Mamallakta Tantanakuy kay Manu kullki kamachiyta mushukyachinkapa atinakushpa katin, kallari atinakuyta charirka, kamachiy killkakkuna rikuykunata churarka. Wakinkunaka Mamallakta llankayta charichun kay mushuk kamachiyta allichina nirka, llaktayukunata yanapana rayku hatun yuyarita charina nirka.
Kunan puncha, 08:30 sayllamanta Mamllakta Tantanakuy, Crecimiento Económico kamachiy hawa rimanakuywan katin. Kay rimanakuyka wayru killa 31 punchamanta kallarirka, chaypi pusak kamachiy killkakkuna rimayta charirka, César Litardo, Mamallakta Tantanakuyta pushak willarka.
Kay Daniel Barragán, Ejecutivo del Centro Internacional de Investigaciones sobre Ambiente y Territorio (CIIAT) kamaywasita pushak, kay Comisión de Soberanía y Relaciones Internacionales tantari pushash kan, kay Acuerdo de Escazú yuyarita riksichinkapa allita yuyarita rikuchina kan nirka, chayka yuyari llankay kallarichun shuti aspina, rimarka.
Mamallakta Pushak rupana yakupak chanita wichiyachikpi runakuna, tantarikuna paykunapak hayñita pakishkata rikushpa ñankunapi, kitikunapi kaparikpi chay Andina Simón Bolívar, Salesiana, Católica, Escuela Politécnica Nacional, Central sumak yachana wasikuna yanaparka, chayta rikushpa Comisión de Educación riksishpa shuk willayta chayachirka.
Kay Banco del Instituto Ecuatoriano de Seguridad Social (Biess), Carlos Troncoso kamachik kaypi kaywan, Comisión de los Derechos de los Trabajadores tantari, chay Administración de los Fondos Complementarios Previsionales Cerrados, entre el 2015 y 2019 kamachiyta allichishpa katin.
Kay Comisión de Fiscalización y Control Político, Johanna Cedeño Zambrano pushashka, Albán Maldonado, Secretaría Nacional de Educación Superior, Ciencia, Tecnología e Innovación (Senescyt), Universidades Amazónicas hawa Senescyt willachun kayan, paymi kay sumak yachanawasikuna wiñarinamanta riksichinka, payka Para la Circunscripción Especial Amazónica kamachiy rimashkatami paktachina nirka.
Kay Comisión Ocasional tantari, sarun hunkapi kay killa 2 punchamanta, 13 punchakama Mamallaktapak llankay shayarishkata taripachun minkashka, llankashpa katinka, chay tantariman Mamallaktapak awllikkuna llaki tiyashkata riksichinkapa chayamunka, paykuna imamanta chaypi kashkata rikuchinka. Mamallakta Pushak rupana yakupak chanita wichiyachirka, chaymanta runakuna kaparinkapa ñankunaman llukshirka, chay llakita willanka.
Kay Comisión de Régimen Económico tantari, Daniel Mendoza pushkak, Transparencia Fiscal, Optimización del Gasto Tributario, Fomento a la Creación del Empleo, Afianzamiento de los Sistemas Monetario y Financiero y Manejo Responsable de las Finanzas Públicas kamachiyta minkashka kanchis apuchiwan arinirka, kay kamachiyka Mamallakta Pushak utka arinichun kachashka kamachiymi kan, chaytami minkashka allichikun.
Kay Comisión de Régimen Económico pichka punchakunata sinchi llankayta charirka, chaypimi tawka runakuna, kamaywasikuna Reformas Tributarias kamachiyta mushukyachinkapa 50 runakuna Manu Kamaychiyta rikurka, shinami: pukuchik llankakwasikuna, kullkiyachikkuna, rikukkuna, Hatun Kamachikkuna, tantarikuna rikurka, paykunapak rikuywan alli kamachiy killkarinka.
