Kay kulka, 5 puncha, 10:00 sayllata Mamallakta Tantanakuy tisiku runakunawan yanapayta, Gabela hawa, El Comercio llankak ayllumanta arininka, Lenín Moreno Mamallakta Pushakwan yanaparinka, yalli Mamallakta Pushak Rafael Correa rimashkata rimanka.
Kay Comisión de Derechos Colectivos tantari kaya tutamanta tatarinka. Kay 10h00 sayllata rimanakuy kallarinka, tayta Luis Onofa, Colectivo Espejo Libertario yachachikta chaskinka; shinallatak Jorge Guachamín, Ejecutivo de la Coordinadora de Medios Comunitarios (Corape) kamachikta chaskinka, Pablo Cevallos, General del Servicio Nacional de Derechos Intelectuales kamachikta chaskinka.
Minkashka tantarikunapi kamachiykunata allichina sitwa kallari hunkapi paktakun, kay kamachiykunawan Ecuador llaktapi kawsak runakunapak kawsayta allichichun achkata yanapanka. Rimanakuytaa charinkapa tawka Mamallaktapak kamachikkunata kayanka, chaypi paykunapak alli kamachiy killkarichun alli yuyaykunata churanka.
Mamallakta Tantanakuyta Pushak, Inclusión Económica y Social, Berenice Cordero kamachikwan rimanakuyta charirka, chaypimi Código de la Niñez y Adolescencia kamachiyta allichina nirka, ayllupi, yanachawasipi, tukuylla runaknapi llaki tiyan nirka.
Kay chaska puncha Foro Internacional “Legislando en Clave de Mujer” tantaripika warmikuna kamachiy paykunaman chayachun shuk kamachiyta paktachinka kullki mutsurin rimaymi karka, chay kullkiwan kariwami imashin apanakushpa llankana rimaymi karka. Yachakkunaka Mamallakta kay warmikunaman manuta charishkatami rimarka.
Mama Elizabeth Cabezas, Mamallakta Tantakuyta pushak tukuy awllik shuwashka kullkita tarinkapa kamachiyta churanka, kay kamachiyka Recuperación de Capitales shutitami charinka, kay kamachiywan shuwashka kullkikunata kutintak tarinkapa yanapanka, shinallatak sitwa killa tukurikama Willay Kamachiy kallari atinakuyta charichun ña makipi charishun nishpa willarka.
Mamallakta Tantanakuy “Vicente Rocafuerte” kamarita, Liga Deportiva Universitaria de la ciudad de Quito pukllayta pushakkunaman shuk napayta, kushikuyta chayachirka, paykunaka chay Campeón de la Copa Libertadores de América pukllaypimi misharka, shinami hatun rikurirka.
Mamallakta Tantanakuypak rimanakuy pataku, chincha sayta rikunkapa shuk kamachiyta ruranata kallarin. kay kamachiypak nikikuna llaktayukta kamanawan yuyayka sapi tinkirin, shinami, Juan Carlos Yar minkashkata pushak rimarka.
Kay Minas kamaywasipak, Henry Troya hatun kamachik, chay Comisión de Biodiversidad tantari ukupi, kay Mamallaktapak kamaywasika, allpa shuyu tinkunakuyta rikuna, chaywan Santa Teresita allpata mañachina killkata tukuchina nirka, chayka llankayka Piñas kiti, chay El Oro markapimi sakirin.
Kay Defensora del Pueblo, Gina Benavides minkashka, Comisión de Derechos Colectivos tantaripak ukupi, Mamallakta Pushak kachashka Comunicación kamachiyta allichinaka Mamallaktapak maymutsurikmi kan, runakunapak hayñita rikuna kashpapash may alli kan nirka.
