Kay Comisión de Justicia, Lira Villalva kamachiy killkak wanachiy kamachiy hawa uyarka, payka imashina kay kamachiy llaki allichina hawa yanapanata riksichirka, shina tawka huchakuna wanachinka.
Kay hatunyachanawasiman, yachanawasiman, tawka sumakruray yachanawasiman, sumakrurayawasiman, makiruray yachanawasiman, takiyachana wasiman yaykuchun Educación Superior achkata yanapanka. Kulka, 12 puncha, 09:00 sayllamanta Mamallakta Tantanakuy rimanakuyta charinka, kamachiyta allichinaka, chayman Elizabeth Cabezas pushkak kayarka.
Chay Jorge Gabela imashina wañushkata riksinka, César Litardo, Ángel Gende kamachiy killkakkuna taripayta pushachun minkashka sakirin, paykunami hatun pushak, kipapuchak akllashka sakirirka kipaman paykuna tarishkata tukuyman riksichinka.
Mama Elizabeth Cabezas, Mamallakta Tantanakuyta pushak, kay Recuperación de Capitales kamachiy llaktayukkunaman chayanka, paykuna shuway ama tiyachun sinchita ñakarinka, tukuylla kamaypi chinkashka kullkikunata, charishkakuna tikrachimunka.
Kay Comisión de Derechos Colectivos shamuk hunkapi Yachakkunawan Comunicación kamachiy alli killkarichun llaktaman rikuchinka, kipaman paykuna mushuk yuyaykunata churanka, kamachiy killkakkunapash shinanka.
Mamallakta Tantanakuy chay General Jorge Gabela awka wañushkamanta katinkapa shuk minkashkata churarka, shina: César Litardo, Noralma Zambrano, Jeannine Cruz, César Rohon, Marcela Aguiñaga, Ángel Gende Sebastián Palacios kamachiy killkakkuna yaykurirka. Chay Jorge Gabela kay Fuerza Aérea Ecuatoriana kamaywasipi llankak hatun awkami karka.
Kay Derechos Colectivos minkashka Willay kamachiyta allichinkapa yuyaykunata chaskirka. Chay Ramiro Villarroel, Universidad de Bolívar yachana wasimanta, willachinakuna hamita anchuchichun mañan, willana hillaykunaka tukuyllapak tukuy karmapi mitachimi kan, llaktakunaka paykuna charishka willana ñanwan, paykunapak shimiwan willanata ushan.
Mamallakta Tantanakuy 92 alli apuchiwan, 22 manani apuchiwan tisiku runakunata, ayllukunata yanapankapa arinirka, ashtawankarin Lenín Moreno Mamallakta pushakwan, yallik Mamallakta Pushak Rafael Correa kunan Mamallakta pushakta hamishkamanta nanarirka.
Kunan 4 puncha, sitwa killapi ishkay kamachiymi atirinkapa chay Comisión del Desarrollo Económico tantariman yaykurirka, kay kamachiy killkakkuna rikunka.
Mamallaktapi llakikuna anchurichun Comisión Ocasional de Tránsito tantari, chay Orgánica de Transporte Terrestre, Tránsito y Seguridad Vial kamachiyta kallari atinakuypi nikikunata allichirka, kay kamachiyka antawakuna ama yalli llakikunata rurachun harkan, yanapan, runakuna ama wañuchun ukllan, charishkakuna ama wakllirichun kaman,
