Kayna punchamanta Seguridad Social kamachiy llankayman yaykurirka, kay kamachiywan 65 kullkimanta 100 kullkikama wichiyachirka, kay kullkita Seguro Social Campesino runakunaman yanapayta chayachinka, paykunaka 2018 watapi, 1 puncha, kullakillamanta llankankankapa yaykurirka.
Kay Consejo de Administración Legislativa pay Christian Cruz Kullki kamachikta mana alli llankashkamanta wanachinka, chaypak Raúl Tello kamachy killkak shuk mañayta churarka, payka superintendente de Bancos kamachikmi karka.
Chay Esmeraldas markami, Política de Defensa y Seguridad para la Frontera llaktayta, Lenín Moreno, Mamallakta Pushak kallarichishpa riksichichun akllashka llakta karka, chay rimayka Batallón de Infantería Motorizada kuskapimi pusharirka, chay aknaypimi awkakuna, chayman Elizabeth Cabezas, Mamallakta Tantanakuyta pushak chayarka, Mamallaktapak tawka hatun kamachikkunapash chaypi karka, ashtawankarin llaktata kamana llankayta charik awkakunami chayman chayarka.
Mama Elizabeth Cabezas Guerrero, Mamallakta Tantanakuyta pushak, chay Para el Fomento Productivo, Atracción de Inversiones, Generación de Empleo, y Estabilidad y Equilibrio Fiscal, kamachiyta ishkay kutin rimanakunkapa rikischinka. Shinami kay kamachiyta Mamallakta pushak kachashkami kan, ña arinishpaka kullki mirarichun, llankay mirarichun achkata yanapanka.
Kay wacha puncha, 09h10 sayllata, Unidad de Gestión Documental tantari, kamachiyta Educación Superior (Loes) kamachiyta Mamallakta pushak rikushkata chaskirka. Kay kamachiyka 27 rikuykunatami charin, shinallatak Kay mushukyachishka kamachiyka 15 puncha aymuray killapimi Mamallakta Tantanakuy arinishka karka.
Kay Comisión Aampetra tantari Fiscal General del Estado, Paúl Pérez Reyna kamachikta, Ministro de Educación Fander Falconí kamachikta shamuk hunkaman kayanka, paykunaka yachana wasikunapi kari warmi wawakunata, imillakunata llakichishkata riksichinak.
Kamachiy killkak Jorge Yunda, Grupo Parlamentario de Protección a los Animales tantarita pushak, runa tantarikunata pushakunawan shuk rimankauyta charirka, chay Defensoría Pública kamaywasipak kachashkawan rimarka, chay kamachiywan wiwakunata, mana waktana kachun, takana kachun harkanka.
Kunan tutamanta willay hillaykunapi rimashpa, Elizabeth Cabezas, Mamallakta Tantanakuyta pushak, kishpiychik Daniella Camacho, Corte Nacional de Justicia mañashkata hapishapa, yallik Rafael Correa Mamallakta pushakta wanachina hawa, paktakay imantapash llaktayyachun mana sakichun nirka.
Chay Código de la Producción kamachiy hawa, chay Solidaridad Hatun kamachiy hawa rimanakuypi, Manabí markaman, Esmeraldas markaman chachashka kullkika imashna tukurishkata riksichichun mañarka, chay markakunaka 2016 watapi allpa kuyurishpa llakichishka markakunami kan.
Kay runakunapak hayñi ukupi yachaywan kasilla kawsayta kamankapa alli yachayta pusharinka, chayka yuyarina, nanarina, yanapana yuyayta charinka, chayrayku Manabí llaktapimi Pakta Runakunaman Kasilla kawsay yachay pusharinka.
