Kay Comisión de Derechos Colectivos sapsita charik tantarikunata chaskirka, paykuna kay Comunicación kamachiyta allichina hawa rimarka. Shinami Confederación de Nacionalidades Indígenas del Ecuador (Conaie), organizaciones afrodescendientes tantari, llaktakuna, ayllullaktakuna kay ankita charinkapa kamachikkuna arinichun mañarka.
Kay Grupo Parlamentario por el Bienestar Animal tantari mikuna wiwa hawa rimarka, kay tantaritaka, Jorge Yunda kamachiy killka pushashkami kan, runakuna mikuna wiwakunata rantinkapa tukuylla llaktay rikuna kan nirka. Chay Fundación Trato Ético Animal (TEA) kamaywasimanta, Chay Marinella Irigoyen kamachik wiwakunata rantimushpa pushamukuk pacha rikuna nirka, kay pachapimi unkushka, shuwashka wiwakunawan chakrunata ushan nirka.
Mamallakta Tantanakuypak llankay paktachun Comisiones Especializadas Ocasionales tantarikunaman yaykurishka kamachiy killkakkuna ashayachun Mamallakta Tantanakuy mañan, iskun kamachiy killkakkuna kachun shuyan. Chaypak paykunallatak llukshinata arinichun churan.
Kay 5 puncha, 2018 watapi Michelle Alejandra Montenegro Campos chinkarishka mana riksirin, Quito llaktapi 13h00 sayllata, paypak Samara IV wasimanta llukshikukta rikushka karka; payka 26 watata charirka runapak hayñita tankashpa llankak karka, wawakunawan llankak karka.
Kay Fiscalización y de Derechos Colectivos tantari kunan awaki punchamanta kutintak sinchita llankay kallarin; shuktak minkashkakuna kaya 17 punchamanta rimanakuyta charinka, chaypimi tawa rimaykunata charinka.
Kaya 17 puncha Mamallakta Tantanakuy Adulto Mayor kamachiyta atinakunka, kaytaka Comisión de Derechos Colectivos tantari allichishpa llankashka yuyaykunapi tiksirishpami atinakunka.
Kunan puncha Soberanía Alimentaria minkashka, Fomento y Desarrollo del Sector Agropecuario kamachiyta; egula la Producción y Comercialización del Banano kamachiykunata Mamallakta Tantanakuypi kallari atinakuypak allichishpa katin. Shinami kunan puncha Quevedo llakta, Los Ríos markapi rimanakuyta charirka, kay kamachiyka palanta katunatami yanapanka.
Mama Paulina Aguirre, Corte Nacional de Justicia pushak, kay Función Judicial y General de Procesos (Cogep) kamachiyta mushukyachina allimi kan nirka, chaytami Comisión de Justicia y Estructura del Estado tantaripimi llankakun.
Istawillana hillaykunapi mama Elizabeth Cabezas, Mamallakta Tantankuyta pushak mushuk Recuperación de Capitales kamachiyta riksichirka, kay kamachiywan Mamallakta kullkita shuwachishkata kutintak apumuna hawa rimarka, tukuylla kamayta takashka huchami kan nirka.
Chay Creo tantaripak mashikunawan, Fernando Callejas, Mitad del Mundo kuskapi, Unión de Naciones Suramericanas, Unasur wasita rurashpa mashna kullki tukurishkata Contraloría del Estado rikuchichun mañanata willana hillaykunapi willarka; mayhan kamachiywan, yallik Hatunkamachik kullkita kushkata rikuchinka, mana alli kakpika tukurishka kullkita yupachun mañanka.
