Mama, Elizabeth Cabezas, Mamallakta Tantanakuyta ushak Brasil llaktamanta, Ecuador llaktapi llankak, Carlos Alfredo Lazary kamachikwan rimanakuyta charirka, chaypi kay Quito, Lima, Brasilia Mamallaktakuna Perú llaktawan 20 wata kasilla kawsayta yuyarirka, wayru killapi paktan nirka. Chay Brasil llaktami kasillata yuyarita killkaypi kamak karka.
Kamachiy killkakkuna kallari atinakuypika, mushuk Lucha contra la Corrupción kamachiyta ishkayniki atinakuyta pushanka, kay kamachiyka tukuy Ecuador llaktapi kawsak runakuna, kamachy killkakkuna munashka may mutsurikmi kan.
Kay Comisión de los Derechos de los Trabajadores y la Seguridad Social tantari, kaya puncha, 09h00 sayllamanta tantarinka. Kallaripika Reformatoria a la Ley Orgánica de Servicio Público kamachiyta rimanakunka, chaypmi llankaypi shutirishkata charishpa rukuyashka runakuna llukshinamanta rimanka, kipaman Mamallaktapak yanapayta hapinka.
Wiñaykawsayta katimushpa chusku warmimi Premio Nobel de Química kamarita chaskirka, shuk Israelí llaktamanta Ada Yonath amawta karka, paymi kunan tutamanta Elizabeth Cabezas, Ecuador llaktamanta Mamallakta Tantanakuy pushakwan tantarirka. Kay tantaripi Embajador de Israel en Ecuador, Edwin Yabo kamachik karka, tawka rimaykunata charirka, Ecuador llaktawan, Israel llaktawan amawta yachayta, sumakruray yachayta riksichirka.
Wanra puncha, 09h30 sayllata, Mamallakta Tantanakuyta charinka, chaypimi Procurador General del Estado, Íñigo Salvador kamachik llankaypi tiyarinka, shinallatak chay Lucha contra la Corrupción kamachiyta ishkaykutin atinakunka, Mamallakta Tantanakuypak kallari llankay kanka.
Shinami karwa killa, 1 punchakama, kay Comisión de Derechos Colectivos tawka runakunamanta Willay kamachiy alli killkarichun alli yuyaykunata, rikuykunata chaskinka,shinami Jorge Corozo kay llankayta pushak tukuykunaman willarka. Chaymanta kay killa, awaki, 30 puncha, 15:00 sayllamanta, Pablo Celi de la Torre, contralor General del Estado kamachikta chaskinka.
Sitwa killa 13, 14, 27 punchakunata 137 Pushakkuna kamachiy killkakshina kimsa punchata atinakurka, chaypimi Asociación de Derechos Humanos Embajadores de la Paz Mundial Tantarishka karka, Mamallakta Tantanakuypak pushak Elizabeth Cabezas shina riksichirka, llaktayukkuna kamachiy killkaypi. “Rurashpa yachaymi yachanawasipi yachanata yalli yachay kan”, rimarka.
Tukuy kamachiy killkakkuna 96 apuchikunawan Mamallakta Tantanakuy Hatun kamachiy llankayñanta, yachayta paktachishpa katichun mañarka, shinamim Día del Deporte Ecuatoriano punchata paktachirka, shina mushuk pata pukllaykunata llaktakunaman chayachichun mañarka, samarikuna mirarichun kullkiwan yanapana nirka.
Tantarikuna, kamachikkuna, willakkuna rimanta churachun, kay Comisión de Derechos Colectivos, Comunicación kamachiyta rikuchinkapa shuyachun mañanka. Kamachiy killkak Jorge Corozo, kunanka Supercom kamaywasita anchuchinkapa apuchikuna tiyan nirka.
Shinami 09:55 sayllata Elizabeth Cabezas, Mamallakta Tantanakuyta pushak, chay Armada del Ecuador kamaywasiman chayarka, Combate Naval de Jambelí kanchis watata yuyarina aknaypi karka. Mamallakta Tantanakuyta pushakka Mamallakta Tantanakuypak shutipimi sisa wankuta churarka.
