Chay willay muyuypi, kamachiy killkak Raúl Tello rimarka, chay Federación Única Nacional de Afiliados al Seguro Social Campesino tantariwan ishakantin tukushpa, 21 wanra puncha, sasi killapi Christian Cruz, superintendente de Bancos kamachikta wanachinkapa rikunka.
Kay Silvia Salgado, Comisión Ocasional Aampetra tantarita pushak, 29 wanaykunaka taripay katichun chay Fiscalía kamachikman kacharka. Kay willayta Consejo de Administración Legislativa (CAL) tantariman kacharka, chaypimi kamaywasipak shutita, pushakuk kamachikpak shutita, imashina wanachi, kamay katikushkata riksichirka.
Ista llaktapi wichana wasipi kak runakunaka, ancha llakitami charin. Kay Ecuador llaktapika 33. 500 runakuna kishpiyta kichushka kan, 7 % patsakri runakunami ista llaktamanta kan. Shina rikukpimi 40 Cuba llaktamanta kan. Ecuador llaktapika punchanta llakimi rikurin, 37.18 % patsakri runakuna wichkana wasipi kawsan, paykunapak llaktaman richunmi alli kanka. Chayta kay yuyari yanapanka.
Llaktayukkunawan Derechos de los Trabajadores minkashka Puyo llaktapi, Pastaza markapi, 200 runakunawan tantarirka, paykunaka: llankak tantarimanta, makirurak tantarimanta, uchilla tantarikuna, wakin kamaywasikuna, kikinllatak karupi kamachikkuna chayarka. Llaktakunapash paykunapak mutsuyta rikuchirka, paypak yuyaykunata Código del Trabajo kamachiypi churachun mañarka.
Mamallakta Tantanakuy Esmeraldas llaktapak wiñaykawsayta kamachiy killkakkuna 107 apuchiwan arinirka, chaywan Ministro de Cultura kamaywasi pushachun riman, paymi chay llakta wakllirishkata allichichun riman. Chay Esmeraldas marka pay Mamallaktapi hatun rikurishkata rikuchin, 5 puncha, karwa kill, 1820 watapi wiñarishkamantalla, Mamallakta hatunyashkamanta.
Kay Ecuador llaktapi diabetes unkuy achkata llakichin, sapan watami ashtawan mirarishpa katin. Kay Encuesta Nacional de Salud y Nutrición (Ensanut) kamaywasi rikuchishka, diabetes unkuyka, 10 watamanta, 59 watakama runakuna 1.7 % unkuyta charin. Chay unkuyka 30 watata charishkakama kay unkuyta chari, shinami 50 watata charishpaka, chunkamanta shukmi diabetes unkuyta ña cahrin. Kay llaii Mamallakta Tantanakuypak hatun llankay kallarin, paymi llakta runakunaman riksichinata charin.
Shuk warmi takashka kakpi, maymantak rina kan, mayhan kamaywasitak uktkashpa yanapana kan. Chaytami Comisión Ocasional rikunata charin, shinami Para la Prevención y Erradicación de la Violencia contra las Mujeres kamachiyta yachakun. Alli yuyayta surkuchun shuyakun. Pakllapi, kitipi kawsak warmikuna utkashpa yanapashka kachun mutsunchik.
Mamallakta Tantankuypak 484 tantaripi diabetes unkuy runakunata ama hapichun kamachiy killkakkuna atinakunka, chaypimi chikan chikan diabetes unkuyta charikta harkankapa shuk yanapayta kunkapa rikunka.
Shinami Carlos de la Torre, Economía y Finanzas hatun kamachik rimarka, paymi Para Impulsar la Reactivación Económica del país kamachiyta charina alli kan nirka, mutsurishkakunaman paktanka kay kamachiy yanapanka nirka, tukuyllapak kullkita yanapanka, asha asha churashka kullkita churana, dólar kullkipak llankayta hatunyachina nirka.
Mamallakta Tantanakuypi shina, mashna yachakukkuna chaypi kakta rikushpa Mamallakta Hayllita takishpa 12 yachana wasimanta yachakukkuna kamachiy killkakkuna shina rimanakuyta kallarirka, shuk kamachiyta atinakurka.
