Kay Comisión Ocasional Aampetra wawakunata llakichishkamanta llankashkata rikuchinka, kamachiywan katinata, yanapanata, hayñita allichinata rimarka. Chay ñan patakupi minkashkakunaman, ayllukunaman chayachinka, payayashka 80 llakikunata ña kamachiywan katikun, chaywan Fiscalía kamachiy taripaywan katinka.
Kay Comisión de Justicia tantari Cañar markamanta mañay 1 llakita arinirka, paykunaka, Manuel Anastacio Pichisaca runa llakitukushkata kunkarichun mañarka, payka 2015 watapi antawa purina ñanta harkarka. Kay llakikunata rikuk minkashka sapan llakikunatami rikurka, kipaman shuktak llakikunatapash rikunka.
Kay Código Orgánico de Organización Territorial, Autonomía y Descentralización (Cootad) allichinkapa katin, kay kamachiyka Gobiernos Autónomos minkashkapi allichirishpa katin, Montgómery Sánchez pushakun. Kaya 30 puncha, sasi killa, kikinllatak kamachikkunapak rimaykunata uyanka.
Kay Derechos de los Trabajadores minkashka chaska, 1 puncha, 10h00 sayllata, Galápagos llaktapi tantarinka, chaypimi mushuk llankay kamachiyta wallpankapa yuyaykunata llaktayukkunamanta mushuk chaskinka.
Kay Bancada de Alianza PAIS yaykurishka kamachiy killkakkuna, kay Consejo Directivo del Instituto Ecuatoriano de Seguridad Social (IESS), Richard Espinosa kamachik llankashkata yanapan, katikuyta sumaychachun mañan, chay Contraloría General del Estado kamachik willayta panta churashkata rikushpami shina mañarka.
Kay yuyaritaka kamachiy killkakkuna, wamrakuna, tukuylla kamaywasikuna, tantarikuna shuk yuyarita killkakarka, paykunami wawakuna, 5 watamanta, 12 watakama wamrakuna ñanpi purikta kama nirka, rukawan shunkuman chayanami pankapi killkanata yalli arinishka sakirin nirka.
Kay Ecuador llaktapi 1997 watakama karipura, warmipura yumarina mana alli karka. Chay Cuenca llaktapi 100 karipura, warmipura yumarikta wanachikpi, chay Código Penal kamachiypak 516 nikita allichirka, chayta Corte Constitucional kamachik 27 puncha wanchirka, shinapash 516 nikipak kallari milkakillkakta anchuchirka, chay milkapi, pusak watakama supaycharka.
Kay Para la Reactivación de la Economía, Fortalecimiento de la Dolarización y Modernización de la Gestión Financiera kamachiyta arininka utkashpa pushanami kan, Mamallakta Tantanakuypak llankana pankapi kan, chaymanta Mamallakta Tantanakuyta pushak José Serrano Salgado, 488 yupay tantariman Kamachiy killkakkunata kayarka, 29 puncha, sasi killa, 09h30 sayllata kallarinka.
Kay 13h00 sayllata, José Serrano, Parlamento Latinoamericano y Caribeño (Parlatino) pushak, Ecuador llaktapak Mamallakta Tantanakuyta pushak, Parlatino tantaripak wasipi shuwayta takana nirka. Suyupi kawsak llaktakuna shuwamanta kishpiyrinkapa ñakarikun, chayka llakta ushaypi, awkikay, shuktak allikunata shuwarka.
Kay PAIS tantarimanta, kamachiy killkak Pabel Muñoz tukuri 10 watata llankashkata achkata yanapa, shinami Ecuador llakta kullkipi wiñarichun Mamallakta pushapak yuyayta yanapan “Kulli wiñarichun llankaytaka mana harkashunchu, shinanami, kullkita, paktakayta, paktarakita yanapanchik”, rimarka.
