Kunanmi 100 puncha Mamallakta Tantanakuypak llankakkunapak hayñikunata kaymanta rimashpa Karina Arteaga kamachiy killkak, Derechos de los Trabajadores, Seguridad Social kamachiykuna hawa rimarka. Ñukanchik ñawipuraypi hawaman rikurishpa llankayta chayachishun nirka, shina tukuylla awllikunaman, Mamallaktapak llankakman kamachiyta chayachishun nirka.
Kunan watapi 470 yupay rimanakuypi, Mamallakta pichkaniki allichishkata arininka. José Serrano Salgado, Mamallakta Tantanakuyta pushak, shamuk kulka punchapak, karwa killa, 10h30 sayllapak, Lenín Moreno, Mamallakta Pushak, Para la Aplicación de la Consulta Popular efectuada el 17 de febrero kamachiyta arininka.
Hatun Yachana Ayllullakta yapa pakta yachakukkuna yaykurichun, yachana kuskakuna tiyachun yuyayta kushpa yanaparka. Chaypak yachana ukukunata allichinka, yachachikkunata pushamunkapa, sumakrurak hillaykunata rantinkapa, shuktak mutsurishkata charinka kullkimi mutsurin nirka. Sumak rurayta yachanka, hatun yachayman paktakuk yachayta kunkapa kullki mutsurinka.
Chay Kimsakocha muntinpi chay Participación Ciudadana minkashkapak rimanakuy pusharirka, chayman 500 muyuntin runakuna chayarka, imashina chuki llankay katikushkata rikurka. Chukita surkushpaka tawtasami kawsayta, yakuta llakichinka nirka. Chay Javier Córdova, Minería hatun kamachik, Corte Constitucional kamachikpash chayamunka nirka, paytaka imamanta runakuna tapuchun kimsa watapi mana arinishkata willanata charin nirka.
Kay Derechos Colectivos minkashka, mushuk Derechos Lingüísticos de los Pueblos y Nacionalidades kamachiyta allinta killkakatishpa iskun apuchiwan arinirka, shina kallari atinakuyman yaykurinka, kay kamachiyka sapa runa, tantarishka runakuna rimay hayñikunata charichun yanapanka.
Kamachik Mauro Andino Servicio de Aduanas de Ecuador (Senae) kamaywasimanta 1.13 % patsakri Mamallakta Hatun kullkiman chayamun nirka, chaymi kullki mirarichun yanapan. Chayka iñu churashka chanita yapanka. Shuk waranka 400 hunu kullkita 2016 watapi kullkita yallin, 16 % patsakri yalli kan.
“Kay Integral para Prevenir y Erradicar toda forma de Violencia contra la Mujer kamachiyta utkashpa killkashkamanta kari warmi kamachiy killkakkunata yuypaychanchik. Ashtawankarin warmikunapak tantarita achkata yupaychacnhik”. Shnami José Serrano Salgado, Mamallakta Tantanakuyta Pushak rimarka, chaymanta Grupo Parlamentario por la Garantía de los Derechos de las Mujeres killkashkata chaskirka, Mónica Alemán kamachik chayachirka.
Kamachiy killkak Pabel Muñoz, minkashkata pushak, kari warmi, wawakunapash paktapakta kachun kallaripi llankachun kullkita ñapash chayachin. Shinallatak llankaypi rukuyashkakunata yanapanka. Hatun yuyaritaka Portoviejo llakta, Manabí markapi, chaskinka, arininka. Shinami 25 puncha, karwa killapi kan.
Kamachiy killkak Ricardo Zambrano, rimanakuyta pushak, Yaku Kamachiyta arinishka “hatun, Mamallaktapi yakuta nikinkapa achkatami yanapan” nirka. Llaktakunaman kay yakuta chayachinka tawka tiksi ñankunatami mashkashka, chaymantami imashina paktashkata riksina mutsurin. Mashna chawa tawa yakuta hapinkapa, hapishka yakumanta mashna kullkita riksinkapa uchilla yuyarishka kamachiykunata runana kan.
