Kay mushukyachishpa Educación Superior Hatun kamachiypak nikikunata allichishpa katin. Kay kamachiywann yachana wasikuna kikinllatak llankashpa, kullkita hapishpa katinka, kay nikikuna allichirishpa katichun rikushpa katinka. Churashka mushuk yuyaykuna Sistema de Educación Superior kamachiyta achkata allichinka, ña ishkayniki atinakuypak allichishka kanka.
Kay Red de Maestros tantariwan, Educación Intercultural Bilingüe kamachikwan, Ministerio kamachikwan ishkaykutin Orgánica de Educación Intercultural (Loei) kamachiyta allichinkapa rimanakuyta charirka, kay llankayta Augusto Espinosa kamachiy killkak pusharka.
Chay Pastaza markamanta Henry Moreno kamachiy killkak tarpuyriksina, llaktawiñarina kamachiyta churarka, kay kamachiywan pakllapi kawsak runakunaman llankayta wiñachinka nishpa willan, chaymanta Agroturismo kamachiyta wallpana riman, chaytaka Consejo de Administración Legislativa tantari ñami arinishka kan.
Kulka 04 puncha, kulla killapi, 09:30 sayllata, Mamallakta Tantanakuypi Código de la Democracia kamachiyta atinakunka, kay llankayta Comisión de Justicia y Estructura del Estado minkashka pushanka, shina alli kamachiy killkarinka.
Kay 80 waranka tukuylla mitachipak llankay unipak kanka, llankaypi llaki tiyashkata sakichinkapa ishkaymi kan, chayka Comisión de los Trabajadores tantari 2017 watapui sakishka kan. Kunanpika llaktayukkuna churashka Código de Trabajo kamachiyta allichinkapa 700 mushuk yuyaykunawanmi kan, chayka pawkar killapakmi allichishka kanka.
Kay 137 kamachiy killkakkuna llaktapak mutsuykunata riksinkapa shuyakushka. Paykunapak rikuymanta, llaktaymanta llaktaypi willashkata paktachinkapa llankana kan. Mamakamachiy kay hayñikunata paktachichun mañan, chaytami awllikkuna llankashpa llaktakunaman chayachina kan.
Kay Comisión Aampetra tantari 171 wanayta katinata, tawka taripaykunata paskarka, kay wanaykunaka wakaychishka sakirishka kashka, kamachiywan katikushka, 80 Fiscalía kamaywasipi katushka kashka, kay llakikuna kari warmi wawakuna yachana wasipi llakita charishkami kashka.
Tukuy Código Orgánico de Organización Territorial (Cootad) kamachiyta allichinka, kaytami Comisión de Gobiernos Autónomos tantari kay kanchis killata llankanka. Shinami tantarita pushak Montgómery Sánchez rimarka, kitipi kawsak, pakllapi kawsak runakuna allichirichun kamachiyta allichina nirka, kaytaka (GAD) kamachikkuna rikunata charin.
Kay Fiscalización y Control Político Minkashkata pushak, María José Carrión, Consejo de Administración Legislativa (CAL) tantari wanachina pankata chaskishka kipa, Jorge Glas Mamallakta Kipapushakta llaktay wanachita kallarinka, chaypak imashina pankakuna kashkata allita rikunka
Kay Serrano Hatun Pushak, Mamallaktapak Kipapushta Glas llankakukpi llaktay wanachiy kallarichun paktachinami kan nirka, Mamallaktapash llankaykuna, kapukyaykuna wiñarichun, dólar kullki sinchiyachun shukta ruraykuna ñawpanatami mutsun. Shinami José Serrano Salgado, Mamallakta Tantanakuyta pushak rimarka, shinami Comisión de Fiscalización wanachinkapa huchakunata riksishpa katinka.
