Kay Superintendente de Bancos zirma kullki ñanwan llankashkamanta kullkita kushpa kushiyachinata shuyan. Mayhan kay llankayta pushashpapash mana imatapash nisha ninchu, ashtawankarin 2018 watapi kullki wiñarikukta pushanatami rikuchin, shinami Mamallakta Tantanakuyman shamushpa Christian Cruz rimarka.
Mamallakta Tantanakuyta pushakpak ukuman 12h10 sayllata chayarka. Shinami kay China llaktaman, Tailandia llaktaman punkarata katushpa shuway tiyashka taripayta rikuchinkapa willak Fernando Villavicencio chayarka. Paypak makipi panka wakaychik folders ukup, taripashka 4 waranka panka ukupi tiyakta, pusak watata taripashka kakta riksichirka.
Mamallakta Tantanakuy 09h30 sayllata rimanakuy kallarinka, chaypimi Reactivación de la Economía, Fortalecimiento de la Dolarización y Modernización de la Gestión Financiera kamachiyta, kichwa Salasaca runakuna hawa, chinkarishka runa hawa, llankaypi rukuyashka runa hawa rimanka.
Kay yallik contralor Carlos Pólit kamachikta llaktay wanachika pay llukshishkamanta tukurirka, chay Jorge Glas kamachikta wanachina, chay Comisión de Fiscalización ukupi sinchi rimanakuy karka, kay rimanakuytaka María José Carrión kamachiy killkak pusharka.
Kamachiy killkak Bairon Valle, chay Grupo Parlamentario por los Derechos de los Trabajadores tantarimi mushuk llankay kamachiy alli killkarichun yanapanka, shina llankaykuna achkata yanapanka, atinakuy tiyachun tankanka.
Quito llaktamanta, Fundación Sol de Primavera wasimanta shamuk, 25 wawakuna Mamallakta Tantanakuyman chayarka, kaypi killkana ukukunata riksirka, Mamallaktapak llaktay wiñaykawsayta riksirka, sapan kamachiykunapi llaktayukkunapak hayñikunatapash riksichun rimakta rikurka.
Kay Régimen Económico minkashka, 11 apuchiwan, chay Reactivación de la Economía, Fortalecimiento de la Dolarización y Modernización de la Gestión Financiera kamachiyta arinirka. Kay killkashka pankapi Mamamallakta Tanatanakuy kamachiypak achka nikikunata arinina, Mamallakta rikushka nikikunatapash arininka.
Imatallatak Ecuador llaktawan, Qatar llaktawan shuklla yuyayta charin. Tikrachinaka hawallami kan, ishkantin Mamallaktami allpapachapi tiyak ista llaktakunawan achka mintalayta kallarikun. Kunanka, chay Grupo Parlamentario de Amistad y Cooperación Recíproca con el Parlamento de la República de Qatar tantarita pushak, chay Lourdes Puma rimashkata uyarka, payka Asia, África, Oceanía llaktakunata rikuk, Ministerio de Relaciones Exteriores y Movilidad Humana kamaywasimantami kan, shinami Ecuador llaktapak, Qatar llaktapak alli kimirnakuywan katinka.
Kay Comisión de Educación tantari, kamachiypak nikikunta rikunkapa rikushkakunata llikankapa, rikuykunata churankapa, willayta allichinkapa tiyarin, shinami Educación Intercultural (LOEI) kamachiyta allichinka. Chaypimi Red de Maestros pushakkuna, Ministerio kamachik chaypi kanka, shinallatak Universidad Nacional de Educación (UNAE) kamachik chayanka.
Ista llaktakunamanta chayamuk purik runakuna, shuktak llaktamanta llaktayukkunapash 30 mushuk kapukyachikkunata Juan Montalvo pampapi rikuchin, chay Mamallakta Tantanakuypak wasi irapimi rikuchirka, paykuna sapankutin mushuk llankaykunata rikuchin, shinami sapan ayllupi kullkita mirachin.
