Kamachiy killkak, Marcela Aguiñaga, hatun kamachik, Corte Constitucional Hatun kamachik arinishkata willanka nirka, wawa mikuchun ishkay, kimsa killata mana kushkamanta, Mamallaktamanta manuk mana llukshichun wanachishka kanka, hatun kamachikpak ñawpakman rikurichun nirka.
“Kay Código Orgánico Integral de Trabajo kamachiyka, Mamallaktapak tukuy 24 markamanta, runakuna yuyayta churashka kamachiy killkarichun munanchik”, shinami Liliana Durán kamachiy killkak, Derechos de los Trabajadores y la Seguridad Social minkashkata pushak rimarka, chaymanta shamuk chaska, 1 puncha, kuski killapi, Cuenca llaktapi rimankuy kallarinka.
Chay La Rambla ñanpi, Barcelona maysumak ñanpi, España llaktapi, sarun 17 puncha, karwa killapi mana tukurirka, kaya puncha Cambrils llaktapi, manchanay llaki rikcharirka. Chay llakikuna tiyashka kipaka chulunlla ñankuna sakirirka. Purun ñankuna, achka riksik runakunapash tampukunapi, shani upyana ukupi, mikuna ukupi manchaymanta wicharishka karka. Ishakantin llakimanta 14 wañushkla, 100 chukririshkakuna sakirishka: kunanka Katy Vargas, Carmen Romero llakimanta kishpiyrishka karka.
Kunanpika Kamachiy killkakkuna tukurikta rimarka. Chay Reserva Marina de Galápagos llaktapi mana kamachiywan chalwashkata Mamallakta Tantanakuy takan, ñukanchikpak awkita sumaychachina nirka, Mamallaktapak kamachiyta, ista yuyarikunapi Ecuador kimirishka kan, kay llakita harkanka.
Hatun Yachanawasi pushakkunawan unipak kullki tiyachun rikun, kikinpak kullki wiñarichun yanapan, 2017 watapak unipak kullki ama pitirichun ñankunata mashkana. Kaytami Comisión de Educación achkata rimanakurkakuna, tukuylla hatun yachana wasikuna rikurka, kay awaki puncha tantaripimi rimanakuyta charirka.
Kay 471 yupaywan, Miguel Jurado Mamallakta kishpiychik mañashkata paktachishpa Mamallakta Tantanakuy, Jorge Glas Espinel Mamallakta Kipapushakta wanachichun arinirka, kullita mana kamachiywan rikushpa, shuktaKkunawan pakalla hapishkata hunchachishkamantami wanachishka kanka, Mamakamachiypi rimashkata, kamachiypi rimashkata hapirishpami wanachinka.
“Kay Apya-yalapilla 320 waranka hunu churashka dólar kullkita mana tantachichin, chayka kay suyupi Producto Interno Bruto (PIB)6.3 % patsakri kullkiwan paktami kan, shinami elusión y evasión tributaria kullkita mana chayachin, chaymi paraísos fiscales” shutita charin. Shinami Marcela Aguiñaga Vallejo kamachiy killkak, Mesa de Justicia y Estructura del Estado tantarita pushak rimarka, chaymanta Mamallakta Tantanakuy, Shukniki, Ishkaniki, Chuskuniki allichishkakunata arinichun, Mamallakta Tantanakuy 2, 8 9 nikikunata allichishkata arinichun mañan, shinami Para la Aplicación de la Consulta Popular del 19 de febrero pasado kamachiy arinirinka.
Kay Soberanía Alimentaria minkashkapi rimanakuy tiyanka, Ricardo Zambrano kamachiy killak pushashka kan, shamuk 30 puncha, karwa killapi kanka, 15h00 sayllata kallarinka. Carlos Bernal Alvarado, Secretario Técnico del Comité para la Reconstrucción y Reactivación Productiva, killkakkamayu, Ecuador llaktapak yunka markakunapi 16 puncha, ayriwa, killapi, 2016 watapi allpa tuñirishpa llakichishka llaktakunapi riman, kutintak kullkita, kapukyayta mirachinamanta rimanka.
Kay 16 puncha, karwa killa, 2017 watapi, Richard Espinosa, Derecho a la Salud minkashkaman, IESS kamaywasiman 100 % patsakri, ancha ukuyta charik hampikuna rantishkata willanka. Willana hillaypi willashpa Poly Ugarte, Espinosa kamachikman mana shina kan nishpa tikrachirka, ancha unkuyta charik unkukkuta kuyashpa hampishkata, hampita rantinkapa sinchi kashkata riksichirka.
Mamallakta Tantanakuyta pushak, José Serrano Salgado, chaska 25 puncha, karwa killapi tantariman kayan, 15h00 sayllata kallarinka, chaypimi Oficio No 46-SEPPMPPT-CNJ-MJF-2017 killkata riksinka, Miguel Jurado Fabara, kishpiychik killkashkami kan, kay killkawan Mamallakta Tantanakuy, chay Jorge David Glas Espinel Mamallakta Kipapushak llakita charishkata riksinka.
