Llankaypi payayashka runakunaman, tisiku runakunaman kullkita mirachinka, chayka mana patsak urayman kankachu, kay chanita sapan wata rikuna kachun, chay tiksi kullki imashna purikta rikuna kachun. Kay yuyayka Mamallakta Pushak Lenín Moreno churashkami kan. Kay yuyaytaka Derechos de los Trabajadores minkashkakunapash allimi nirka. Kamachiy killkakkunapash makita waktarka, kipaman maymanta kullki llukshikta rikunka.
Kay Ricardo Zambrano Kamachiy killkakwan, subsecretario del Agua, Domingo Paredes kamachikwan, runa tantarikunwan, paklla llankak, kiti llankak tantarikunwan kimirishpa, Mamallakta Pushak Lenín Moreno Garcés tapuykuna churashkata yanapan, Mamallakta pushak rimashkata yanapan, shina llakta ushay llikata sinchiyachinata riman.
Kay 50 % pataskri kari warmi takanakuyta mana kamachiywan wanachishkachu kan, chayrak taripaytami rurakun, shuktakmanta rimashpaka 47 % patsakri mana kamachiywan wanachishka kashka. Chaykuna hatun llaki kakta rikuchishka, shinami Gustavo Jalkh, Consejo Nacional de la Judicatura pushak rimarka.
Kamachiywan yanapaytaka shuk Mamallakta mutsukpi kamachiywan yanpaymi kan, chay yanapayta taripaypimi kanka, chayta wanachik kamachik mañakpi, mana mañakpipash ruranallami kan. Chayka yuyay ukupimi Convenio de Asistencia Penal entre Ecuador y Palestina yuyarita killkashka kan, chayta rikushpami kay Relaciones internacionales minkashka arinirka.
Kunan tutamanta yanapak 55 shutikunawan, Jorge Glas Kipapushakta llaktay wanachiyta rurankapa tawka llaktay tantarikuna shutita huntachirka. Kay 63 takarik kamachiy killkakkunamanta, 54 kamachiy killkak shutita churarka, shinapash Marcia Arregui kamachiy killkak PAIS tantarimanta kan.
Kay Derechos Colectivos minkashka kaya puncha Latacunga llaktapi, Cotopaxi markapi tantarinka, chaypimi llaktayukkunapak, llaktakunapak, runallaktakunapak yuyayta chaskinka, shinami Protección del Adulto Mayor kamachiyta, Derechos Lingüísticos de los Pueblos y Nacionalidades kamachiyta rimanka.
Kay Código Orgánico de Organización Territorial (Cootad) kamachiyta allichinkapa yuyaykunata hapinkapa llaktakunaman llukshikun. Kay Gobiernos Autónomos minkashkapi yaykurishkakuna, kay llankayta pushak, pichka karkakunaman chayarka, chaska puncha Manabí karkapi kanka, chaypi runakunapak, kamachikkunapak yuyayta chaskinka.
Kaya puncha, 10h30 sayllata Mamallakta Tantanakuy 482 yupay tantaripi ishkay ista yuyarita rimanakunka, purik runakuna tikramuy Ecuador- Perú llaktakunapak saywapi chuki ayñita surkuyta rimanakunka. Shinallatak Kichwa Salasaka llaktata, Mamallakta charimushka kawsayta arininkapa allita rikunka, kaykunata rimankapa José Serrano Salgado Mamallakta Tantanakuyta pushak kayanka, kipaman ishkantin llaktamanta runakuna kishpiyrishka purinka.
Kay Relaciones Internacionales minkashka, chay huchachina Convenio de Asistencia Judicial yuyarita, Ecuador llaktawan, Estado de Palestina llaktawa pushankapa rimanakuy katin. Kamachik Lourdes Puma, chay Cancillería istawasimanta kachashka, Mamallakta awkita sumaychak killkashka pankami kan, chay panka ista llaktakunapi shuway tiyakta anchunchinkapami yanapan nirka.
Kunan tutamanta Mamallakta Tantanakuyta pushak, José Serrano Salgado, Alianza PAIS llaktay tantari, Lenín Moreno Mamallakta Pushakta kanchaman surkunkapa, yuyarita arinishkata pantami kan nishpa hamirka, Mamakamachiypak ukupi mana kanchu nirka.
