Mamallaktapak Pushak, José Serrano Salgado, chay Patricio Rivera Yánez, Superintendente de Economía Popular y Solidaria kamachikta, pichka watata llankachun, Solanda Goyes Quelal chuskuniki kunakta, Consejo Nacional Electoral llankachun tiyachin.
Kay wata, kulka killapi Mamallakta Hatun tantaripi, chay Movilidad Humana kamachiyta arinirka, imashinami Ximena Peña kamachiy killkak, payka Ecuador llaktamanta Canadá, Estados Unidos llaktakunapi purik runakunata yanapashpa llankakakmi kan, purik runakunata yanpashpa llankakmi kan.
Mamallakta Tantanakuyta pushak, José Serrano, 490 yupay tantariman kayarka, wanra puncha, 09h30 sayllata pusharinka. Kaypimi Consejo Nacional Electoral kamaywasipak hatun kunakkuna, kipa kunakkuna mushukyarinata rikunka, shinallatakl Superintendente de Economía Popular y Solidaria kamachikta mushukyachinatapash rikunka. Shinallatak Comisión de Justicia tantari, Manuel Anastacio Pichizaca Pinguil, kay Aviación Civil kamachiytapash atinakunka.
Shuk watata shutikunata tantachishka kipa, Mamallaktapak 21 markapi yuyaykunata hapishka kipa, kay Red Acuerdo Contra el Cáncer, “Iniciativa Esperanza” aknayta rurashpa, Cáncer unkuyta takankapa Mamallaktapak makipi mushuk kamachiy killkarichun kamuta churanka, kay kamachiyka llaktayukkunapakmantami llukshishka kan, chay llankayka 18 puncha, kapak killapi, 15h00 sayllata, José Mejía Lequerica ukupi pusharinka.
Kay Aampetra wakaychishka 171 kamay katikuyta hapirka, imamanta wanachinakuna wakaychirishka kashkata hapirka, shinallatak Fiscalía kamaywasipi 80 wanachi katikuyta chaskirka, kipaman wawakuna yachanawasipi, imillakuna yachanawasipi llaki tiyashkata kunkarishka sakirikukta yuyachirka.
Kay Adulto Mayor kamachiyman mushuk yuyaykunata churachun mañan, Derechos Colectivos minkashka, Jorge Corozo kamachiy killkak, Antonio Torres Collantes pushakta, Guillermo Freire yanapakta kayarka, paykunaka Comité de Derechos Humanos del Ecuador tantarita pushakkunami kan, shinallatak Eduardo Araujo, María Caicedo llaktayukkunapash chayanka. Kay tantarika 18 puncha, kapak killapi, 15h00 sayllata rimanakuy kallarinka.
Mamallakta Tantakuy churashka kullkita tikrachimuchun ñawita churarka, shnami Mamallakta chay chinkashka kullkita kutintak apamunka. Chay kullki llankayman yaykurishpa kutintak kullki mirarichuchn achkata yanapanka.
Kay Justicia kamachikpak, Interior kamachikpak, Asociación de Familiares y Amigos de Personas Desaparecidas en Ecuador pushakpak, Comisión Ecuménica de Derechos Humanos (Cedhu) pushakpak, Defensor Público kamachikpak, runapak hayñita rikukpak ñawpakpi Código Integral Penal kamachiyta allichina hawa rimarka, Absalón Campoverde kamachiy killkak rikuchirka.
Kay Lanzamiento del Grupo Parlamentario por la Erradicación de la Pobreza y Cumplimiento de los Objetivos de Desarrollo Sostenible Hatun yanchaypi, chay 2030 watapak Mamallakta llankana ñanta rurarka, chaypak tantarikunata, runakunata llankachun kayarka. Rikuchikkuna llaktayukkuna Mamallakta wiñarichun chaypi kachun yuyayta charirka, shina runakunapak hayñita tikrachinka nirka.
Kay hawa Comisión del Derecho a la Salud tantari kaya puncha rimanakuyta charinka. Kallaripika 10h05 sayllata rimanakunka, chaypimi Código Orgánico de Salud kamachiyta ishkayniki atinakuyman yaykurichun allichinka. Shinallatak Gerente Hospitalario kamaywasipak, Hospital Docente de Calderón, Álvaro Guamantica Pérez kamachikta chaskinka, payka Educación Genética yachay imashina kashkata riksichinka.
