Kay Justicia y Estructura del Estado minkashka, Consejo de Administración Legislativa arinishka iskun nikita hapirka. Chayka Saraguro, Morona Santiago, Cotopaxi, Imbabura, Cañar Runa llaktakunamanta shamuk tawka mañaykunami karka.
Sapan awki puncha Comisión de Educación tukuylla hatun yachanawasiwan, sumakrurak yachanawasiwan rimanakuyta charin, kay llankay minkashka Ley Orgánica de Educación Superior (Loes) kamachiy ishkayni atinakuyman chayankakama rimanakushpa katinka. Shukpaklla yachana wasikunawan rimanakuyta charinka.
Kay Educación Superior (LOES) kamachiyta kallari atinakuyta wanra puncha, 10h00 sayllata kallarinka, chaypak José Serrano Salgado Mamallakta Tantanakuyta kamachiy killkakkunata pushak kayarka.
Esteban Melo, Europa, Asia, Oceanía suyu llaktamanta akllashka apuk, Yachakkuna rimanakuypi karka: Movilidad Humana kamachiy rurana killka shinallatak uchilla kamachiyta Santo domingo kitipi riksichirka. Kay yachaymanta riksichiy rimanakuyka kiti llaktapi Movilidad Humana hunkaymanta rimanakuy paktaypimi kan.
LLakta pushaktami mañarkakuna. Shinallatak llaktapi Bede, Senagua, EAPA y los GAD tantanakuykunatapash willayta chayachichun mañarka. Upyana yaku Esmeraldas llaktapi mana tiyashkamanta yachay wasikunapash wichkarirka shinallatak unkuypash rikurinallami kan.
Mamallakta Tantanakuypi apukukkna kaya puncha ishkay rimanakuyta charinka. Kallaripika Zaruma llakta chuki llukshichinapi wakllirishkata, chay kipaka Esmeraldas llaktapi kawsanapak yaku mana tiyashkamatami rimanakunka.
"Wiñaypachapi riksirina, ayllukuna chaypikana, kayachishka makipurashpa Código del Trabajo kamachiy rurashkami, kaypika tukuymanta llankaytami kimichin mushuk llankaykunatami wiñachin kayshinami llakta wiñarinapi kimirishpa sinchiyachik", kashnami Liliana Durán apuk, Derechos de los Trabajadores minkarishkata pushak nirka. Ibarra llakta, ishkay niki rimanakuypimi kashna rimarka.
Mamallakta Tantanakuypak rikuchik antawa Loja llaktaman chayanka, chay Benjamín Carrión wasipak irapi shayarinka, chay antawaka Mamallakta Tantanakuy llankashkata tukuy suyukunaman riksichinkapa apanka. Shinami llankaykunata ayllullaktakunaman Mamallakta Tantanakuy utkashpa, mushukta rikuchishpa, kushiyachishpa llaktayukman chayachinchik.
Kay 119 apuchiwan, kimsa shuyaywan Warmi takayta pichachun Mamallakta Tantanakuy minkashkata churan, paykunami Integral para Prevenir y Erradicar la Violencia de Género contra las Mujeres kamachiyta ashtawan allichinka, chay Consejo de Administración Legislativa (CAL) rikuchishkatami katinka, 23 puncha, karwa killapi churashkami kan.
Kay Educación, Cultura, Ciencia y Tecnología minkashka, Augusto Espinosa kamachiy killkak, kay Ministro de Finanzas, Carlos de la Torre kamachikta shamuk awaki punchakpak kayashka kan nishpa willarka, paymi hatun yachanawasikunapak, sumakrurak hatun yachaywasipak kullkimaru hawa willanka, 2017 watapak mashna kullki tiyakta rikuchinaka, shinami hatun yachanawasipak pushakkuna tapushkata tikrachinka.
