Mamallakta Tantanakuypi Ordenamiento Territorial, Uso y Gestión de Suelo kamachiyta ishkaykutin atinakunka, kay llankayta Gobiernos Autónomos minkashka pushanka, kay kamachiyka llaktakunata nikishpa pushanatami rikuchin, wasita allita rurana, mana unkuchik kuskakunata charichun kaman. Alli, kamashka, runakunawan kimirishka pachamamata charichun yanapan.
Kay Cuerpos de Bomberos de Quito, Manta llaktamanta, rescate charishka runakuna, paykunami 16 puncha, ayriwa killapi allpa chukchuy llakichikpi yanaparka, Mamallakta Tantanakuypi “Vicente Rocafuerte” irpa kamarita chayachirka.
Kiruwan, llunchikwan, yaku hawriwan llankakkuna hawa, kunan tumanta rimanakuypi ashtawan kimsa hatun rimaykuna karka, shinami Mamallakta Tantanakuypi Mesa de Diálogo Nacional de la Consulta Prelegislativa nikikunapi karka. Kaypi 3.200 runakuna karka, 21 markakunapi karka, kunanmi kay llankay tukurirka.
Kay Derecho a la Salud minkashka Parto Humanizado y de Práctica Intercultural para el Parto Humanizado en el Sistema Nacional de Salud kamachiyta llaktakunaman riksichinkapa kallarinka. Kallaripika, mama Gabriela Rivadeneira Mamallakta Tantanakuy pushakta, Lourdes Tibán kamachiy killkakta kayanka.
Mamallakta Tantanakuypi mana mayhan yanka punchachu karka. Mamallakta Tantanakuypika tawka chakrurishka rimaykunami tiyarka. Ña 19 punchatami allpa chukchuy tiyashka yallirka, 7.8 patata allpa chukchurka, kaymi Manabí, Esmeraldas llaktakunata achkata llakichirka, Mamallaktapi wiñarishka llakta kuyakkuna chayamurka, Mamallaktapak Fuerzas Armadas, Policía Nacional, cuerpos de bomberos kamachikkuna chayamurka, canes rescatistas allkukunapash chayamurka, kay ancha llakipi makita, sumak yachaykunata mañachirka.
Manarak kamachiyta arinishpa tapuyta chaska, 6 puncha, aymuray killa, 09:00 sayllamanta, 17:00 sayllakama rimanakuyman yaykurinka, chayka José Mejía Lequerica ukupi kanka, tawka chikan chikan hatun tarikunamanta shamuk pushakkunawan rimanakuyka kanka, paykuna yuyayta, rikuyta churankapa shutita killkachirka.
Mamallakta Tantanakuy, Acnur tantariwan purik runakunata yanapankapa yuyarin, shinami purik runakunata tukuy mutsuykunapi yanapankapa kutintak llankankapa yuyarirkakuna, chay purik runakunata ashtawan yanapankapa, ukllankapa shina yuyarirkakuna.
Kay Justicia y Estructura del Estado minkashka chay Papeles de Panamá llakita kutintak taripashpa katinkapa kallarin, shinami Javier Bustos, Universidad San Francisco de Quito llaktamanta, Orlando Pérez, Diario El Telégrafo pushak rimarka, paykunami offshore kamaywasi llakita taripay kallarin.
Mamallakta Tantanakuy, Academia Nacional de Historia kamaywasiwan yuyarita killkarka, kay yuyariwan ishkantin kamaywasikuna yanaparishpa taripayta ruranka, ishkantin kamachiykunata, wiñaykawsayta llaktayukkunaman yachachinka, willanka. Kay yuyariwan ñawpa yachaykunata, Mamallaktapi kawsaytarpuyta tarinka, Ecuador llaktapi kawsakkunaman yanapay tiyachun kamukunata ruranka.
Achkata rimanakushka kipa, chikan chikan llaktay tantarimanta 34 kamachiy killkakkuna rimashkawan, kuyurikkuna, Solidaria y de Corresponsabilidad Ciudadana por las Afectaciones del Terremoto kamachiyta kallari atinakuyta tukuchirka. Chaypimi Ecuador llaktapi kawsak tukuy runakuna yanapanata rimarkakuna, yallita charik yallitallatak yanapanapi tiksirin nirka.
