Kay Régimen Económico minkashka, Servicio de Rentas Internas hatun kamachik, Leonardo Orlando, kay Solidaria y de Corresponsabilidad Ciudadana por las Afectaciones del Terremoto kamachiyka kimsa tiksikunata charin nirka: tukuylla mitachikunata, ñankunata kutintak rurana; tarpuykunata kutintak mirachina; 16 puncha, ayriwa killapi wakllirishka kuskakunapi kutintak wasikunata rurana.
Kayna chishi Régimen Económico minkashka, Patricio Rivera, Coordinador de la Política Económica kamachikta kayarka, paykunami mushuk solidaridad y corresponsabilidad kamachiyta atinakunkapa kallarin, kay kamachiyka achka yanapaykunatami charin, shinami maypimi allpa chukchuywan Manabí, Esmeraldas llakirishka llaktakunata achkata yanapanka.
Kamahiy killkak Alex Guamán, Karyna Sánchez payta katikpash “Ecuador estamos contigo" llankayman kimirinkuna, kay llankaytaka Centro Migrante Ecuatoriano, Miami llaktapimi pushakun, Estado de la Florida llaktapi sakirin, chay Estados Unidos llaktamanta 16 puncha, ayriwa killapi tuñiri tiyashka llakiman yanapankapa kan.
Kay Justicia y Estructura del Estado minkashka churashka hawa, kamachiy killkak Mauro Andino Reinoso, chilla, 27 puncha, ayriwa killapi, 9:30 saylla, 239 yupaywan tantarinka.
Mamallakta Tantanakuy Pushak, Gabriela Rivadeneira, 383 tantariman 09:30 sayllata, wanra puncha kayarka, chaypi Equilibrio de las Finanzas Públicas kamachiyta atinakunka, dólar kullki sinchiyanata, Mamallaktapi llankayta charirayana, kapukyayta charirayana; unkuykunata anchuchina; churashka kullkita ama panta paktachichun; alli rakina, paktakaywan, paktarakiwan rurana.
Kay “Ayudatón por la Reconstrucción” willaypi, Uruguay llaktamanta, José Mujica, mama, Gabriela Rivadeneira, Mamallakta Tantanakuyta Pushakwan rimarishpa, 16 puncha, ayriwa killapi, Manabí marka, Esmeraldas markakunapi allpa chukchuy llaki tiyashkamanta Ecuador runakunawan nanarishpa napayta chayachirka.
Mama Gabriela Rivadeneira, Mamallakta Tantakuyta pushak karu uyarikta katishpa rimarka, chayka “Las Cartas sobre la Mesa” shutiwan, Cámara de Diputados de Chile rimarka, kunan chaska, puncha chishi, ayriwa killapi karka, kay “Ayudatón por la Reconstrucción” rimakuy pachami karka. Kay rimaypimi Chile llaktamanta Ivonne Varas y Hans Kittsteiner Ecuador llaktawan yanaparishpa rimarka
Kay Ecuador llaktapi allpa chukchuywan llakirishka runakunaman yanapayka allpapachapak shuktak llaktakunamantami chayamukun, shinami Estados Unidos, Paulina Aguirre ganadora del Grami Latino, Festival de Viña del Mar takikkuna yanapakun, karu uyarikmanta kayashpa, chay llaktapi purikk runakuna yanapayta mashkanpa kallarishka riman. Shuk tantarishka takikkuna Estados Unidos llaktapi kawsankuna, uku churarina shuk hatun kipita charikun.
Kay Ayudatón por la Reconstrucción, Mamallakta Tantanakuypak yuyayka, chawpi hunu kullkita tantachirka. Kay 10h00 sayllata llankaypi, tantashka kullkita 511.613 dólar kullkiman chayarka, wakinkuna kullkipi, wakin yanapay nipapi karka. Runa tantarikuna, llaktayukkuna ayllukunaman wasikunata kutintak rurankapa yanapan, chay llakika 16 puncha, ayriwa killa allpa chukchushpa wasikunata tuñirka.
Mama Gabriela Rivadeneira, Mamallakta Tantanakuyta pushak runakuna rikcharichun kayarka, 16 puncha, ayriwa killapi, allpa chukchuy tiyashka hawa, kay Ayudatón Reconstrucción willaywan kallarirka. Kaynamanta 60 willana ñankuna kay willaywan yanaparka.
